ខេត្តស្វាយរៀង ៖ យ៉ាងហោចណាស់មានលំនៅឋានចំនួន១៩ខ្នង ត្រូវខ្យល់កន្ត្រាក់កួចឱ្យរលំ និងបុើងដំបូលខូចខាតជាបន្តបន្ទាប់ ខណៈមានភ្លៀងកក់ខែមួយមេធំលាយឡំដោយខ្យល់កន្ត្រាក់បក់បោកយ៉ាងខ្លាំង កាលពីវេលាម៉ោង៥និង១៥នាទីល្ងាចថ្ងៃទី២២ មេសា ។ មហន្តរាយដោយគ្រោះធម្មជាតិនេះ ត្រូវបានគេដឹងថា ផ្ទះប្រជាពលរដ្ឋក្នុងសង្កាត់គយត្របែក
ខេត្តស្វាយរៀង ៖ យ៉ាងហោចណាស់មានលំនៅឋានចំនួន១៩ខ្នង ត្រូវខ្យល់កន្ត្រាក់កួចឱ្យរលំ និងបុើងដំបូលខូចខាតជាបន្តបន្ទាប់ ខណៈមានភ្លៀងកក់ខែមួយមេធំលាយឡំដោយខ្យល់កន្ត្រាក់បក់បោកយ៉ាងខ្លាំង កាលពីវេលាម៉ោង៥និង១៥នាទីល្ងាចថ្ងៃទី២២ មេសា ។ មហន្តរាយដោយគ្រោះធម្មជាតិនេះ ត្រូវបានគេដឹងថា ផ្ទះប្រជាពលរដ្ឋក្នុងសង្កាត់គយត្របែក ដួលរលំអស់៥ខ្នង នៅឃុំកំពង់ចម្លង ស្រុកស្វាយជ្រំ១២ខ្នង និងនៅសង្កាត់ស្វាយរៀង ក្រុងស្វាយរៀង ចំនួន២ខ្នង ។
បើតាមមន្ត្រីសាខាកាកបាទក្រហមកម្ពុជាខេត្តឱ្យដឹងថា ផ្ទះប្រជាពលរដ្ឋដែលរងផលប៉ះពាល់ដោយខ្យល់កន្ត្រាក់បណ្តាលឱ្យរលំសរុប១៩ខ្នង គឺក្នុងសង្កាត់គយត្របែក ៥ខ្នងខូចខាតស្ទើរទាំងស្រុង, ក្នុងភូមិស្រះវង្ស សង្កាត់ស្វាយរៀង ក្រុងស្វាយរៀង របើកដំបូលខូចខាតស្រាល២ខ្នង និងនៅឃុំកំពង់ចម្លង ស្រុកស្វាយជ្រំ ខូចខាតដំណំ១២ខ្នង ព្រមទាំងខូចខាតទ្រព្យសម្បត្តិដូចជា ស្រូវអង្ករមួយចំនួន ។ ទោះបីជាបែបណា ពុំមានប្រជាពលរដ្ឋណាម្នាក់គ្រោះថ្នាក់ដល់អាយុជីវិតទេ ។ បើតាមអ្នកភូមិនិយាយថា ភ្លៀងមួយមេធំនេះមានរយៈពេលប្រមាណ១ម៉ោងលាយឡំដោយខ្យល់កន្ត្រាក់យ៉ាងខ្លាំង និងមានផ្គររន្ទះកក្រើកមេឃ បណ្តាលឱ្យអ្នកដំណើរភ័យខ្លាច នាំគ្នារត់រកកន្លែងជ្រកតាមផ្ទះអ្នកស្រុកដោយសារខ្លាចរន្ទះបាញ់ ។
ជាមួយនេះ មានអ្នកខ្លះចូលទៅជ្រកក្រោមផ្ទះអ្នកស្រុកចំខ្យល់កន្ត្រាក់បោកបក់រលំផ្ទះ ក៏នាំគ្នារត់ចេញទាំងព្រលឹងចុងសក់ អូសម៉ូតូចេញទាំងកណ្តាលភ្លៀង ។ នៅថ្ងៃទី២៣ មេសា តាំងពីព្រឹករហូតដល់ម៉ោង១រសៀល ក្រុមមន្ត្រីអនុសាខាកាកបាទក្រហមក្រុង និងស្រុក បានចុះស្រង់របាយការណ៍ដើម្បីផ្តល់អំណោយសង្គ្រោះដល់ពលរដ្ឋរងគ្រោះធ្ងន់១៧ខ្នង ដើម្បីជួយសម្រាលទុក្ខលំបាកដោយសារគ្រោះធម្មជាតិនេះ ៕
ចែករំលែកព័តមាននេះ