រាជធានីភ្នំពេញ ៖ នារីជានិស្សិតអក្សរសាស្ត្រអង់គ្លេសនៅសាកលវិទ្យាល័យន័រតុនម្នាក់ត្រូវរថយន្តដឹកស៊ីម៉ង់ត៍កិនស្លាប់ និងអ្នករួមដំណើរម្នាក់ទៀតរបួសធ្ងន់។ ហេតុការណ៍នេះកើតឡើងកាលពីវេលាម៉ោង៦ និង៣០នាទីព្រលប់ ថ្ងៃទី៩ មេសា ២០១៤ លើផ្លូវលេខ៣៧១ ភូមិត្នោតជ្រុំ៤ សង្កាត់ស្ទឹងមានជ័យ ខណ្ឌមានជ័យ ។
រាជធានីភ្នំពេញ ៖ នារីជានិស្សិតអក្សរសាស្ត្រអង់គ្លេសនៅសាកលវិទ្យាល័យន័រតុនម្នាក់ត្រូវរថយន្តដឹកស៊ីម៉ង់ត៍កិនស្លាប់ និងអ្នករួមដំណើរម្នាក់ទៀតរបួសធ្ងន់។ ហេតុការណ៍នេះកើតឡើងកាលពីវេលាម៉ោង៦ និង៣០នាទីព្រលប់ ថ្ងៃទី៩ មេសា ២០១៤ លើផ្លូវលេខ៣៧១ ភូមិត្នោតជ្រុំ៤ សង្កាត់ស្ទឹងមានជ័យ ខណ្ឌមានជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា រថយន្តបង្កជារថយន្តស៊ីម៉ង់ត៍ពណ៌ស្លាទុំ ពាក់ស្លាកលេខភ្នំពេញ៣B៩៩១៤ បើកបរពីលិចទៅកើតក្នុងទិសដៅស្របគ្នាជាមួយម៉ូតូស្មាសវី ពណ៌ខ្មៅ ពាក់ស្លាកលេខកំពង់ធំ១C១២៤២ ជិះគ្នា២នាក់ជានិស្សិតស្រី ខណៈមកដល់ចំណុចកើតហេតុ ម៉ូតូបានទាក់ដៃចង្កូតជាមួយរថយន្តដឹកស៊ីម៉ង់ត៍បណ្តាលឱ្យដួលត្រូវរថយន្តកិនពីលើនារីជាអ្នកបើកម៉ូតូស្លាប់ដេកផ្កាប់មុខនៅនឹងកន្លែង ចំណែកអ្នករួមដំណើរជាមួយដួលបែកមុខ មាត់របួសធ្ងន់ត្រូវគេបញ្ជូនទៅព្យាបាលនៅមន្ទីរពេទ្យមិត្តភាពខ្មែរ-សូវៀត។ ដោយឡែករថយន្តបង្កបានបើកហួសទៅមុខប្រមាណ៥០ម៉ែត្រ អ្នកបើកបររថយន្តបានឈប់រថយន្តនៅកណ្តាលថ្នល់ រួចចុះរត់គេចខ្លួនបាត់ស្រមោល។
សពនារីដែលស្លាប់ឈ្មោះគង់ ច័ន្ទឌីណា អាយុ២១ឆ្នាំ ជានិស្សិតឆ្នាំទី២ ផ្នែកអក្សរសាស្ត្រអង់គ្លេសនៅសាកលវិទ្យាល័យន័រតុន ស្នាក់នៅផ្ទះជួលលេខ១៧H សង្កាត់ទន្លេបាសាក់ ខណ្ឌចំការមន មានស្រុកកំណើតនៅភូមិបាជ័យ ឃុំបាជ័យ ស្រុកសណ្តាន់ ខេត្តកំពង់ធំ រីឯអ្នករបួសធ្ងន់ត្រូវជាបងប្អូនឈ្មោះពុធ ចាន់សិរីរ័ត្ន ភេទស្រី អាយុ២២ឆ្នាំ ជានិស្សិតឆ្នាំទី៤ ផ្នែកអក្សរសាស្ត្រអង់គ្លេសនៅសាកលវិទ្យាល័យភូមិន្ទភ្នំពេញ មានទីកន្លែងស្នាក់នៅ និងស្រុកកំណើតជាមួយគ្នា។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ