ខេត្តបន្ទាយមានជ័យ ៖ អគារកម្ពស់១២ជាន់មួយកន្លែង ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ក្រោយពេលឮស្នូរផ្ទុះនៅជាន់ទី៩ កាលពីវេលាម៉ោងប្រមាណ៥ល្ងាច ថ្ងៃទី១៦ ខែធ្នូ…
ខេត្តបន្ទាយមានជ័យ ៖ អគារកម្ពស់១២ជាន់មួយកន្លែង ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ក្រោយពេលឮស្នូរផ្ទុះនៅជាន់ទី៩ កាលពីវេលាម៉ោងប្រមាណ៥ល្ងាច ថ្ងៃទី១៦ ខែធ្នូ ឆ្នាំ២០២៥ ស្រាប់តែឃើញមានហុយផ្សែង និងអណ្តាតភ្លើងជះចេញមក ។
អ្នកភូមិនិយាយថា មុនពេលឮស្នូរផ្ទុះនិងឆេះនេះ គឺមានដ្រូនហោះក្បែរ បន្តិចក្រោយមកស្រាប់តែស្នូរផ្ទុះលាន់ឡើង ឃើញមានផ្សែងហុយ និងមានអណ្តាតភ្លើងចេញពីបន្ទប់ជាន់ទី៩ នៃអគារកាស៊ីណូ១កន្លែងនោះ ដែលបង្កឱ្យមានការភ្ញាក់ផ្អើលនិងភិតភ័យគ្រប់ៗគ្នា ។
ក្រោយពីមានភ្លើងឆេះនៅជាន់ទី៩ នៃអគារកម្ពស់១២ជាន់នេះ គេឃើញរថយន្តពន្លត់អគ្គិភ័យ និងក្រុមអន្តរាគមន៍ប្រើប្រាស់បំពង់ពន្លត់អគ្គិភ័យឡើងទៅពន្លត់នៅជាន់ដែលមានភ្លើងឆេះនេះ ចាប់តាំងពីម៉ោង៥ល្ងាចរហូតដល់ម៉ោង៦និង៣០នាទីល្ចាច ទើបអាចគ្រប់គ្រងស្ថានការណ៍បាន តែមិនទាន់រលត់ទាំងស្រុងនៅឡើយទេ ហើយក្រុមអន្តរាគមន៍នៅតែបន្តពន្លត់ ។
នាយប៉ុស្តិ៍នគរបាលសង្កាត់អូរជ្រៅនិយាយថា ករណីភ្លើងឆេះនៅជាន់ទី៩នៃអគារកម្ពស់១២ជាន់នេះ នៅមិនបានទទួលព័ត៌មានច្បាស់ការណ៍ពីមូលហេតុនៅឡើយទេ តែតាមការសន្និដ្នាន អាចបណ្ដាលមកពីផ្ទុះធុងហ្កាស ។
សូមរំឭកថា នេះជាលើកទី២ហើយដែលមានហេតុការណ៍ភ្លើងឆេះអគារកាស៊ីណូនៅក្រុងប៉ោយប៉ែត ក្រោយពីមានស្នូរផ្ទុះ ៖
លើកទី១-កាលពីយប់ថ្ងៃទី១៤ ខែធ្នូ ឆ្នាំ២០២៥ នៅក្បែរផ្សារដើមពុទ្រា ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត នៅអគារកម្ពស់២៥ជាន់ មានស្នូរផ្ទុះនិងឆាបឆេះឡើង ហើយត្រូវបានអន្តរាគមន៍ពន្លត់ទាន់ពេល ។
លើកទី២-នៅល្ងាចថ្ងៃទី១៦ ខែធ្នូ ឆ្នាំ២០២៥ នៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត អគារកម្ពស់១២ជាន់ មានស្នូរផ្ទុះនិងឆេះនៅជាន់ទី៩ ៕
ចែករំលែកព័តមាននេះ