ពួកអ្នកមុជទឹកកូរ៉េខាងត្បូងកាលពី ថ្ងៃទី២៥ មេសា ខិតខំមុជតាមរកស្រង់សាកសពមនុស្សជាង១០០នាក់ទៀត ដែលនៅជាប់ក្នុងនាវា ដែលលិចនៅក្នុងដែនទឹកកូរ៉េខាងត្បូង ខណៈព្យុះមួយជិតមកដល់ ។ ចំនួនសាកសពមនុស្សដែលស្រង់បានចេញពីទឹក មកដល់ថ្ងៃទី២៥ មេសា ឡើងដល់១៨១នាក់ ប៉ុន្តែមនុស្ស១២១នាក់ទៀតនៅតែបាត់ខ្លួន ជាប់ក្នុងនាវា Sewol ដែលលិចកាលពីថ្ងៃទី១៦
ពួកអ្នកមុជទឹកកូរ៉េខាងត្បូងកាលពី ថ្ងៃទី២៥ មេសា ខិតខំមុជតាមរកស្រង់សាកសពមនុស្សជាង១០០នាក់ទៀត ដែលនៅជាប់ក្នុងនាវា ដែលលិចនៅក្នុងដែនទឹកកូរ៉េខាងត្បូង ខណៈព្យុះមួយជិតមកដល់ ។ ចំនួនសាកសពមនុស្សដែលស្រង់បានចេញពីទឹក មកដល់ថ្ងៃទី២៥ មេសា ឡើងដល់១៨១នាក់ ប៉ុន្តែមនុស្ស១២១នាក់ទៀតនៅតែបាត់ខ្លួន ជាប់ក្នុងនាវា Sewol ដែលលិចកាលពីថ្ងៃទី១៦ មេសា ជាមួយមនុស្សជិត៤៧០នាក់ ក្នុងនោះ៣៥២នាក់ ជាសិស្សសាលាធ្វើដំណើរសិក្សា ។
ពួកអ្នកមុជទឹកក្នុងមួួយថ្ងៃៗ មុជស្រង់សាកសពមនុស្សបានប្រមាណជា៣០នាក់ ។ ទោះបីយ៉ាងណា សាច់ញាតិគ្រួសារអ្នកបាត់ខ្លួន មានការខឹងសម្បារចំពោះអាជ្ញាធរដែលមានការយឺតយ៉ាវ ក្នុងការតាមស្រង់សាកសពមនុស្សជាប់ក្នុងនាវាលិចនោះ ។ កាលពីយប់ថ្ងៃទី២៤ មេសា សាច់ញាតិជនរងគ្រោះមួួយក្រុម បាននាំគ្នាវាយអ្នកទទួលខុសត្រូវម្នាក់នៃកងឆ្មាំឆ្នេរសមុទ្រ ដោយចោទថាចេះតែនិយាយពាក្យកុហកបែបនេះ បែបនោះ ៕
ចែករំលែកព័តមាននេះ