រាជធានីភ្នំពេញ ៖ បុរសជាបុគ្គលិកសាលារៀនឯកជនម្នាក់ ខណៈជិះម៉ូតូធ្វើដំណើរពេលមេឃកំពុងតែរលឹម ស្របពេលចរាចរណ៍កំពុងតែរៀងកកស្ទះ ស្រាប់តែបុរសរូបនោះ មិនដឹងថាមានអាការៈអ្វីនោះទេ ក៏ដួលធ្លាក់ពីលើម៉ូតូសន្លប់បាត់ស្មារតី បង្កការភ្ញាក់ផ្អើលដល់អ្នកដំណើរជួយលើកអែបខាង និងហៅរថយន្តសង្គ្រោះឱ្យមកជួយដឹកយកទៅសង្គ្រោះដែរ…
រាជធានីភ្នំពេញ ៖ បុរសជាបុគ្គលិកសាលារៀនឯកជនម្នាក់ ខណៈជិះម៉ូតូធ្វើដំណើរពេលមេឃកំពុងតែរលឹម ស្របពេលចរាចរណ៍កំពុងតែរៀងកកស្ទះ ស្រាប់តែបុរសរូបនោះ មិនដឹងថាមានអាការៈអ្វីនោះទេ ក៏ដួលធ្លាក់ពីលើម៉ូតូសន្លប់បាត់ស្មារតី បង្កការភ្ញាក់ផ្អើលដល់អ្នកដំណើរជួយលើកអែបខាង និងហៅរថយន្តសង្គ្រោះឱ្យមកជួយដឹកយកទៅសង្គ្រោះដែរ តែគ្រូពេទ្យចុះមកដល់បានពិនិត្យ និងបញ្ជាក់ថាជនរងគ្រោះបានដាច់ខ្យល់ស្លាប់បាត់ទៅហើយ ។
ហេតុការណ៍ខាងលើនេះ បានកើតឡើងកាលពីវេលាម៉ោង៦និង១៥នាទីព្រលប់ ថ្ងៃទី២៥ ខែមិថុនាឆ្នាំ២០២៥ នៅចំណុចទល់មុខស្ថានីយប្រេងមួយកន្លែង តាមផ្លូវ២១៧ ស្ថិតក្នុងសង្កាត់ដង្កោ ខណ្ឌដង្កោ រាជធានីភ្នំពេញ ។
ជនរងគ្រោះឈ្មោះ ប៉ូ សុវណ្ណារឹទ្ធ ភេទប្រុស អាយុ៣៨ឆ្នាំ ជាបុគ្គលិកសាលារៀនសុវណ្ណភូមិ សាខាជ្រោយចង្វា ស្នាក់នៅផ្ទះជួលសង្កាត់ដង្កោ ខណ្ឌដង្កោ រាជធានីភ្នំពេញ មានស្រុកកំណើតនៅភូមិព្រែកជ្រៅ ឃុំរកាកោងទី២ ស្រុកមុខកំពូល ខេត្តកណ្តាល ។
ប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុ គេបានឃើញបុរសជនរងគ្រោះបានជិះម៉ូតូម៉ាក ហុងដាស្តុបពី ពណ៌ក្រហម ពាក់ស្លាកលេខ ភ្នំពេញ 1HZ 2810 ជិះធ្វើដំណើរតាមបណ្ដោយផ្លូវ២១៧ទិសដៅពីជើងទៅត្បូង ខណៈមេឃកំពុងតែរលឹម លុះមកដល់ចំណុចកើតហេតុ ស្របពេលចរាចរណ៍កំពុងតែរៀងកកស្ទះ ស្រាប់តែបុរសជារងគ្រោះ មិនដឹងថាមានអាការៈអ្វីនោះទេ ស្រាប់តែដួលពីលើម៉ូតូសន្លប់បាត់ស្មារតីតែម្ដងទៅ ។
ក្នុងហេតុការណ៍នេះផងដែរ បន្តិចក្រោយមកក៍មានអ្នកដំណើរបានជួយយកអាសាលើកអែបគៀន និងបានទាក់ហៅរថយន្តសាមុយរបស់មន្ទីរពេទ្យបង្អែកដង្កោអោយមកជួយដឹកយកទៅសង្គ្រោះដែរ តែពេលគ្រូពេទ្យចុះមកដល់កន្លែងកើតហេតុ បានពិនិត្យ និងបញ្ជាក់ថាជនរងគ្រោះបានដាច់ខ្យល់ស្លាប់បាត់ទៅហើយ ។
ពាក់ព័ន្ធករណីនេះផងដែរ បន្តិចក្រោយមកក៏មានវត្តមានកម្លាំងសមត្ថកិច្ចមូលដ្ឋានបានចុះទៅកន្លែងកើតហេតុ ដើម្បីសួរនាំ និងបានអោយរថយន្តដឹកសពយកទៅតម្កល់នៅមន្ទីរពេទ្យបង្អែកដង្កោអោយផ្នែកជំនាញធ្វើកោសល្យវិច័យផងដែរ ។
ករណីខាងលើខាងជំនាញបាញ់អោយដឹងថា សពជនរងគ្រោះស្លាប់ដោយសារគាំងបេះដូង(ខ្យល់គរ) ។
ក្រោយពេលកើតហេតុ សពត្រូវបានប្រគល់អោយក្រុមគ្រួសារយកទៅចាត់ចែងធ្វើបុណ្យតាមប្រពៃណីនៅស្រុកកំណើត ៕
ចែករំលែកព័តមាននេះ