សារព័ត៌មានក្នុងស្រុកវៀតណាម រាយការណ៍ថា ជនជាតិចិន៥នាក់ និងឆ្មាំព្រំដែនវៀតណាម២នាក់បានត្រូវស្លាប់ កាលពីថ្ងៃទី១៨ មេសា កន្លងមកនេះ ក្នុងការបាញ់តគ្នាមួយនៅព្រំដែនខេត្តក្វាងនីញ ។
យោងតាមសេចក្តីរាយការណ៍ព័ត៌មានទាំងឡាយថា ជនជាតិចិនទាំង៥នាក់ដែលស្លាប់ស្ថិតក្នុងក្រុមអន្តោប្រវេសន៍លួចលាក់មួយ
សារព័ត៌មានក្នុងស្រុកវៀតណាម រាយការណ៍ថា ជនជាតិចិន៥នាក់ និងឆ្មាំព្រំដែនវៀតណាម២នាក់បានត្រូវស្លាប់ កាលពីថ្ងៃទី១៨ មេសា កន្លងមកនេះ ក្នុងការបាញ់តគ្នាមួយនៅព្រំដែនខេត្តក្វាងនីញ ។
យោងតាមសេចក្តីរាយការណ៍ព័ត៌មានទាំងឡាយថា ជនជាតិចិនទាំង៥នាក់ដែលស្លាប់ស្ថិតក្នុងក្រុមអន្តោប្រវេសន៍លួចលាក់មួយដែលប៉ុនប៉ងចូលក្នុងប្រទេសវៀតណាម ។ ជនជាតិចិនទាំងនោះត្រូវអាជ្ញាធរវៀតណាមចាប់ខ្លួន ។ ពេលត្រូវបញ្ជូនខ្លួនពួកគេទៅស្រុកវិញមានជនមួយចំនួនក្នុងក្រុមនេះបានដណ្តើមយកកាំភ្លើងពីឆ្មាំព្រំដែនម្នាក់ ហើយបាញ់ប្រហារសម្លាប់ឆ្មាំព្រំដែនម្នាក់នៅនឹងកន្លែង ហើយម្នាក់ទៀតស្លាប់នៅមន្ទីរពេទ្យ ។ កងឆ្មាំព្រំដែនបានបាញ់តបតវិញ ដើម្បីការពារខ្លួនសម្លាប់ជនជាតិ៥នាក់ដែលប៉ុនប៉ងកម្ទេចការិយាល័យជាកន្លែងដាក់ពួកគេ។ សភាពការណ៍អាចគ្រប់គ្រងបាននាវេលាម៉ោង១៥និង១៥នាទីម៉ោងក្នុងស្រុក ក៏ប៉ុន្តែមនុស្ស៧នាក់បានត្រូវស្លាប់ក្នុងឧប្បត្តិហេតុនេះ។ ក្រសួងការបរទេសចិនថ្លែងកាលពីយប់ថ្ងៃទី១៨មេសា ថា ខ្លួនទទួលការជូនដំណឹងពីរឿងនោះ ហើយនិងពិនិត្យរាល់ព័ត៌មានដែលទាក់ទិន ៕
ចែករំលែកព័តមាននេះ