ខេត្តកំពង់ចាម ៖ ដោយមានការចង្អុលបង្ហាញពីសំណាក់ លោកឧត្តមសេនីយ៏ត្រី បែន រ័ត្ន ស្នងការនគរបាលខេត្តនិងលោកឧត្តមសេនីយ៏ត្រី វ៉ា សារិទ្ធ មេបញ្ជាការអាវុធហត្ថខេត្ត មន្រ្តីក្រោមឪវាទនារសៀលថ្ងៃទី២២ មេសា ២០១៤ បាននាំយកនូវអំណោយចែកជូនដល់ទុរគតជន ចំនួន២គ្រួសារដែលកំពុងតែជួបនូវការលំបាកជាខ្លាំង នៅភូមិបឹងស្នាយ សង្កាត់សំបួរមាស
ខេត្តកំពង់ចាម ៖ ដោយមានការចង្អុលបង្ហាញពីសំណាក់ លោកឧត្តមសេនីយ៏ត្រី បែន រ័ត្ន ស្នងការនគរបាលខេត្តនិងលោកឧត្តមសេនីយ៏ត្រី វ៉ា សារិទ្ធ មេបញ្ជាការអាវុធហត្ថខេត្ត មន្រ្តីក្រោមឪវាទនារសៀលថ្ងៃទី២២ មេសា ២០១៤ បាននាំយកនូវអំណោយចែកជូនដល់ទុរគតជន ចំនួន២គ្រួសារដែលកំពុងតែជួបនូវការលំបាកជាខ្លាំង នៅភូមិបឹងស្នាយ សង្កាត់សំបួរមាស ក្រុងកំពង់ចាម នេះជាកាយវិការជួយរំលែកនូវការលំបាក របស់រាជរដ្ឋាភិបាលកម្ពុជាផងដែរ ។
លោកវរៈសេនីយ៏ទោ សុក សំបូរនាយការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តបានប្រាប់ឲ្យដឹងថាក្រោយពីមិត្តភក្តិរួមការងារជាមួយ បានប្រាប់ពីគ្រួសារទុរគតជនចំនួន២គ្រួសារក្នុងនោះមានលោកយាយ ឈ្មោះ យ៉ង ញឹង អាយុ៧៤ ឆ្នាំ និងស្រ្តីមេម៉ាយកូន២នាក់ឈ្មោះមឺត រើន អាយុ ៣២ ឆ្នាំ នៅភូមិបឹងស្នាយ ហើយរូបលោកក៏បានរាយការណ៏ ជូនដល់លោកស្នងការនគរបាលខេត្ត ដើម្បីយកអំណោយមនុស្សធម៌ ទៅជូនដល់ពួកគាត់ទាំង២នាក់ ដោយក្តីអាណិត ។
លោកវរសេនីយ៏ទោ សុក សំបូរ នាយការិយាល័យព្រហ្មទណ្ឌកំរិតស្រាលខេត្ត បានប្រាប់បន្តថាដោយមានការអនុញ្ញាតនោះ ទើបនៅរសៀលថ្ងៃទី ២២ មេសា រូបលោករួមនឹងលោកវរសេនីយទោ ប៉ោ វន្ថាប្រធានគណនេយ្យនៃកងរាជអាវុធហត្ថខេត្ត អមដំណើរដោយសការីជាច្រើននាក់ បាននាំយកអំណោយទៅចែកជូនក្នុង១គ្រួសារទទួលបានដូចជា អង្ក២បាវស្មើ៧៥គីឡូក្រាម ទឹកស៊ីអ៊ីវ១យួរ ទឹកត្រី១យួរ មី១កេស និងថវិការចំនួន ២០ ម៉ឺនរៀលផងដែរ ។ គួររំលឹកថាកាលពីឆ្នាំ២០១៣ រូបលោកធ្លាប់បានយកអំណោយទៅជូនដល់ លោកយាយអាយុជាង១០០ ឆ្នាំ នៅស្រុកចំការលើផងដែរ ។
លោកវរសេនីយ៏ទោ សុក សំបូរ បានបញ្ជាក់បន្ថែមថា ត្បិតអំណោយជូនដល់គ្រួសារទុរគតជនទាំង២គ្រួសារខាងលើនេះ មិនបានច្រើនក៏ពិតមែនតែអាចជួយដោះស្រាយជីវភាព បានមួយរយៈពេលខ្លីផងដែរ ។ ត្បិតក្នុងនាមជាសមត្ថកិច្ចក្រៅពីការងារពង្រឹងសន្តិសុខនិងសណ្តាប់ធ្នាប់ រូបលោកតែងតែមានចិត្តអាណិតអាសូរដល់ចាស់ជរា និងទុរគតជនគ្មានទីពឹង ដោយស្របតាមពាក្យចាស់ពោលថា«ធ្វើបុណ្យទាន់ខែភ្លឺ » រូបលោកមានជំនឿថានៅពេលណាមួយនឹងយកអំណោយមកចែកជូនដល់ទុរគតជនបន្តទៀត ៕
ចែករំលែកព័តមាននេះ