រាជធានីភ្នំពេញ ៖ នគបាលចរាចរណ៍ផ្លូវគោក និងចាត់វិធានការឃាត់ជាបណ្តោះអាសន្នចំពោះរថយន្ត និងទោចក្រត្រីចក្រយានយន្ត ដែលគ្មានស្លាកលេខទៅកាន់ការិយាយល័យនគរ បាលចរាចរណ៍ផ្លូវគោកហើយ ។ តាមសេចក្តីជូនដំណឹងរបស់ស្នងការរាជធានីភ្នំពេញចេញផ្សាយ នៅថ្ងៃទី១១ ខែតុលានេះ បានឲ្យដឹងថា ចាប់ពីថ្ងៃទី២១ ខែតុលា តទៅ ។
ស្នងការដ្ឋាននគរបាលរាជធានីភ្នំពេញនឹងចាត់វិធានការត្រួតពិនិត្យ ចាប់ឃាត់ជាបណ្តោះអាសន្នរថយន្ត និងទោចក្រ -ត្រីចក្រយានយន្ត ដែលគ្មានស្លាកលេខយកមករក្សាទុក និងធ្វើការផាកពិន័យនៅការិយាល័យនគរបាលចរាចរណ៍ផ្លូវគោករហូតទាល់តែធ្វើស្លាកលេខរួចរាល់ ហើយទើបអនុញ្ញាតឲ្យយកត្រឡប់ទៅវិញបាន ។
ការជូនដំណឹងរបស់ស្នងការនគរបាលរាជធានីភ្នំពេញនេះ ដោយសង្កេតឃើញថា មួយរយៈពេលចុងក្រោយនេះមានរថយន្ត និងទោចក្រ-ត្រីចក្រយានយន្តមួយចំនួនដែលធ្វើចរាចរណ៍នៅតាមដងផ្លូវដោយគ្មានស្លាកលេខ ឬប្រើប្រាស់ស្លាកលេខមិនប្រក្រតី និងបានឆ្លៀតឱកាស យករថយន្ត និងទោចក្រ -ត្រីចក្រយានយន្តទាំងនោះទៅប្រព្រឹត្តអំពើឆក់ប្លន់ ឬធ្វើសកម្មភាពល្មើសច្បាប់ផ្សេងៗទៀត និងបង្កគ្រោះថ្នាក់រួចបើកគេចវេសពីការទទួលខុសត្រូវចំពោះមុខច្បាប់ ។
ស្នងការបានលើកឡើងក្នុងសេចក្តីជូនដំណឹងថា ចំពោះមុខ ដើម្បីចូលរួមរក្សាសណ្តាប់ធ្នាប់ សុវត្ថិភាពចរាចរណ៍ និងសណ្តាប់ធ្នាប់សង្គមនៅរាជធានីភ្នំពេញសំដៅទប់ស្កាត់បង្ក្រាបរាល់ សកម្មភាពល្មើសច្បាប់ផ្សេងៗ និងផ្តល់ភាពងាយស្រួលដល់សមត្ថកិច្ចក្នុងការស្រាវជ្រាវតាម រកជនល្មើសមួយចំនួន និងដើម្បីបង្កើនប្រសិទ្ធភាពនៃការគោរពអនុវត្តច្បាប់ស្តីពីចរាចរណ៍ផ្លូវគោកស្នងការដ្ឋាននគរបាលរាជធានីភ្នំពេញ សូមជូនដំណឹងដល់ប្រជាពលរដ្ឋជាអ្នកប្រើប្រា ស់រថយន្ត និងទោចក្រ-ត្រីចក្រយានយន្តដែលគ្មានស្លាកលេខ ឬពាក់ស្លាកលេខមិនប្រក្រតី ត្រូវរួសរាន់ទៅបំពេញបែបបទសុំស្លាកលេខ និងបណ្ណសម្គាល់រថយន្ត និងទោចក្រ-ត្រីចក្រយានយន្តឲ្យបានត្រឹមត្រូវ និងទាន់ពេលវេលា ។
ស្នងការបញ្ជាក់យ៉ាងមុះមុតថា ៖«ចាប់ពីថ្ងៃទី២១ ខែតុលា ឆ្នាំ២០១៩ តទៅស្នងការដ្ឋាននគរបាលរាជធានីភ្នំពេញនឹងចាត់វិធានការត្រួតពិនិត្យចាប់ឃាត់ជាបណ្តោះអាសន្នរថយន្ត និងទោចក្រ -ត្រីចក្រយានយន្ត ដែលគ្មានស្លាកលេខយកមករក្សាទុក និងធ្វើការផាកពិន័យ នៅការិយាល័យនគរបាលចរាចរណ៍ផ្លូវគោករហូតទាល់តែធ្វើស្លាកលេខរួចរាល់ហើយទើបអនុញ្ញាតឲ្យយកត្រឡប់ទៅវិញបាន» ។ ជាមួយគ្នានោះដែរ ស្នងការដ្ឋាននគរបាលរាជធានីភ្នំពេញសង្ឃឹមជឿជាក់ថា បងប្អូនប្រជាពលរដ្ឋនឹងចូលរួមសហការគោរពអនុវត្តច្បាប់ដោយយកយានយន្តទៅធ្វើស្លាកលេខ ដើម្បីកុំឲ្យខាតពេលវេលា និងជៀសផុតពីការផាកពិន័យនេះ ។
សូមជម្រាបថា យោងតាមច្បាប់ចរាចរណ៍ផ្លូវគោកមាត្រា៤៧បានចែងថា គ្រប់យានយន្តនៅពេលដាក់ឲ្យធ្វើចរាចរណ៍នៅលើផ្លូវថ្នល់ត្រូវមានបណ្ណសម្គាល់យានយន្ត និងមានពាក់ផ្លាក លេខសម្គាលយានយន្ត ។ គ្រប់យានយន្តត្រូវចុះបញ្ជីផ្តល់បណ្ណសម្គាល់ម្ចាស់យានយន្ត និងបំពាក់ផ្លាកលេខសម្គាល់ដោយក្រសួងសាធារណការ និងដឹកជញ្ជូនលើកលែងតែយានយន្ត ដែលជាទ្រព្យសម្បត្តិរបស់រដ្ឋ សម្រាប់បម្រើការសន្តិសុខជាតិ សណ្តាប់ធ្នាប់សង្គម និងការពា រជាតិ គ្រប់គ្រងដោយក្រសួងមហាផ្ទៃ ឬក្រសួងការពារជាតិ ត្រូវចុះបញ្ជីយានយន្តផ្តល់បណ្ណ សម្គាល់យានយន្ត និងបំពាក់ផ្លាកលេខដោយក្រសួងមហាផ្ទៃ ឬក្រសួងការពារជាតិ ។
ចំណែកមាត្រា៨២នៃច្បាប់ដដែលបានចែងថា ជនណាប្រើប្រាស់រថយន្តដោយគ្មានបណ្ណសម្គាល់រថយន្ត ឬគ្មានផ្លាកលេខសម្គាល់រថយន្តត្រូវផ្ទន្ទាទោសដាក់ពន្ធនាគារពី៦ថ្ងៃ ទៅ១ខែនិងពិន័យជាប្រាក់ពីមួយសែនរៀលទៅប្រាំបីសែនរៀល ៕ កែសម្រួលដោយ ៖ សុឃាក់
ចែករំលែកព័តមាននេះ