គណបក្សប្រឆាំងសំខាន់ កាលពីថ្ងៃទី៩ មេសា ដណ្ដើមបានជោគជ័យក្នុងការបោះឆ្នោតសភានៅឥណ្ឌូណេស៊ីហើយ បើយោងតាមការវាយតម្លៃនានា មេដឹកនាំគណបក្សនេះដែលមានប្រជាប្រិយភាពបំផុតគឺអភិបាលក្រុងហ្សាការតាអាចជាអ្នកឈ្នះក្នុងការបោះឆ្នោតប្រធានាធិបតីនាខែកក្កដា ខាងមុខនេះ ។
គណបក្សប្រឆាំងសំខាន់ កាលពីថ្ងៃទី៩ មេសា ដណ្ដើមបានជោគជ័យក្នុងការបោះឆ្នោតសភានៅឥណ្ឌូណេស៊ីហើយ បើយោងតាមការវាយតម្លៃនានា មេដឹកនាំគណបក្សនេះដែលមានប្រជាប្រិយភាពបំផុតគឺអភិបាលក្រុងហ្សាការតាអាចជាអ្នកឈ្នះក្នុងការបោះឆ្នោតប្រធានាធិបតីនាខែកក្កដា ខាងមុខនេះ ។
គណបក្សប្រជាធិបតេយ្យឥណ្ឌូណេស៊ីនៃការតស៊ូ PDI-P មានសំឡេងនាំមុខពី១៩%ទៅ២០% ។ ប៉ុន្ដែតួលេខនេះពិតជាទាបជាងការព្យាករណ៍ តាមរយៈការស្ទាបស្ទង់មតិនានា ដែលថាគណបក្សនោះអាចទទួលបានសំឡេង២៥% ។ ប្រការនេះនាំឱ្យមានភាពស្មុគ្រស្មាញសម្រាប់ការបោះឆ្នោតប្រធានាធិបតីរបស់អភិបាលក្រុងហ្សាការតាលោក ហ្សូកូ វីដូណូ មានរហស្សនាមថា ហ្សូកូវី ។
លោក វីដូណូ អតីតអ្នកលក់គ្រឿងសង្ហារិម អាយុ ៥២ឆ្នាំ ថ្លែងទៅកាន់សារព័ត៌មានថា អរគុណព្រះជាម្ចាស់ ប្រជាជនមានជំនឿទុកចិត្ដលើគណបក្ស PDI-P ។
ចំណែកគណបក្សប្រជាធិបតេយ្យរបស់ប្រធានាធិបតីឥណ្ឌូណេស៊ីលោក ស៊ូស៊ីឡូ បាមបង់យូដូយ៉ូណូ ទទួលសំឡេងបានប្រមាណជា១០% គឺតិចជាងពាក់កណ្ដាលលទ្ធផលបោះឆ្នោតសភាកាលពីឆ្នាំ២០០៩ ។ ការបាត់សំឡងឆ្នោតយ៉ាងច្រើនរបស់គណបក្សនេះដោយសារតែរឿងអាស្រូវពុករលួយមួយចំនួន ។ ដោយកាន់តំណែង២អាណត្ដិ លោកយូដូយ៉ូណូ ពុំអាចឈរឈ្មោះជាបេក្ខជនសម្រាប់ការបោះឆ្នោតប្រធានាធិបតីនាខែកក្កដា ខាងមុខនេះទៀតឡើយ ៕
ចែករំលែកព័តមាននេះ