ខេត្តព្រៃវែង ៖ ក្រោមការចង្អុលបង្ហាញ និងការយកចិត្តទុកដាក់ខ្ពស់របស់ឯកឧត្តម សួន សុម៉ាលីន អភិបាលខេត្តព្រៃវែង រដ្ឋបាលស្រុកពារាំង បានអនុវត្តគម្រោងដំឡើងអំពូលសូឡា ចំនួន…
ខេត្តព្រៃវែង ៖ ក្រោមការចង្អុលបង្ហាញ និងការយកចិត្តទុកដាក់ខ្ពស់របស់ឯកឧត្តម សួន សុម៉ាលីន អភិបាលខេត្តព្រៃវែង រដ្ឋបាលស្រុកពារាំង បានអនុវត្តគម្រោងដំឡើងអំពូលសូឡា ចំនួន ៣៨០ ដើម ដាក់តាមផ្លូវសំខាន់ៗក្នុងស្រុក ដើម្បីជួយសម្រួលដល់ការធ្វើចរាចរណ៍របស់ប្រជាពលរដ្ឋនៅពេលយប់។ និងលើកកម្ពស់សោភ័ណភាពក្នុងមូលដ្ឋានផុសដែរ។
អាជ្ញាធរស្រុកពារាំងបានឲ្យដឹងថា ការដំឡើងអំពូលសូឡានេះ មិនត្រឹមតែជួយបំភ្លឺផ្លូវនៅពេលយប់ប៉ុណ្ណោះទេ ប៉ុន្តែវាក៏ជាផ្នែកមួយនៃ យុទ្ធសាស្ត្រ “ភូមិ-ឃុំ មានសុវត្ថិភាព” ផងដែរ។
លោក ចេម ប្រា អភិបាលស្រុកពារាំងបានបញ្ជាក់ថា នៅក្នុងគម្រោងរដ្ឋបាលស្រុកនិងបំពាក់កំពូលភ្លើងសូឡាសរុបទាំងអស់ចំនួន 380 ដើម ក្នុងនោះផ្លូវលេខ៣៨២ តភ្ជាប់ពីផ្លូវជាតិលេខ៨ ទៅដល់ព្រំប្រទល់ស្រុកពោធិ៍រៀង ត្រូវបំពាក់អំពូលសូឡាចំនួន២៧០ដើម ហើយអំពូលសូឡា ១១០ ដើមទៀត ត្រូវបំពាក់នៅលើផ្លូវជាតិលេខ ៨A ចាប់ពីស្ពានស្នាយពលរហូតដល់ចុងភូមិត្នោត។ អំពូលសូឡាទាំងអស់នេះគឺប្រើប្រាស់ថវិកាមូលនិធិរបស់រដ្ឋបាលស្រុក និងថវិកាចូលរួមរបស់សប្បុរសជនផងដែរ។
ដោយឡែក ប្រជាពលរដ្ឋក្នុងមូលដ្ឋានស្រុកពារាំង បានសម្តែងការពេញចិត្តយ៉ាងខ្លាំងចំពោះការយកចិត្តទុកដាក់របស់រដ្ឋបាលស្រុកនិងខេត្ត និងបានលើកឡើងថា ពីមុនតាមផ្លូវពេលយប់មានភាពងងឹតខ្លាំង ពេលធ្វើដំណើរម្ដងៗពួកគាត់មានការបារម្ភច្រើន តែពេលនេះមានអំពូលសូឡា តាមផ្លូវភ្លឺច្បាស់ ពួកគាត់មានភាពកក់ក្តៅជាងមុនហើយ៕
ចែករំលែកព័តមាននេះ