កីឡាការិនីនូវែលសេឡង់ Lydia Ko បានក្លាយជាម្ចាស់ពានកម្មវិធី Swinging Skirts LPGA Classic ខណៈកាលពីថ្ងៃអាទិត្យ ទី២៧មេសា នាងបានបញ្ចប់ជុំផ្តាច់ព្រ័ត្រជាមួយពិន្ទុ៣អាន់ឌ័រ ប៉ា៦៩ ។ ព្រឹត្តិការណ៍ប្រកួតដែលមានទឹកប្រាក់រង្វាន់សរុប១លាននិង៧០ម៉ឺនដុល្លារនេះត្រូវបានរៀបចំធ្វើនៅទីលានវាយកូនគោល Lake Merced Golf Club ទីក្រុង San Francisco រដ្ឋកាលីហ្វ័រ
កីឡាការិនីនូវែលសេឡង់ Lydia Ko បានក្លាយជាម្ចាស់ពានកម្មវិធី Swinging Skirts LPGA Classic ខណៈកាលពីថ្ងៃអាទិត្យ ទី២៧មេសា នាងបានបញ្ចប់ជុំផ្តាច់ព្រ័ត្រជាមួយពិន្ទុ៣អាន់ឌ័រ ប៉ា៦៩ ។ ព្រឹត្តិការណ៍ប្រកួតដែលមានទឹកប្រាក់រង្វាន់សរុប១លាននិង៧០ម៉ឺនដុល្លារនេះត្រូវបានរៀបចំធ្វើនៅទីលានវាយកូនគោល Lake Merced Golf Club ទីក្រុង San Francisco រដ្ឋកាលីហ្វ័រញ៉ា សហរដ្ឋអាមេរិក ។
ជាមួយនឹងការសម្រេចបានពិន្ទុបឺឌីនៅឡូចុងក្រោយក្នុងជុំផ្តាច់ព្រ័ត្រនាំឱ្យកីឡាការិនីវ័យ១៧ឆ្នាំរូបនេះកម្ចាត់បានគូប្រជែងរបស់ខ្លួន ដែលជាកីឡាការិនីម្ចាស់ផ្ទះគឺនាង Stacy Lewis យកឈ្នះពានជើងឯកជាមួយនឹងលទ្ធផលសរុប ១២អាន់ឌ័រ ២៧៦ ។ នេះគឺជាពានក្របខ័ណ្ឌ LPGA Tour លើកទី៣ក្នុងអាជីពរបស់នាងហើយ ។ វាជាជោគជ័យបន្តបន្ទាប់ដែលនឹងនាំឱ្យនាងឡើងទៅគ្រងតំណែងលេខ២ លើលោកពោលគឺ៣ថ្ងៃបន្ទាប់ពីប្រារព្ធខួបកំណើត១៧ឆ្នាំ ។ នាងបានថ្លែងថា៖«ខ្ញុំត្រូវបានប្រាប់ថា ត្រូវតែមានការសម្រួលអារម្មណ៍ឱ្យស្ងប់ ។ ក្រោយមកខ្ញុំក៏ចាប់មានអារម្មណ៍ធម្មតាវិញ ។ ខ្ញុំរីករាយដែលដណ្តើមបានពានជើងឯកកម្មវិធីប្រកួតនេះ»។
ជ័យជម្នះលើកនេះនាំឱ្យនាងទទួលបានប្រាក់រង្វាន់២៧ម៉ឺនដុល្លារ ខណៈនាង Stacy Lewis ដែលដណ្តើមបានចំណាត់ថ្នាក់លេខ២ ទទួលបានជាង១៦ម៉ឺន៥ពាន់ដុល្លារ ។ ឯនាង Jenny Shin ដែលដណ្តើមបានចំណាត់ថ្នាក់លេខ៣ក្រោយពីធ្វើបានលទ្ធផលសរុប ១០អាន់ឌ័រ ២៧៨ ទទួលបានប្រាក់រង្វាន់ជាង១១ម៉ឺន និង៩ពាន់ដុល្លារ ៕
ចែករំលែកព័តមាននេះ