ឧក្រិដ្ឋជនចិននាំដល់តុលាការ រួមទាំងគ្រឿងញៀនដ៏សន្ធឹក
- ភ្នំពេញ
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា នៅព្រឹកថ្ងៃទី០៥ តុលា ជនសង្ស័យជនជាតិចិនចំនួន៤នាក់ រួមទាំងគ្រឿងញៀនប្រមាណ៣៩គីឡូក្រាម នាំមកដល់សាលាដំបូងហើយ ។ ពេលមកដល់ភ្លាម…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា នៅព្រឹកថ្ងៃទី០៥ តុលា ជនសង្ស័យជនជាតិចិនចំនួន៤នាក់ រួមទាំងគ្រឿងញៀនប្រមាណ៣៩គីឡូក្រាម នាំមកដល់សាលាដំបូងហើយ ។ ពេលមកដល់ភ្លាម…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា នៅព្រឹកថ្ងៃទី០៥ តុលា ជនសង្ស័យជនជាតិចិនចំនួន៤នាក់ រួមទាំងគ្រឿងញៀនប្រមាណ៣៩គីឡូក្រាម នាំមកដល់សាលាដំបូងហើយ ។ ពេលមកដល់ភ្លាម កម្លាំងបាននាំជនសង្ស័យចូលក្នុងបន្ទប់សវនការ ដើម្បីសាកសួរលើករណីគ្រឿងញៀនដ៏សន្ធឹកនេះ ។ សូមរំលឹកថា៖ ការបង្ក្រាបគ្រឿងញៀនដែលអត់ចេះអស់…ស្តែងនេះ សូម្បីតែក្នុងខុនដូ
ជនជាតិចិនទាំង៤នាក់ គឺជាប់ពាក់ពន្ធករណីជួញដូរគ្រឿងញៀនដោយខុសច្បាប់ចាប់នៅក្នុងខុនដូមួយកន្លែង មានចំនួន៣៩គីឡូក្រាម ។ ជនសង្ស័យជនជាតិចិនទាំង៤នាក់ ១-ឈ្មោះ YUN LiANFU ភេទប្រុស អាយ៥១ឆ្នាំ ២-ឈ្មោះ FENG YONGCHAO ភេទប្រុស អាយុ៤៨ឆ្នាំ ៣.ឈ្មោះ CHOI KA LUN ភេទប្រុស អាយុ៤៣ឆ្នាំ និង៤-ឈ្មោះ LAU CHUN KiN ភេទប្រុស អាយុ៤០ឆ្នាំ ។
សូមរំលឹកថា កម្លាំងសមត្ថកិច្ចនគរបាលមន្ទីរប្រឆាំងគ្រឿងញៀន កាលពីថ្ងៃទី២ តុលា បានចុះបង្ក្រាបក្រុមជនសង្គមងងឹតជួញដូរគ្រឿងញៀនមួយក្រុម គឺធ្វើឡើងនៅទីតាំងផ្សេងគ្នា ប៉ុន្តែក្នុងនោះមានជនជាតិចិនម្នាក់ ដែលសមត្ថកិច្ចបានធ្វើការចាប់ខ្លួន នៅក្នុងបន្ទប់ខុនដូមួយកន្លែង ដែលមានគ្រឿងញៀនប្រមាណ៣៩ គីឡូក្រាម ។
លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀនក្រសួងមហាផ្ទៃបានថ្លែងឲ្យដឹងថា ក្រោមការដឹកនាំដ៏ខ្ពង់ខ្ពស់ពីសំណាក់នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងមានការចង្អុលបង្ហាញពីនាយឧត្តមសេនីយ៍ ម៉ក់ ជីតូ អគ្គស្នងការរង ទទួលការងារប្រយុទ្ធប្រឆាំងគ្រឿងញៀន កាលពីវេលាម៉ោង៩យប់ថ្ងៃទី២ ខែតុលា ឆ្នាំ២០១៩ កម្លាំងសមត្តកិច្ចជំនាញ ដែលដឹកនាំដោយលោកវរៈសេនីយ៍ឯក ស៊ី ផល្លា នាយករងមន្ទីរប្រឆាំងគ្រឿងញៀន និងលោកវរៈសេនីយ៍ត្រី សេង ឃុនណាង នាយការិយាល័យទី១១ បានចុះប្រតិបត្តិការបង្ក្រាប ករណី ជួញដូរគ្រឿងញៀនខុសច្បាប់មួយករណី ស្ថិតនៅចំណុចខុនដូមួយកន្លែងជាន់ទី២៩ បន្ទប់លេខ១៩ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
លោក ឡឹក វណ្ណៈ បន្តថា ដំបូងកម្លាំងយើងបានប្រើប្រាស់វិធានញុះញុង ឃាត់ខ្លួនជនសង្ស័យ៣ នាក់នៅទីកន្លែងផ្សែងគ្នា ដែលពួកគេបាន នឹងកំពុងប្រព្រឹត្តបទល្មើសជាក់ស្តែង ចែកចាយ នឹងជួញដូរគ្រឿង ញៀន ។ ក្រោយពីចាប់ឃាត់ខ្លួនជនសង្ស័យ៣នាក់នោះហើយ ពួកគេបានសារភាព នឹងចង្អុលបង្ហាញថា ប្រភេទថ្នាំញៀនដែលនាំយកមកលក់ នឹងចែកចាយនេះ គឺបានមកពីម្នាក់ឈ្មោះ YUN LIANFU ភេទប្រុស អាយុ៥១ឆ្នាំ ជាជនជាតិចិន មុខរបរ មិនពិតប្រាកដ ស្នាក់នៅខុនដូមួយកន្លែង ។ នៅពេលបានចម្លើយសារភាពនោះ សមត្តកិច្ចបានឈានទៅដល់ការឡោមព័ទ នឹងចាប់ខ្លួនជនសង្ស័យម្នាក់នេះ រួមទាំងចាប់យកវត្ថុតាងថ្នាំញៀនចំនួន៣៩កញ្ចប់ធំ មានទម្ងន់ស្មើ៣៩គីឡូក្រាម ។
បន្ទាប់ពីចាប់ខ្លួនឈ្មោះ YUN LIANFU នឹងដកហូតថ្នាំញៀន៣៩គីឡូ ក្រាម ជននេះបានសារភាពភ្លាមៗ ថា ជារបស់ដែលគេយកមកផ្ញើឲ្យជួយលក់ ចំណែកអ្នកផ្ញើទំនងគេចខ្លួនបាត់ហើយ ។ សមត្ថកិច្ចអះអាងថា នេះគ្រាន់តែជាល្បិចដោះបន្ទុកចង់ឲ្យរួចផុតពីការចោទប្រកាន់ប៉ុណ្ណោះទេ តាមពិតថ្នាំញៀននោះជារបស់ឈ្មោះ YUN LIANFU ប្រាកដហើយ។
ចែករំលែកព័តមាននេះ