ខេត្តមណ្ឌលគិរី ៖ សេចក្តីរាយការណ៍នៅព្រឹកថ្ងៃទី១០ តុលា នេះបានឲ្យដឹងថា ឈើខុសច្បាប់រាប់រយកំណាត់ត្រូវបានសមត្ថកិច្ចរឹបអូសពីទីតាំងជាច្រើនកន្លែងបន្ទាប់ពីយុទ្ធនាការប្រមូលឈើអស់រយៈពេលពីរបីថ្ងៃ ។
គិតត្រឹមល្ងាចថ្ងៃទី០៩ ខែតុលា ឆ្នាំ២០១៩ ក្រុមការងារខណ្ឌរដ្ឋបាលព្រៃឈើមណ្ឌលគិរីសហការជាមួយកម្លាំងសមត្ថកិច្ចចម្រុះបានចុះបង្ក្រាបបទល្មើសព្រៃឈើ ស្ថិតក្នុងភូមិចុងផាង(ដេអេ) ឃុំពូជ្រៃ ស្រុកពេជ្រាដា ខេត្តមណ្ឌលគិរី មានចំនួន០៦ទីតាំងរួមមានទីតាំងទី១-ប្រទះឃើញឈើប្រណិតធ្នង់-បេងចំនួន២៣៥ដុំ, ទី២- មានឈើអារលេខ១(កកោះ-សុក្រម)ចំនួន២១សន្លឹក និងរណារយន្ត០៤គ្រឿង។
ទីតាំងទី៣-មានឈើអារប្រណិត(ធ្នង់-បេង)ចំនួន១៦០ដុំ, ទីតាំងទី៤-មានឈើអារលេខ១(សុក្រម)ចំនួន២០សន្លឹក, ទីតាំងទី៥-មានឈើអារលេខ១(សុក្រម)ចំនួន៣៥សន្លឹក និងទីតាំងទី៦-មានឈើអារលេខ១ ចំនួន៧ដុំ សរុបឈើអារប្រណិតចំនួន៣៩៥ដុំ និងឈើអារលេខ១ចំនួន៨៣សន្លឹក ចំពោះចំនួនឈើទាំងអស់ពុំទាន់បានវាស់វែងនៅឡើយ ៕
កែសម្រួលដោយ ៖ សំណាង
ចែករំលែកព័តមាននេះ