ខេត្តក្រចេះ ៖ ឈើប្រណីតប្រភេទធ្នង់ធំៗ មានចំនួនជិត៣០កំណាត់ជារបស់ឈ្មួញ ដែលអះអាងថាជាមន្រ្តីកងរាជអាវុធហត្ថ គឺត្រូវមេព្រៃចាប់បង្រ្កាបកាលពីព្រឹកថ្ងៃទី២៦ មេសា ខណៈដែលឈើទាំងនេះ ត្រូវដឹកជញ្ជូនតាមទូកតូចៗយកមកពន្លិចក្នុងទឹកទន្លេនៅស្រុកសំបូរ ចម្រុងលើកឡើងរថយន្តបន្ត។
ខេត្តក្រចេះ ៖ ឈើប្រណីតប្រភេទធ្នង់ធំៗ មានចំនួនជិត៣០កំណាត់ជារបស់ឈ្មួញ ដែលអះអាងថាជាមន្រ្តីកងរាជអាវុធហត្ថ គឺត្រូវមេព្រៃចាប់បង្រ្កាបកាលពីព្រឹកថ្ងៃទី២៦ មេសា ខណៈដែលឈើទាំងនេះ ត្រូវដឹកជញ្ជូនតាមទូកតូចៗយកមកពន្លិចក្នុងទឹកទន្លេនៅស្រុកសំបូរ ចម្រុងលើកឡើងរថយន្តបន្ត។
មន្ត្រីរដ្ឋបាលព្រៃឈើសណ្តាន់ បាននិយាយថា ឈើទាំងនេះគឺសុទ្ឋសឹងជាឈើធ្នង់ ប្រភេទឈើប្រណីត មានមុខកាត់តូចធំ ចំនួនជិត៣០កំណាត់ និងត្រូវចាប់បង្រ្កាប បាននៅក្នុងបាតទន្លេខាងក្រោយភូមិធំ ឃុំសណ្តាន់ ស្រុកសំបូរ ។
មន្រ្តីរដ្ឋបាលព្រៃឈើ បាននិយាយថា ឈើទាំងនេះគឺឈ្មួញបានដឹកតាមទូកតូចៗ នាំពីត្រើយម្ខាងនៃស្រុកសំបូរ និងបានពន្លិចក្នុងទឹកទន្លេដើម្បីរកឱកាសលើកដាក់រថយន្ត ស៊េរីទំនើបៗនាំទៅលក់បន្ត។ ទោះបីជាយ៉ាងណា ស្ថាប័នជំនាញរដ្ឋបាលព្រៃឈើ មិនបានបញ្ជាក់ពីអត្តសញ្ញាណ ជនជាម្ចាស់ឈើ ឫការមានវិធានការតាមផ្លូវច្បាប់ទៅលើជនជាម្ចាស់ឈើនេះនៅឡើយទេ។
បើតាមប្រភពព័ត៌មានពីពលរដ្ឋនៅម្តុំនោះបាននិយាយថា សកម្មភាពនៃការដឹកជញ្ជូន ឈើប្រណីតនៅចំណុចនេះ គឺបានកើតមានរយៈពេលរាប់សិបខែមកហើយ គឺឈ្មួញបានដឹកតាមទូកមកច្រាំងទន្លេនិងបានលើកផ្ទេរឡើងរថយន្ត ដោយធ្វើសកម្មភាពកាត់អារ ច្រៀកទាំងយប់ទាំងថ្ងៃថ្លង់ស្ទើរដេកពួនមិនបាន។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ