កម្ពុជាត្រៀមទទួលស្វាគមន៍ការត្រឡប់មកវិញនៃសម្បត្តិវប្បធម៌ជាតិដ៏មានតម្លៃចំនួន ១៣រូប ដែលត្រូវបានសារមន្ទីរសិល្បៈអាស៊ីសាន់ហ្វ្រាន់ស៊ីស្កូ (Asian Art Museum of San Francisco) យល់ព្រមប្រគល់ជូនវិញជាផ្លូវការ…
កម្ពុជាត្រៀមទទួលស្វាគមន៍ការត្រឡប់មកវិញនៃសម្បត្តិវប្បធម៌ជាតិដ៏មានតម្លៃចំនួន ១៣រូប ដែលត្រូវបានសារមន្ទីរសិល្បៈអាស៊ីសាន់ហ្វ្រាន់ស៊ីស្កូ (Asian Art Museum of San Francisco) យល់ព្រមប្រគល់ជូនវិញជាផ្លូវការ ។
ជាក់ស្តែងក្រសួងវប្បធម៌ និងវិចិត្រសិល្បៈ បានប្រកាសនាព្រឹកថ្ងៃទី១៨ ខែធ្នូ ឆ្នាំ២០២៥នេះថា ៖ កម្ពុជាស្វាគមន៍ការប្រគល់មកវិញនៃវត្ថុបុរាណខ្មែរចំនួន១៣ រូបពីសារមន្ទីរសិល្បៈអាស៊ីសាន់ហ្វ្រាន់ស៊ីស្កូ សហរដ្ឋអាមេរិក ។
ក្រសួងវប្បធម៌ និងវិចិត្រសិល្បៈ សូមជម្រាបជូនសាធារណជនជ្រាបថា សារមន្ទីរសិល្បៈអាស៊ីសាន់ហ្វ្រាន់ស៊ីស្កូ សហរដ្ឋអាមេរិក (Asian Art Museum of San Francisco)បានសម្រេចប្រគល់វត្ថុបុរាណខ្មែរចំនួន ១៣រូបជូនមកកម្ពុជាវិញ ។
ការសម្រេចជាផ្លូវការនេះ ធ្វើឡើងបន្ទាប់ពីគណៈកម្មការសិល្បៈអាស៊ីបានបោះឆ្នោតយល់ព្រមជាឯកច្ឆន្ទ កាលពីថ្ងៃទី២៤ ខែកញ្ញា ឆ្នាំ២០២៥ ដោយបញ្ជាក់ថា វត្ថុបុរាណខ្មែរដ៏វិចិត្រទាំង ៣៣រូប បាននាំចេញពីកម្ពុជាដោយខុសច្បាប់ដែលជាការបំពានលើច្បាប់សហព័ន្ធ និងផ្អែកលើភស្តុតាងនានា ដែលរកឃើញដោយភ្នាក់ងារសន្តិសុខមាតុភូមិសហរដ្ឋអាមេរិក រួមទាំងក្រុមស្រាវជ្រាវកម្ពុជា និងក្រុមការងារសារមន្ទីរសិល្បៈអាស៊ី ៕
ចែករំលែកព័តមាននេះ