ខេត្តស្វាយរៀង៖មានករណីស្ត្រីវ័យ៣៤ឆ្នាំម្នាក់សម្រាលកូនហើយធ្លាក់ឈាមរហូតស្លាប់បាត់បង់ងជីវិតចោលកូន០៤នាក់និងប្តី បង្កឲ្យមហាជនលើកយកមកវែកញែកដោយរិះគន់ថា មកពីការធ្វេសប្រហែសរបស់គ្រូពេទ្យឆ្មបនៃមន្ទីពេទ្យបង្អែកជីភូ ដោយស្ត្រីរងគ្រោះសម្រាលកូនលើកទី៤ មានកម្លាំមាំមួន ហើយខណៈសម្រាលកូនរួចពេទ្យឆ្មបកាត់ទងសុខស្រាប់តែធ្លាក់ឈាមខ្លាំង ក្រុមគ្រូពេទ្យមិនព្រមបញ្ជូនស្ត្រីរងគ្រោះមកមន្ទីរពេទ្យខេត្តភ្លាមទេ គឺទុកស្ត្រីរងគ្រោះរហូតធ្លាក់ឈាមខ្លាំង ជាច្រើនម៉ោង«ពីម៉ោង១និង៥០នាទីយប់ទៀបភ្លឺរហូតដល់ម៉ោង១០ព្រឹកទើបបញ្ជូនមកមន្ទីរពេទ្យខេត្តស្វាយរៀង គឺហួសពេលសង្គ្រោះបានស្លាប់បាត់បង់ជីវិតនៅវេលាម៉ោង១២និង២០នាទីរសៀលថ្ងៃទី២២មិថុនា២០២៥នៅមន្ទីរពេទ្យខេត្ត។
បច្ចុប្បន្នបុរស់ជាប្តីដោយជីវភាពក្រីក្រកំពុងដង្ហើយរកប្បុរសជនជួយ…ទឹកដោះគោដើម្បីចិញ្ចឹមកូនខណ:បុរសជាប្តីធ្វើកម្មករសំណង់មានកូន០៤នាក់នៅក្នុងបន្ទុកហើយជំពាក់លុយធនាគារទៀតទុក្ខលើទុក្ខ។បើតាមបុរស់ជាប្តីបានប្រាប់អ្នកសារព័ត៌មានយើងថាស្ត្រីរងគ្រោះឈ្មោះ អុក ស្រី អាយុ៣៤ឆ្នាំ «ឆ្នាំកំណើត១៩៩១»មុខរបរកសិករ មានទីលំនៅភូមិកំពង់ រទេះឃុំ ពពែត ស្រុកស្វាយទាបខេត្តស្វាយរៀង។ ចំណែកប្ដីឈ្មោះអន វាសនា ឆ្នាំកំណើត១៩៨២ មុខរបរធ្វើសំណង់នៅក្រុងបាវិតមានកូនចំនួន ០៤ នាក់នៅក្នុងបន្ទុក ប្រុស ២ នាក់ ស្រី ២ កូនពៅទើបនឹងកើតភេទប្រុស។
ប្រភពបានបញ្ជាក់ថា កាលពី វេលាម៉ោង១២និង០០នាទីយប់កណ្តាលអាធ្រាត្រថ្ងៃទី២១មិថុនា២០២៥ប្រពន្ធរបស់គាត់ឈឺពោះឆ្លងទន្លេ បុរស់ជាប្តីក៏បានដឹកប្រពន្ធពីផ្ទះនៅភូមិកំពង់រទេសឃុំពពែតស្រុកស្វាយទាបទៅសម្រាលកូននៅមន្ទីរពេទ្យបង្អែកជីភូក្រុងបាវិតលុះម៉ោង១និង០០នាទីយប់រំលងអាធ្រាត ឈានចូល ថ្ងៃទី២២ ខែមិថុនាឆ្នាំ ២០២៥ចូលសម្រាកនៅមន្ទីរពេទ្យជីភីរហូតដល់ម៉ោង១និង៥០នាទីយប់ទៀបភ្លឺស្ត្រីរងគ្រោះបានសម្រាលកូនបានកូនប្រុសម្នាក់ជាកូនទី៤ខណៈនោះក្រុមគ្រូពេទ្យឆ្មបមិនដឹងថា ធ្វើយ៉ាងម៉ិចទេ ស្រាប់តែប្រពន្ធរបស់គាត់ធ្លាក់ឈាមខ្លាំង សង្ស័យពេលបង្កើតកូនមានការធ្វេសប្រហេសបណ្តាលឲ្យដាច់ទងសុក ដែលចាស់ទុំពីបុរាណនិយាយថាដាច់កន្ទុយលិន បណ្តាលឲ្យធ្លាក់ឈាមរហូតដល់ស្លាប់។
ទាក់ទិនករណីនេះដែរមន្ទីរសុខាភិបាលនៃរដ្ឋបាលខេត្តស្វាយរៀងបានបំភ្លឺថា នៅថ្ងៃទី២២មិថុនា២០២៥វេលាម៉ោង១និង០០នាទីយប់រំលងអាធ្រាតស្ត្រីវ័យ៣៤ឆ្នាំ ពពោះកូនទី៥ នៅភូមិកំពង់រទេសឃុំពពែតបានមកសម្រាលកូននៅមន្ទីរពេទ្យបង្អែកជីភូ និងបានសម្រាលកូនតាមធម្មជាតិ នៅវេលាម៉ោង១និង៥០នាទីព្រឹកទៀបភ្លឺ ក្រោយពីទម្លាក់សុកស្ត្រីរងគ្រោះមានស្ថានភាពធ្លាក់ឈាម ខ្លាំង ស្បូនខ្សោយ (មិនកន្ត្រាក់) ក្រុមគ្រូពេទ្យបានជួយសង្គ្រោះតាមបច្ចេកទេស និងបានបញ្ជូនសង្គ្រោះបន្តនៅមន្ទីរពេទ្យខេត្តស្វាយរៀង ពេលបញ្ជូនដល់មន្ទីរពេទ្យខេត្តក្រុមគ្រូពេទ្យផ្នែកសម្ភព បានពិនិត្យឃើញថា ស្ត្រីរងគ្រោះមានសភាព បាត់បង់ឈាមជាពិសេស ស្បូនមិនកន្ត្រាក់ ខ្សោយខ្លាំង ទោសបីក្រុមគ្រូពេទ្យខិតខំធ្វើការសង្គ្រោះនិងធ្វើកាវះកាត់ស្បូនជាបន្ទាន់ដើម្បីឃាត់ឈាម តាមលក្ខណៈស្តង់ដាបច្ចេកទេស ក៏ស្ឋានភាពអ្នកជម្ងឺ មិនអាចសង្គ្រោះបានស្លាប់នៅវេលាម៉ោង១២និង២០នាទីរសៀលថ្ងៃទី២២មិថុនា២០២៥។
បុរសជាប្តី បានប្រាប់អ្នកសារព័ត៌មានយើងថា បន្ទាប់ពីដឹកសពប្រពន្ធគាត់ដល់ផ្ទះ មានខាងគណបក្សថ្នាក់កណ្ដាលចុះជួយឃុំ ពពែត ក្រុមប្រឹក្សាឃុំ ប្រធាន គ.ក.ស.ក ស្រុក អភិបាលរងស្រុកស្វាយទាបចុះទៅចូលរួមរំលែកទុក្ខ។ ដោយឡែកខាងមន្ទីរពេទ្យបង្អែកជីភូបានចូលរួមចូលបុណ្យទឹកប្រាក់សរុប២លានរៀល ក្នុងនោះ១លានរៀលសម្រាប់ចូលបុណ្យ និង១លានទៀតឧបត្ថម្ភសម្រាប់ទិញទឹកដោះគោឲ្យកូនទើបនិងកើត។ដោយជីវភាៈក្រីក្រហើយមានកូន០៤នាក់ក្នុងបន្ទុកទើបបុរស់ជាប្តីសូមអំពាវនាវដល់សប្បុរសជនមេត្តាជួយឧបត្ថម្ភដើម្បីចិញ្ចឹមកូនៗ ជាពិសេសទារកត្រូវការទឹកដោះគោ៕
ចែករំលែកព័តមាននេះ