ខេត្តពោធិ៍សាត់ ៖ យ៉ាងហោចណាស់សត្វក្របីចំនួន៨ក្បាលបានងាប់រដូករណែលក្នុងទឹកបឹង ដោយសាររន្ទះបាញ់ ខណៈសត្វក្របីទាំងនោះកំពុងដេកផ្ដុំគ្នាពេលមេឃកំពុងភ្លៀង។ ហេតុការណ៍ខាងលើនេះបានកើតឡើងនៅចំណុចការដ្ឋានចាស់របស់ក្រុមហ៊ុនភាពីម៉ិច ស្ថិតក្នុងភូមិអន្សរក្ដាម ឃុំស្នារអន្សារ ស្រុកក្រគរ ខេត្តពោធិ៍សាត់…
ខេត្តពោធិ៍សាត់ ៖ យ៉ាងហោចណាស់សត្វក្របីចំនួន៨ក្បាលបានងាប់រដូករណែលក្នុងទឹកបឹង ដោយសាររន្ទះបាញ់ ខណៈសត្វក្របីទាំងនោះកំពុងដេកផ្ដុំគ្នាពេលមេឃកំពុងភ្លៀង។
ហេតុការណ៍ខាងលើនេះបានកើតឡើងនៅចំណុចការដ្ឋានចាស់របស់ក្រុមហ៊ុនភាពីម៉ិច ស្ថិតក្នុងភូមិអន្សរក្ដាម ឃុំស្នារអន្សារ ស្រុកក្រគរ ខេត្តពោធិ៍សាត់ កាលពីវេលាម៉ោង៦និង៣០នាទីព្រឹកថ្ងៃទី១២ ខែតុលា ឆ្នាំ២០១៩។
សត្វក្របីទាំង៨ក្បាលដែលងាប់ខាងលើនេះជារបស់ប្រជាពលរដ្ឋឈ្មោះ ស៊ិន សាអុល ភេទប្រុស អាយុ៤៧ឆ្នាំ មានទីលំនៅក្នុងភូមិថ្មី ឃុំស្នារអន្សារ ស្រុកក្រគរ ខេត្តពោធិ៍សាត់ ។
សមត្ថកិច្ចឲ្យដឹងថា នៅព្រឹកថ្ងៃកើតហេតុ នៅខេត្តពោធិ៍សាត់មានភ្លៀងធ្លាក់មួយមេយ៉ាងធំគ្របដណ្ដប់គ្រប់ស្រុកទូទាំងខេត្ត។ ឃើញមេឃកំពុងភ្លៀងយ៉ាងត្រជាក់បែបនេះ សត្វក្របីញីឈ្មោលចំនួន៩ក្បាល បានដេកននៀលផ្ដុំគ្នាក្នុងបឹងតែមួយនៅចំណុចកើតហេតុខាងលើ ពេលនោះក៏ត្រូវរន្ទះបាញ់បណ្តាលឱ្យងាប់អស់ចំនួន៨ក្បាលតែម្ដង៕ (កែសម្រួលដោយ ៖ ធីតា)
ចែករំលែកព័តមាននេះ