អ្នកសម្របសម្រួលប្រតិបត្តិការតាមរុករក លោក Angus Houston ថ្លែងថា ច្រើនថ្ងៃអាចកន្លងផុតទៅ មុនការប្រើរ៉ូបូមុជទឹកឈ្មោះ Bluefin-21 ក្នុងបាតមហាសមុទ្រឥណ្ឌា ព្រោះបណ្តាអ្នកទទួលខុសត្រូវនៃការតាមរក រង់ចាំឱ្យទទួលបានសញ្ញាប្រអប់ខ្មៅដទៃៗទៀត ដើម្បីអាចកម្រិតតំបន់រុករកយន្តហោះម៉ាឡេស៊ី បាត់ដានចាប់តាំងពី១ខែមកហើយ ។
អ្នកសម្របសម្រួលប្រតិបត្តិការតាមរុករក លោក Angus Houston ថ្លែងថា ច្រើនថ្ងៃអាចកន្លងផុតទៅ មុនការប្រើរ៉ូបូមុជទឹកឈ្មោះ Bluefin-21 ក្នុងបាតមហាសមុទ្រឥណ្ឌា ព្រោះបណ្តាអ្នកទទួលខុសត្រូវនៃការតាមរក រង់ចាំឱ្យទទួលបានសញ្ញាប្រអប់ខ្មៅដទៃៗទៀត ដើម្បីអាចកម្រិតតំបន់រុករកយន្តហោះម៉ាឡេស៊ី បាត់ដានចាប់តាំងពី១ខែមកហើយ ។
លោក Houston បន្តថា យើងត្រូវបន្តតាមចាប់សញ្ញានានារយៈពេលជាច្រើនថ្ងៃទៀតរហូតដល់យើងប្រាកដថា ថ្មរបស់ប្រអប់ខ្មៅត្រូវអស់ ហើយគេពុំអាចចាប់បានអ្វីទៀត ។ យើងត្រូវការឱ្យទទួលបានសញ្ញាបន្ថែមដើម្បីអាចកំណត់តំបន់រុករក ។មានសញ្ញា២ត្រូវចាប់បានកាលពីចុងសប្តាហ៍កន្លងមកនេះ ដែលសញ្ញាមួយមានរយៈពេល២ម៉ោង២០នាទី ហើយសញ្ញាមួយទៀត មានរយៈពេល១៣នាទី ។
ក្នុងពេលចាប់បានសញ្ញាទី២មានរលកសំឡេង២ផ្សេងគ្នា គួរឱ្យជឿជាក់ ។ រលកសំឡេងទាំង២នោះ អាចបញ្ចេញពីប្រអប់ខ្មៅនីមួយៗក្នុងចំណោមប្រអប់ខ្មៅរបស់យន្តហោះបាត់ដានជើងហោះហើរ MH370 ។ សញ្ញាទាំងនេះចាប់បាននៅកន្លែងសែនឆ្ងាយក្នុងដែនទឹកនៃឆ្នេរសមុទ្រខាងលិចរបស់អូស្ត្រាលីក្នុងតំបន់យ៉ាងធំនាភាគខាងត្បូងមហាសមុទ្រឥណ្ឌា ជាកន្លែងយល់ថាយន្តហោះប៊ូអុីងនោះធ្លាក់ ។ ប៉ុន្តែនាវាអូស្ត្រាលីបំពាក់ដោយឧបករណ៍ចាប់សញ្ញាឈ្មោះ Ocean Shield ពុំចាប់បានសញ្ញាអ្វីឡើយ កាលពីថ្ងៃទី៧ មេសា ៕
ចែករំលែកព័តមាននេះ