រាជធានីភ្នំពេញ ៖ យុវជនម្នាក់ក្នុងចំណោមបក្ខពួកជិត១០នាក់ បានត្រូវក្រុមសន្តិសុខឃាត់ចាប់ខ្លួនប្រគល់ឲ្យប៉ូលិសពីបទចោទថាបានបង្កការអុកឡុកក្រុមសន្តិសុខយាមនៅអតីតសាលាសង្កាត់បឹងកក់១ ខណ្ឌទួលគោក ។
ហេតុការណ៏ចាប់ខ្លួនយុវជននេះបានកើតឡើងនៅម៉ោង១១និង៣០នាទីថ្ងៃត្រង់ថ្ងៃទី១៨ មេសា ២០១៤ នៅក្បែររង្វង់មូលទួលគោក ក្នុងសង្កាត់បឹងកក់ទី២ ។ យុវជននោះឈ្មោះ ហៀង ម៉ៅ អាយុ១៩ឆ្នាំ
រាជធានីភ្នំពេញ ៖ យុវជនម្នាក់ក្នុងចំណោមបក្ខពួកជិត១០នាក់ បានត្រូវក្រុមសន្តិសុខឃាត់ចាប់ខ្លួនប្រគល់ឲ្យប៉ូលិសពីបទចោទថាបានបង្កការអុកឡុកក្រុមសន្តិសុខយាមនៅអតីតសាលាសង្កាត់បឹងកក់១ ខណ្ឌទួលគោក ។
ហេតុការណ៏ចាប់ខ្លួនយុវជននេះបានកើតឡើងនៅម៉ោង១១និង៣០នាទីថ្ងៃត្រង់ថ្ងៃទី១៨ មេសា ២០១៤ នៅក្បែររង្វង់មូលទួលគោក ក្នុងសង្កាត់បឹងកក់ទី២ ។ យុវជននោះឈ្មោះ ហៀង ម៉ៅ អាយុ១៩ឆ្នាំ មុខរបរជាជាងអាឈើ ស្នាក់នៅក្នុងភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ។
បើតាមភ្នាក់ងារយកព័ត៌មានកោះសន្តិភាពបានស្រង់សំដីឈ្មោះ ម៉ៅ សម្បត្តិ អាយុ២៩ឆ្នាំ ជាសន្តិសុខយាមទីតំាងអតីតសាលាសង្កាត់បឹងកក់១បានឲ្យដឹងថា កាលពីម៉ោង៣និង៣០នាទីទៀបភ្លឺថ្ងៃទី១៨ មេសា ២០១៤ មានយុវជនមួយក្រុមមានគ្នាជិត១០នាក់ប្រដាប់ដោយដាវសំាមូរ៉ៃ និងដំបង បានធ្វើសកម្មភាពអុកឡុក និង ដេញកាប់វាយមកលើពួកខ្លួនដែលកំពុងបម្រើការងារ ។
លុះមកដល់ម៉ោង១១និង៣០នាទីថ្ងៃសុក្រដដែលនេះ សន្តិសុខម្នាក់ឈ្មោះ សុខ យ៉ាប អាយុ២៣ឆ្នាំ ដែលអះអាងថាជាជនរងគ្រោះត្រូវក្រុមយុវជនខាងលើដេញកាប់និងវាយនោះ បានទៅផ្សារ ក៏ជួបក្រុមយុវជនខាងលើមានគ្នា៦ទៅ៧នាក់ បានព្រួតវាយ ហើយឈ្មោះសុខ យ៉ាប ក៏បានភ្ជង់កំាភ្លើងគម្រាម ធ្វើឲ្យក្រុមយុវជនបង្កបានរត់គេចខ្លួន នៅសល់តែយុវជនឈ្មោះ ហៀង ម៉ៅ ក៏ត្រូវសន្តិសុខនោះចាប់ខ្លួនប្រគល់ឲ្យប៉ូលិសតែម្តង ។
បច្ចុប្បន្នយុវជនដែលត្រូវគេចោទពីបទបង្កការអុកឡុកនៅក្នុងទីតំាងអតីតសាលាសង្កាត់បឹងកក់១ ដែលកំពុងមានរឿងចម្រូងចម្រាស់ពាក់ព័ន្ឋនឹងដីធ្លីនោះ ប៉ូលិសប៉ុស្តិ៍រដ្ឋបាលសង្កាត់បឹងកក់១ កំពុងធ្វើការសាកសួរ ៕
ចែករំលែកព័តមាននេះ