សហរដ្ឋអាមេរិក ៖ ក្រុមប្រជាធិបតេយ្យអះអាងនាថ្ងៃទី១៥ តុលា ថាពួកគេបានប្រមូលផ្ដុំបណ្ដាភស្ដុតាងសម្រាប់ដាក់បន្ទុកសំដៅដកហូតតំណែងប្រធានាធិបតីសហរដ្ឋអាមេរិកលោក ដូណាល់ ត្រាំ តាមរយៈការធ្វើសវនាការមួយចំនួនរបស់សភា ទោះបីជាមានការបដិសេធផ្ទួនៗរបស់សេតវិមានពុំព្រមរួមសហការជាមួយការស៊ើបអង្កេតនោះក្ដី ។ សភាអាមេរិកបានចូលធ្វើការវិញក្រោយសម្រាក២សប្ដាហ៍ ហើយក្រុមអ្នកប្រជាធិបតេយ្យក្នុងសភាឆ្លៀតឱកាសនោះដើម្បីជម្រុញការស៊ើបអង្កេតលើប្រធានាធិតីអាមេរិក ។
ពួកគេស្វែងរកកំណត់ថា តើលោក ត្រាំ មានបានរំលោភបំពានអំណាចដើម្បីចាប់បង្ខំអ៊ុយក្រែនឲ្យស៊ើបអង្កេត លើអតីតអនុប្រធានាធិបតេយ្យលោក JOE BIDEN ដែលនឹងអាចក្លាយជាគូប្រជែងជាមួយលោក ត្រាំ ក្នុងការបោះឆ្នោតប្រធានាធិបតីឆ្នាំ២០២០ដែរឬយ៉ាងណា ។
ប្រធានសភាលោកស្រី ណានស៊ីពីឡូស៊ី ជាអ្នកប្រជាធិបតេយ្យ និងអ្នកទទួលខុសត្រូវនៃការស៊ើបអង្កេតរបស់សភាលោក ADAM SCHIFF បានបរិហារក្នុងសន្និសីទសារព័ត៌មានមួយចំពោះការបដិសេធរបស់រដ្ឋការលោក ត្រាំ ពុំព្រមផ្ដល់បណ្ដាឯកសារដល់សភា ៕
កែសម្រួលដោយ ៖ សំណាង
ចែករំលែកព័តមាននេះ