ពួកអាល់កៃដានៅយេម៉ែន កាលពីថ្ងៃទី១៩ និង២០ មេសា រងការវាយប្រហារ២លើករបស់បណ្ដាយន្ដហោះគ្មានមនុស្សបើកអាមេរិកបណ្ដាលឱ្យយុទ្ធជនរបស់ពួកគេស្លាប់ជាង៤០នាក់ ក្រោយការចាក់ផ្សាយវីដេអូមួយដែលក្នុងនោះគេឃើញប្រមុខក្រុមនេះប្រកាសសន្យាបន្ដសង្គ្រាមប្រឆាំងពួកលោកខាងលិច ។
ពួកអាល់កៃដានៅយេម៉ែន កាលពីថ្ងៃទី១៩ និង២០ មេសា រងការវាយប្រហារ២លើករបស់បណ្ដាយន្ដហោះគ្មានមនុស្សបើកអាមេរិកបណ្ដាលឱ្យយុទ្ធជនរបស់ពួកគេស្លាប់ជាង៤០នាក់ ក្រោយការចាក់ផ្សាយវីដេអូមួយដែលក្នុងនោះគេឃើញប្រមុខក្រុមនេះប្រកាសសន្យាបន្ដសង្គ្រាមប្រឆាំងពួកលោកខាងលិច ។
យោងតាមអ្នកទទួលខុសត្រូវកុលសម្ព័ន្ធម្នាក់ថា សមាជិក១០នាក់នៃបណ្ដាញអាល់កៃដានៅយេម៉ែនបានស្លាប់ កាលពីថ្ងៃទី១៩ មេសា ក្នុងការវាយប្រហារលើកដំបូងមួយនៅតំបន់បែអីុដា ភាគកណ្ដាលប្រទេស រួចពួកជ្រុលនិយមជាង៣០នាក់ទៀតស្លាប់ក្នុងការវាយឆ្មក់មួយក្នុងខេត្ដអាប៊ីយ៉ាន ភាគខាងត្បូងយេម៉ែន ។ ការវាយប្រហារលើកទី២នេះសំដៅលើជំរំហ្វឹកហ្វឺនមួយរបស់អាល់កៃដា តាមរយៈការបាញ់មីស៊ីលជាច្រើនគ្រាប់ ។ ជំរំនេះស្ថិតនៅវ៉ាឌី ហ្គាឌីណា ជាតំបន់ភ្នំមួយនៃខេត្ដអាប៊ីយ៉ាន ។ តំបន់វាយប្រហារនេះពុំស្ថិតក្រោមការគ្រប់គ្រងរបស់រដ្ឋាភិបាលកណ្ដាលយេម៉ែនឡើយ ។
កាលពីខែមីនា កន្លងមកនេះ ប្រធានាធិបតីយេម៉ែន លោក ABD RABBO MANSOUR HADI ធ្លាប់បាននិយាយការពារការប្រើយន្ដហោះគ្មានមនុស្សបើកអាមេរិក ។ លោកអះអាងថា យើងតម្រូវឱ្យមានការប្រើប្រាស់យន្ដហោះគ្មានមនុស្សបើកដើម្បីកម្រិតសកម្មភាពរបស់ពួកអាល់កៃដា និងការធ្វើចលនារបស់បណ្ដាសមាជិកនៃក្រុមភេរវកម្មនេះ ។
យោងតាមសហរដ្ឋអាមេរិកថា ទោះបីជាបណ្ដញអាល់កៃដារងការវាយប្រហារធ្ងន់ធ្ងរក៏សាខារបស់អាល់កៃដានៅយេម៉ែននៅតែមានគ្រោះថ្នាក់បំផុត ហើយសកម្មបំផុតដែរ ។ ក្នុងវីដេអូមួយចាក់ផ្សាយនាពេលថ្មីៗនេះប្រមុខអាល់កៃដានៅឧបទ្វីបអារ៉ាប់ លោក ណាស័រ អាល់វ៉ាហ៊ីជី អះអាងនៅកណ្ដាលមនុស្សរបស់គេជាច្រើនសិបនាក់ថា សង្គ្រាមប្រឆាំងពួកមានឹងបន្ដទៀតគ្រប់កន្លែងលើពិភពលោក ដែលលោកចង់និយាយសំដៅយ៉ាងច្បាស់ចំពោះបណ្ដាប្រទេសលោកខាងលិច ៕
ចែករំលែកព័តមាននេះ