លោក Angus Houston ប្រមុខ​មជ្ឈ​មណ្ឌល​សម្រប​សម្រួល​ការ​តាម​រុក​រក​​រួម​ ជូន​ដំណឹង​ថា​យន្ត​ហោះ​ធុន​​ AP-3C Orion ​មួយ​គ្រឿង​​របស់​​កង​ទ័ព​អាកាស​អូស្ត្រាលី​​ចាប់​បាន​សញ្ញា​ដែល​អាច​ទាក់​ទិន​​នឹង​យន្ត​ហោះ​​បាត់​ដាន​ ជើង​ហោះ​ហើរ​​​ MH 370 ។

លោក Houston ​បញ្ជាក់​ថា​​​ ពេល​ធ្វើ​ប្រតិ​បត្តិ​ការ​តាម​រុក​រក​​​ កាល​ពី​រសៀល​​ថ្ងៃ​ទី​១០ មេសា​ យន្ត​ហោះ​​ AP-3C Orion ចាប់​បាន​​សញ្ញា​មួយ​នៅ​ក្បែរ​​នាវា​អូស្ត្រាលី​​ Ocean Shield ដែល​តាម​រក​សញ្ញា​​ប្រអប់​ខ្មៅ​នៃ​យន្ត​ហោះ​​​បាត់​ដាន​​នេះ​ដែរ ។ លោក​បន្ត​ថា សញ្ញា​នោះ​​​​ចាំ​បាច់​ត្រូវ​​ធ្វើ​ការ​វិភាគ​បន្ថែម​​ ក៏​ប៉ុន្តែ​​​វា​អាច​ទាក់​ទិន​​ដល់​ប្រភព​បញ្ចេញ​មួយ​របស់​មនុស្ស ៕