ប្រសិនបើអ្នកមានចំណាប់អារម្មណ៍ ក្នុងការបើកអាជីវកម្មលក់ទំនិញអនឡាញ ឬលើប្រព័ន្ធសង្គម និងមិនទាន់ដឹងថា អ្នកគួរជ្រើសរើសផលិតផលអ្វីនោះចូរបន្តការអានអត្ថបទនេះ ។ វិស័យអាជីវកម្មលើប្រព័ន្ធអេឡិចត្រូនិក ឬ E-Commerce គឺពិតជាមានសក្តានុពលណាស់ក្នុងប្រទេសកម្ពុជា…
ប្រសិនបើអ្នកមានចំណាប់អារម្មណ៍ ក្នុងការបើកអាជីវកម្មលក់ទំនិញអនឡាញ ឬលើប្រព័ន្ធសង្គម និងមិនទាន់ដឹងថា អ្នកគួរជ្រើសរើសផលិតផលអ្វីនោះចូរបន្តការអានអត្ថបទនេះ ។ វិស័យអាជីវកម្មលើប្រព័ន្ធអេឡិចត្រូនិក ឬ E-Commerce គឺពិតជាមានសក្តានុពលណាស់ក្នុងប្រទេសកម្ពុជា ហើយមនុស្សគ្រប់ស្រទាប់សង្គមអាចទាញអត្ថប្រយោជន៍បានពីការអភិវឌ្ឍន៍នេះ ។
ប៉ុន្តែការជ្រើសរើសផលិតផល គឺជាជំហានសំខាន់ដែលអ្នកគួរតែគិតពិចារណាឲ្យបានច្បាសលាស់មិនមែនចាំតែលក់តាមគេឯងឡើយ ។ ផលិតផលដែលអ្នកជ្រើសរើសលក់ប៉ះពាល់ដល់ការផ្សព្វផ្សាយរបស់អ្នក ប្រាក់ចំណូលរបស់អ្នក និងពេលវេលា ឬថវិកាដែលអ្នកត្រូវវិនិយោគលើ ។
ដូច្នេះ ដើម្បីជៀសវាងការបរាជ័យ អ្នកអាចអនុវត្តតាមគន្លឹះខាងក្រោមនេះ ដើម្បីជ្រើសរើសផលិតផលដែលត្រឹមត្រូវ ៖
១. រកទីផ្សារដែលមិនធំទូលាយពេក៖
នរណាក៏ចង់បង្កើតបានអាជីវកម្មមួយដែលលក់ស្មាតហ្វូនដើម្បីប្រកួតប្រជែងជាមួយនឹង Apple និង Samsung ដែរ ប៉ុន្តែវាមិនមែនជាផ្លូវដែលងាយស្រួលដើរទេ ។ ទោះជាវាជាទីផ្សារដែលមានអតិថិជនរាប់ប៊ីលាននាក់ពិតមែនក្តី វាមិនអាចធានាថាផលិតផលដែលអ្នកផលិតអាចទាក់ទាញអតិថិជនឡើយ ។ ផ្ទុយមកវិញ អ្នកគួរជ្រើសរើសផលិតផលណាដែលមានទីផ្សារមិនធំទូលាយពេក និងមានអតិថិជនច្រើនល្មម ។
២. ផ្គត់ផ្គង់តម្រូវការ៖
តើសព្វថ្ងៃនេះអតិថិជនជួបប្រទះនឹងបញ្ហាអ្វី? តើមូលហេតុអ្វីបានជាផលិតផលដែលមានលើទីផ្សារមិនអាចផ្គត់ផ្គង់តាមតម្រូវការរបស់ពួកគេ?ការសង្កេតទាំងនេះអាចជួយឲ្យអ្នកគិតឃើញផលិតផលដែលមានមនុស្សចាប់អារម្មណ៍ច្រើនបាន ។
៣. ផលចំណេញ៖
ពេលខ្លះអ្នកអាចផ្គត់ផ្គត់ផលិតផលដែលមានអត្ថប្រយោជន៍ច្រើនដល់មនុស្ស និងមានការគាំទ្រច្រើនពីអតិថិជន តែអ្នកមិនអាចរកប្រាក់ចំណូលបានច្រើនពីវាឡើយ ។ អ្នកមិនគួររំពឹងថាអ្នកចង់លក់មិនយកប្រាក់ចំណេញសិនមុនពេលតម្លើងថ្លៃតាមក្រោយទេ ។ ជាទូទៅ ការធ្វើដូច្នេះមានតែធ្វើឲ្យអតិថិជនខឹង និងជំរុញឲ្យដៃគូប្រកួតប្រជែងអ្នកទាក់ទាញអតិថិជនចេញពីអ្នកប៉ុណ្ណោះ ។ ដូច្នេះពេលដែលជ្រើសរើសផលិតផល អ្នកគួរតែជ្រើសរើសអ្វីដែលអ្នកអាចរកផលចំណេញបានច្រើនតាំងពីដាក់លក់ដំបូង ៕ កែសម្រួលដោយ ៖សុឃាក់
ចែករំលែកព័តមាននេះ