រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ២នាក់ប្តីប្រពន្ធបានបើករថយន្តដឹកមីមកពីខេត្តសៀមរាបមកដល់ឃ្លាំងបត់ចូលហើយ ក៏ស្រាប់តែត្រូវរថយន្តដឹកមី បើកអកហ្សើចាប់ហ្វ្រាំងមិនទាន់ក៏ជ្រុលបុក បណ្តាលឲ្យរងការខូចខាតយ៉ាងដំណំ ហេតុការណ៍នេះបានកើតឡើង កាលពីវេលាម៉ោង៤ទាបភ្លឺ ថ្ងៃទី០៨…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ២នាក់ប្តីប្រពន្ធបានបើករថយន្តដឹកមីមកពីខេត្តសៀមរាបមកដល់ឃ្លាំងបត់ចូលហើយ ក៏ស្រាប់តែត្រូវរថយន្តដឹកមី បើកអកហ្សើចាប់ហ្វ្រាំងមិនទាន់ក៏ជ្រុលបុក បណ្តាលឲ្យរងការខូចខាតយ៉ាងដំណំ ហេតុការណ៍នេះបានកើតឡើង កាលពីវេលាម៉ោង៤ទាបភ្លឺ ថ្ងៃទី០៨ ខែតុលានេះ តាមបណ្តោយផ្លូវជាតិលេខ៥ នៅចំណុចក្បែរនឹងស្ថានីយទូរទស្សន៍មួយកន្លែង ស្ថិតនៅក្នុងសង្កាត់គីឡូម៉ែតលេខ៦ ខណ្ឌឬស្សីកែវ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុខាងលើនេះគេបានឃើញ២នាក់ប្តីប្រពន្ធមិនស្គាល់អត្តសញ្ញាណនោះទេ បើករថយន្តដឹកមីមួយគ្រឿងម៉ាក
ហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ 3A-4999 បើកបរតាមបណ្តោយផ្លូវជាតិលេខ៥ ក្នុងទិសដៅពីជើងទៅត្បូង ហើយគាត់ទើបតែដឹកមីមកពីខេត្តសៀមរាប ខណៈពេលបើកមកដល់ចំណុចកើតហេតុខាងលើនេះ រថយន្តហ៊ីយ៉ាន់ដាយបត់ឆ្វេង ដើម្បីចូលទៅក្នុងឃ្លាំងរបស់គាត់ ប៉ុន្តែមិនបានប្រយ័ត្ននោះទេ ក៏ត្រូវរថយន្តកូរ៉េដឹកត្រីមួយគ្រឿងបើកដឹកត្រីមកពីព្រែកភ្នៅ គោលបំណងយកត្រីទៅឲ្យម៉ូយនៅឯក្រុងតាខ្មៅ ខេត្តកណ្តាល បើកបរតាមបណ្តោយផ្លូវជាតិលេខ៥ ក្នុងទិសដៅពីជើងទៅត្បូង បើកក្នុងល្បឿនយ៉ាងលឿន ហើយអកហ្សើចាប់ហ្វ្រាំងមិនទាន់នោះទេ ណាមួយមេឃកំពុងតែភ្លៀងផងនោះ ក៏ជ្រុលបុកចំកង់រថយន្តដឹកមីពេញទំហឹង បណ្តាលអោយខ្ទេចខូចខាតអស់មួយជំហៀងខាងស្តាំ ធ្លុះកញ្ចក់ចេញមកក្រៅ ។
សំណាងល្អអ្នករួមដំណើរ២នាក់នោះ រងរបួសស្រាលមិនបានប៉ុន្មានផងក៏ស្រាប់តែមានម៉ូតូកូរ៉េដឹកសាច់ជ្រូកមួយគ្រឿង បើកបញ្ច្រាស់ទិសដៅទៅបុកនឹងម៉ូតូហុងដាវេវមួយគ្រឿង ពណ៌ក្រហមបើកបរស្របទិសដៅក៏បុកគ្នាម៉ូតូដឹកសាច់ជ្រូកយ៉ាងពេញទំហឹង បណ្តាលឲ្យដួលរណូករណែលពេញផ្លូវសំណាងល្អរបួសស្រាល ។
ក្រោយពេលកើតហេតុខាងលើនេះរថយន្តបង្កនឹងរថយន្តរងគ្រោះត្រូវបានសមត្ថកិច្ចធ្វើការវាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយគ្នានៅពេលក្រោយទៀត ៕ កែសម្រួលដោយ ៖ សុឃាក់
ចែករំលែកព័តមាននេះ