ប្រែប្រួលហើយគ្រូ PSG ប្រាប់ពីទំនាក់ទំនងរវាង Neymar និងអ្នកគាំទ្រ
តាមប្រភពព័ត៌មាន Goal បានឱ្យដឹងថា ប្រធានគ្រូបង្វឹកក្លិបអ្នកមានបារាំង PSG លោក Thomas Tuchel សង្កេតឃើញថា ទំនាក់ទំនងរវាងកីឡាករជើងខ្លាំង…
តាមប្រភពព័ត៌មាន Goal បានឱ្យដឹងថា ប្រធានគ្រូបង្វឹកក្លិបអ្នកមានបារាំង PSG លោក Thomas Tuchel សង្កេតឃើញថា ទំនាក់ទំនងរវាងកីឡាករជើងខ្លាំង…
តាមប្រភពព័ត៌មាន Goal បានឱ្យដឹងថា ប្រធានគ្រូបង្វឹកក្លិបអ្នកមានបារាំង PSG លោក Thomas Tuchel សង្កេតឃើញថា ទំនាក់ទំនងរវាងកីឡាករជើងខ្លាំង Neymar Jr. និង អ្នកគាំទ្ររបស់ PSG មានភាពប្រសើរឡើងវិញច្រើនហើយ ។
កីឡាករប្រេស៊ីលរូបនេះបានស៊ុតបញ្ចូលទីដែលជួយឱ្យក្រុមឈ្នះទៅលើ Angers ជាមួយនឹងលទ្ធផល 4-0 កាលពីថ្ងៃសៅរ៍ នៅ Parc des Princes ។ Neymar បានរកគ្រាប់បាល់បាន៤គ្រាប់ ក្នុងការប្រកួត League ៥ដង ក្នុងរដូវកាលនេះ ។ នៅមុនពេលចូលរដូវកាលពេញលេញ កីឡាករអាយុ២៧ឆ្នាំរូបនេះ មានភាពស្ទាក់ស្ទើរជាខ្លាំងក្នុងការសម្រេចចិត្តថានឹងនៅបន្តឬក៏អត់ ។ នេះបានធ្វើឱ្យអ្នកគាំទ្ររបស់ PSG មានការអាក់អន់ស្រពន់ចិត្តជាពន់ពេក ។
ពេលនេះលោកគ្រូបង្វឹក Tuchel បានប្រាប់ថា ការលេងបានយ៉ាងល្អរបស់ Neymar បានជួយស្រោចស្រង់ចិត្តលិចលង់របស់អ្នកគាំទ្រដោយលោកប្រាប់ថា ៖«និយាយពី Neymar គឺគេកំពុងតែប្រសើរឡើងហើយ ។ វាពិតជាស្រួលណាស់ ។ ខ្ញុំនិយាយថា វាអាស្រ័យទៅលើយើងទាំងអស់គ្នា និង Neymar ដែលធ្វើសកម្មភាពបង្ហាញអ្នកគាំទ្រថា គេនឹងនៅបន្ត ។ វាមិនសំខាន់ក្នុងការនិយាយនោះទេ»។
លោកបានបន្តថា ៖«គេបានបង្ហាញឱ្យឃើញពីថ្វីជើងជាច្រើនស្នៀតនៅលើតារាង ពេលលេងជាមួយនឹង Angers ។ គេរកបានគ្រាប់បាល់ម្តងទៀតហើយ ។ គេក៏អាចរកគ្រាប់បាល់បានច្រើនជាងនេះដែរ»។
គួរបញ្ជាក់ផងដែរថា វាប្រហែលជាព័ត៌មានមិនល្អសម្រាប់អ្នកគាំទ្រ PSG ទេដោយសារតែកីឡាករ Kylian Mbappe មិនបានចូលលេងក្នុងការប្រកួតនោះទេ ។ លោក Tuchel ប្រាប់ថា គេមានបញ្ហារបួសនៅកំភួនជើងដែលឈឺតាំងពីខែសីហាមកម្ល៉េះ ៕
ចែករំលែកព័តមាននេះ