នាយករដ្ឋមន្ត្រីជប៉ុន លោក ស៊ីនហ្សូ អាបេ វាយតម្លៃកាលពីថ្ងៃទី២៥ មេសា ថា ជប៉ុននិងសហរដ្ឋអាមេរិក សម្រេចបានជោគជ័យជាប្រវត្តិសាស្ត្រមួយក្នុងឱកាសនៃការជួបគ្នាកំពូលជាមួយលោក បារ៉ាក់ អូបាម៉ា ដោយសារកិច្ចព្រមព្រៀងស្តីពីបញ្ហាសន្តិសុខ និងការរីកចម្រើនកត់សម្គាល់ឃើញក្នុងការចរចាពាណិជ្ជកម្មទ្វេភាគី ។
នាយករដ្ឋមន្ត្រីជប៉ុន លោក ស៊ីនហ្សូ អាបេ វាយតម្លៃកាលពីថ្ងៃទី២៥ មេសា ថា ជប៉ុននិងសហរដ្ឋអាមេរិក សម្រេចបានជោគជ័យជាប្រវត្តិសាស្ត្រមួយក្នុងឱកាសនៃការជួបគ្នាកំពូលជាមួយលោក បារ៉ាក់ អូបាម៉ា ដោយសារកិច្ចព្រមព្រៀងស្តីពីបញ្ហាសន្តិសុខ និងការរីកចម្រើនកត់សម្គាល់ឃើញក្នុងការចរចាពាណិជ្ជកម្មទ្វេភាគី ។
បន្ទាប់ពីលោក អូបាម៉ា បញ្ចប់ទស្សនកិច្ចនៅជប៉ុន លោក អាបេ ថ្លែងទៅកាន់សារព័ត៌មានថា នេះជាសេចក្តីថ្លែងការណ៍ប្រវត្តិសាស្ត្រមួយ សម្រាប់ជប៉ុន និងសម្រាប់សហរដ្ឋ អាមេរិក ។នេះជាទស្សនកិច្ចលើកដំបូងរបស់ប្រមុខរដ្ឋអាមេរិកមួួយរូបនៅជប៉ុន ចាប់តាំងពី១៨ឆ្នាំមកហើយ ។ ក្រោយបញ្ចប់ទស្សនកិច្ចនេះ របស់លោក អូបាម៉ា ប្រទេសទាំងពីរបានចេញសេចក្តីប្រកាសរួមមួយដែលអះអាងថា ភាគីទាំង២ប្រឆាំងរាល់ការទាមទារដែនដី ឬដែនសមុទ្រ ដោយបញ្ជាក់ថា សន្ធិសញ្ញាសន្តិសុខទ្វេភាគី ក្រសោបទាំងប្រជុំកោះសេនកាគូទាមទារយកដោយចិន ក្រោមឈ្មោះថាប្រជុំកោះឌីអាវយូផង ។
ទោះបីជាយ៉ាងណា ក្រុងវ៉ាស៊ីនតោន និងក្រុងតូក្យូនៅពុំទាន់សម្រេចបានកិច្ចព្រមព្រៀងខាងពាណិជ្ជកម្មមួយ ពោលគឺការផ្លាស់ប្តូរសេរីឆ្លងកាត់បា៉ស៊ីហ្វិក ។ ក៏ប៉ុន្តែលោក អាបេ យល់ថា ដំណាក់កាលគន្លឹះមួយអាចសម្រេចបានក្នុងការបំពេញការរីកចម្រើនក្នុងការចរចារវាងប្រទេសទាំង២ ៕
ចែករំលែកព័តមាននេះ