ខេត្តព្រៃវែង ៖ ដោយសារតែឥទ្ធិពលនៃសុរា កូនថ្លើមធំហ៊ានបន្លំហៅឪពុកបង្កើតថាក្លើ ធ្វើឱ្យឪពុកខឹងរហូតទប់កំហឹងមិនបាន ទាញកាំបិតក្រង៉ុកអាករ និងកាប់ចិញ្ច្រាំកូនខ្លួនឯងដូចកាប់សាច់ជ្រូក បណ្តាលឱ្យស្លាប់ភ្លាមៗ នៅក្នុងថ្លុកឈាមយ៉ាងអាណោចអាធ័ម។
ខេត្តព្រៃវែង ៖ ដោយសារតែឥទ្ធិពលនៃសុរា កូនថ្លើមធំហ៊ានបន្លំហៅឪពុកបង្កើតថាក្លើ ធ្វើឱ្យឪពុកខឹងរហូតទប់កំហឹងមិនបាន ទាញកាំបិតក្រង៉ុកអាករ និងកាប់ចិញ្ច្រាំកូនខ្លួនឯងដូចកាប់សាច់ជ្រូក បណ្តាលឱ្យស្លាប់ភ្លាមៗ នៅក្នុងថ្លុកឈាមយ៉ាងអាណោចអាធ័ម។
នេះគឺជាហេតុការណ៍មួយដែលមិនធ្លាប់មាន និងគួរឱ្យរន្ធត់បំផុត ដែលបានកើតឡើងមុនពេលចូលឆ្នាំថ្មីប្រពៃណីខ្មែរ១ថ្ងៃ នៅក្នុងផ្ទះជនល្មើសជាឪពុក ស្ថិតក្នុងភូមិសំរោង ឃុំជ្រៃ ស្រុកកំពង់ត្របែក កាលពីវេលាម៉ោងប្រមាណជាង៥ល្ងាច ថ្ងៃទី១៣ មេសា។
ជនដៃដល់ជាឪពុកដែលដាច់ចិត្តលើកដៃប្រហារកូនឯង មានឈ្មោះ អ៊ុយ សុផាត អាយុ៦៤ឆ្នាំ ចំណែកកូនប្រុសដែលបានស្លាប់បាត់បង់ជីវិតមានឈ្មោះ សៀង ចាន់ អាយុ៤១ឆ្នាំ មានទីលំនៅក្នុងភូមិស្វាយប៉ាក ឃុំជ្រៃ ស្រុកកំពង់ត្របែក។
ប្រភពព័ត៌មានពីលោកវរសេនីយ៍ឯក សេង សុភក្រ័ ស្នងការរងនគរបាលខេត្តព្រៃវែង បានឱ្យយដឹងថា យោងតាមចម្លើយរបស់ជនល្មើស អ៊ុយ សុផាត ដែលជាឪពុកបានឆ្លើយអះអាងថា មុនពេលកើតហេតុប្រពន្ធរបស់គាត់ បានទិញស្រា១លីត្រកន្លះឱ្យផឹក២នាក់ឪកូននៅក្រោមផ្ទះ ដើម្បីកុំឱ្យដើរទៅផឹកនៅឯណាឆ្ងាយ ដោយកូនប្រុសជាអ្នកចាក់ស្រា។ ជនល្មើសជាឪពុកបានបន្តទៀតថា ពេលដំបូងមិនទាន់ស្រវឹង កូនប្រុសនិយាយស្រួលណាស់ កែវនេះខ្ញុំ កែវនេះឪឯង លុះផឹកយូរៗទៅស្រវឹងស្រាប់តែកូនប្រុសបន្លំហៅហ្អែង អញ ហើយគាត់ចេះតែប្រាប់ថា អញឪអានេះ…ៗ ប៉ុន្តែកូននៅតែមិនឈប់រហូតចុងក្រោយហ៊ានហៅគាត់ថា ក្លើទៀត ទើបធ្វើឱ្យគាត់ទ្រាំមិនបាន ក៏កើតទៅជារឿងឈ្លោះប្រកែកគ្នា ហើយកូនប្រុសគាត់បានស្រែកជេរប្រមាថគាត់ថែមទៀត ទើបគាត់ទប់កំហឹងមិនបានក៏ទាញកាំបិទក្រង៉ុក ចាប់អាករនិងកាប់ជាច្រើនកាំបិតសំលាប់ចោលតែម្តងទៅ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ