រាជធានីភ្នំពេញ ៖ ស្ត្រីលក់គ្រឿងទេសម្នាក់បានស្លា.ប់យ៉ាងអាណោចអាធ័មនៅក្នុងផ្ទះ របស់ខ្លួនដោយសារក្រុមចោរយកក្រមារឹត.កសម្លា.ប់ ប្លន់យកទ្រព្យសម្បត្តិ កាលពីវេលាម៉ោងជិត១រំលងអធ្រាត្រ ឈានចូលថ្ងៃទី២៥ មេសា ហើយរហូតដល់វេលាម៉ោង៥ភ្លឺ ទើបមានការភ្ញាក់ផ្អើលដល់សមត្ថកិច្ចចុះទៅត្រួតពិនិត្យ ។
រាជធានីភ្នំពេញ ៖ ស្ត្រីលក់គ្រឿងទេសម្នាក់បានស្លាប់យ៉ាងអាណោចអាធ័មនៅក្នុងផ្ទះ របស់ខ្លួនដោយសារក្រុមចោរយកក្រមារឹត.កសម្លាប់ ប្លន់យកទ្រព្យសម្បត្តិ កាលពីវេលាម៉ោងជិត១រំលងអធ្រាត្រ ឈានចូលថ្ងៃទី២៥ មេសា ហើយរហូតដល់វេលាម៉ោង៥ភ្លឺ ទើបមានការភ្ញាក់ផ្អើលដល់សមត្ថកិច្ចចុះទៅត្រួតពិនិត្យ ។
ហេតុការណ៍រឹត.កសម្លាប់ប្លន់យកទ្រព្យសម្បត្តិនេះ បានកើតឡើងនៅក្នុងភូមិសែនសុខ២ សង្កាត់ឃ្មួញ ខណ្ឌសែនសុខ ។ ស្ត្រីរងគ្រោះឈ្មោះ ឡាំ សុខពិសី អាយុ២៩ឆ្នាំ ជាអ្នកលក់គ្រឿងទេស ប្តីឈ្មោះ ម៉ា រិទ្ធី អាយុ៣០ឆ្នាំ ជាសន្តិសុខនៅមណ្ឌលកែប្រែបន្សាបគ្រឿងញៀនឱកាសខ្ញុំ ។
ស្ត្រីឈ្មោះ ឡាំ សំសុី អាយុ៤៨ឆ្នាំ ត្រូវជាម្តាយបង្កើតជនរងគ្រោះ និងមានទីលំនៅក្បែរគ្នាផងនោះ បានបំភ្លឺប្រាប់សមត្ថកិច្ចថា នៅវេលាម៉ោង១រំលងអធ្រាត្រឈានចូលថ្ងៃទី២៥ មេសា គាត់បានឮសូរក្តុងក្តាំងត្រង់ទ្វារផ្ទះ ខណៈដែលនាងដេកនៅក្នុងផ្ទះតែម្នាក់ឯង ចំណែកប្តីមិននៅផ្ទះ ដោយជាប់រវល់ទៅយាមនៅមណ្ឌលកែប្រែបន្សាបគ្រឿងញៀនឱកាសខ្ញុំ។ ស្ត្រីជាម្តាយបន្តថា ពេលនោះគាត់ក៏ក្រោកទៅផ្ទះកូនស្រី ស្រាប់តែឃើញទ្វារផ្ទះចំហ និងបានឃើញមនុស្សប្រុសម្នាក់រត់ចេញពីក្នុងផ្ទះ និងមានស្ពាយស្បោងមួយផងដែរ ធ្វើឱ្យរូបគាត់សង្ស័យថា ច្បាស់ជាចោរចូលទៅក្នុងផ្ទះកូនស្រីរបស់គាត់ហើយ ។ ភ្លាមៗនោះគាត់ដើរចូលទៅក្នុងផ្ទះ និងឡើងទៅលើឡៅតឿជាបន្ទប់កូនស្រីដេក ក៏ប្រទះឃើញកូនស្រីរបស់គាត់ស្លាប់ទៅហើយនៅលើគ្រែពូក ទើបគាត់ស្រែកឆោឡោឡើងផ្អើលដល់អ្នកភូមិតែម្តង ។
ស្ត្រីជាម្តាយបញ្ជាក់ថា ពេលដឹងថាកូនស្រីស្លាប់ គាត់ក៏ទូរស័ព្ទប្រាប់ប្តីរបស់នាងដែលជាកូនប្រសាឈ្មោះ ម៉ា រិទ្ធី អាយុ៣០ឆ្នាំ ដែលទៅយាមនៅមណ្ឌលកែប្រែបន្សាបគ្រឿងញៀនឱកាសខ្ញុំ ឱ្យមកផ្ទះជាបន្ទាន់ ។ តាមការឱ្យដឹងពីប្តីនារីរងគ្រោះ ទ្រព្យសម្បត្តិដែលចោរប្លន់យកទៅនោះមានទូរស័ព្ទម៉ាកសាំសុ៊ងហ្គាឡាក់ស៊ី១គ្រឿង និងលុយខ្មែរ១លាន៤សែនរៀល រួមនឹងលុយអាមេរិកចំនួន៣០០ដុល្លារផងដែរ ។ ចំពោះប៉ូលិសដែលចុះទៅត្រួតពិនិត្យសពបានឱ្យដឹងថា សពត្រូវបានជនដៃដល់យកក្រមារឹត.កសម្លាប់ នៅពេលជនរងគ្រោះកំពុងដេកលក់នៅលើគ្រែ ។ មិនទាន់មានការសន្និដ្ឋានបែបណានៅឡើយទេ ថាតើចោរនោះចេញពីប្រភពណា ៕
ចែករំលែកព័តមាននេះ