ប្រធានាធិបតីកូរ៉េខាងត្បូងលោកស្រី Park Geun-Hye វាយតម្លៃកាលពីថ្ងៃទី២១ មេសា ថា អំពើរបស់កាពីតែននាវា និងក្រុមនាវិកនៃនាវាដែលលិចកាលពីសប្តាហ៍មុន ជាមួយមនុស្សជាច្រើនរយនាក់ជិះក្នុងនោះ ពិតជារឿងយល់ពុំដល់ និងពុំអាចទទួលយកបានទាំងស្រុង ហើយស្មើនឹងអំពើមនុស្សឃាតមួយ ។
ប្រធានាធិបតីកូរ៉េខាងត្បូងលោកស្រី Park Geun-Hye វាយតម្លៃកាលពីថ្ងៃទី២១ មេសា ថា អំពើរបស់កាពីតែននាវា និងក្រុមនាវិកនៃនាវាដែលលិចកាលពីសប្តាហ៍មុន ជាមួយមនុស្សជាច្រើនរយនាក់ជិះក្នុងនោះ ពិតជារឿងយល់ពុំដល់ និងពុំអាចទទួលយកបានទាំងស្រុង ហើយស្មើនឹងអំពើមនុស្សឃាតមួយ ។
លោកស្រីប្រធានាធិបតីបានប្រឈមមុខនឹងការខឹងសម្បារបស់សាច់ញាតិបណ្តាអ្នកបាត់ខ្លួន ដែលភាគច្រើនជាសិស្សសាលា ដោយពួកគេដែលមានការឈឺចាប់ខ្លាំងបំផុតនោះ បានសម្តែងការក្តៅក្រហាយពេលជួបលោកស្រីកាលពីសប្តាហ៍មុននៅកោះជីនដូ ។
បណ្តាគ្រួសារអ្នកស្លាប់ និងបាត់ខ្លួន បានរិះគន់យ៉ាងខ្លាំងចំពោះប្រតិកម្មរបស់រដ្ឋាភិបាល និងរបស់អាជ្ញាធរចាប់តាំងពីនាវានោះលិចមក ដោយយល់ឃើញជាពិសេសថា ការជួយសង្គ្រោះមានការយឺតយ៉ាវខ្លាំងបំផុតក្នុងការលុកចូលក្នុងនាវាដែលលិចទាំងស្រុង ។
លោកស្រីប្រធានាធិបតីមានប្រសាសន៍ថា ច្បាស់ណាស់ កាពីតែននាវាលោក Lee Joon Seok អាយុ៥៩ឆ្នាំ ដែលមានបទពិសោធន៍ច្រើនឆ្នាំ ពិតជាបណ្តោយឱ្យពេលវេលាកន្លងផុតយ៉ាងយូរ ពុំព្រមជម្លៀសមនុស្សចេញពីនាវា ហើយបន្ទាប់មកបែរជារត់ចោលពួកអ្នកដំណើរ ដោយចាកចេញពីនាវា ខណៈមនុស្សជាច្រើនរយនាក់ជាប់នៅខាងក្នុង ។ ការស៊ើបអង្កេតនឹងផ្តោតលើគ្រប់ភាគីដែលទាក់ទិនរួមទាំងពួកអ្នកត្រួតពិនិត្យសន្តិសុខរហូតដល់ក្រុមនាវិក ព្រមទាំងម្ចាស់នាវានោះ ៕
ចែករំលែកព័តមាននេះ