ខេត្តបន្ទាយមានជ័យ ៖ គ្រួសាររងគ្រោះដោយសារភ្លៀងលាយខ្យល់បក់ប៉ើងដំបូលផ្ទះ៣គ្រួសារ ដែលស្ថិតនៅក្នុងភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត បានទទួលអំណោយពីអាជ្ញាធរក្រុងប៉ោយប៉ែត តាមរយ:អាជ្ញាធរភូមិចុះចែកជូនតាមផ្ទះ កាលពីព្រឹកថ្ងៃទី២៦ មេសា ២០១៤ នេះ ។
ខេត្តបន្ទាយមានជ័យ ៖ គ្រួសាររងគ្រោះដោយសារភ្លៀងលាយខ្យល់បក់ប៉ើងដំបូលផ្ទះ៣គ្រួសារ ដែលស្ថិតនៅក្នុងភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត បានទទួលអំណោយពីអាជ្ញាធរក្រុងប៉ោយប៉ែត តាមរយ:អាជ្ញាធរភូមិចុះចែកជូនតាមផ្ទះ កាលពីព្រឹកថ្ងៃទី២៦ មេសា ២០១៤ នេះ ។
ប្រភពបានឱ្យដឹងថា គ្រួសាររងគ្រោះទាំង៣ខាងលើរួមមាន ១-ឈ្មោះជិន សាយ អាយុ៥១ឆ្នាំ ប្រពន្ធឈ្មោះកែវ មួយ អាយុ៥១ឆ្នាំ, ២-ឈ្មោះក្រឹង ស្រ៊ី អាយុ៥៧ឆ្នាំ ប្រពន្ធឈ្មោះជ្រេស ស្រ៊ាង អាយុ៥៣ឆ្នាំ និង៣-ឈ្មោះឆយ ម៉េងហួត អាយុ៣៥ឆ្នាំ ។ គ្រួសារឈ្មោះជិន សាយ ទទួលបានស័ង្កសីប្រវែង២ម៉ែត្រ ចំនួន១៥សន្លឹក, មី១កេស, កៅស៊ូតង់ចំនួន១ ។ ចំណែក២គ្រួសារទៀតក្នុងមួយគ្រួសារៗទទួលបានស័ង្កសី១០សន្លឹក មី១កេស និងកៅស៊ូតង់១។
លោកសន មុន្នី មេភូមិមិត្តភាព ដែលបាននាំយកអំណោយចុះចែកជូនគ្រួសាររងគ្រោះទាំង៣ខាងលើឱ្យដឹងថា អំណោយជាស័ង្កសីសរុប៣៥សន្លឹក ជារបស់សាលាក្រុងប៉ោយប៉ែត ផ្ដួចផ្ដើមដោយលោកង៉ោ ម៉េងជ្រួន អភិបាលនៃគណ:អភិបាលក្រុងប៉ោយប៉ែត។ចំណែកមី និងកៅស៊ូតង់ ជារបស់លោកផ្ទាល់តែម្ដង។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ