វិធីការពារខ្លួនពីការវាយប្រហារតាមអាកាស
១. ការស្វែងរកជម្រក (Take Shelter)-មានកន្លែងមួយចំនួនដែលអ្នកគួរស្វែងរកជម្រក៖ នៅក្រោមដី បន្ទប់ក្រោមដី ឬផ្លូវរូងក្រោមដី ។-ជាការប្រសើរ គួរនៅក្បែរជញ្ជាំងដែលគ្មានបង្អួច ឬកញ្ចក់…
១. ការស្វែងរកជម្រក (Take Shelter)
-មានកន្លែងមួយចំនួនដែលអ្នកគួរស្វែងរកជម្រក៖ នៅក្រោមដី បន្ទប់ក្រោមដី ឬផ្លូវរូងក្រោមដី ។
-ជាការប្រសើរ គួរនៅក្បែរជញ្ជាំងដែលគ្មានបង្អួច ឬកញ្ចក់ ប៉ុន្តែកុំផ្អែកខ្នងនឹងជញ្ជាំងទាំងនោះ ។
-ជៀសវាងការប៉ះផ្ទាល់ជាមួយជញ្ជាំងរឹង ព្រោះអ្នកអាចរងរបួសដោយសារកម្លាំងញ័រខ្លាំង ឬរញ្ជួយដី ។
-ប្រសិនបើអ្នកនៅខាងក្រៅ ត្រូវប្រញាប់ចូលទៅក្នុងអគារដែលនៅជិតបំផុត ។
-ប្រសិនបើអ្នកមិនអាចរកជម្រកក្រោមដីបានទេ ត្រូវជ្រកនៅផ្នែកខាងក្រោមបំផុតនៃអគារ ។
-នៅឱ្យឆ្ងាយពីបង្អួច ។ ប្រសិនបើអាច ត្រូវគ្របបង្អួចដោយបន្ទះផ្លាស្ទិក និងស្កុតការពារ ។
២. ការរកជម្រកនៅទីវាល (Taking Cover in the Open)
-ប្រសិនបើមិនមានអគារនៅជិតទេ ត្រូវរកកន្លែងដែលទាបបំផុត ដូចជាលេណដ្ឋាន ឬរណ្តៅ ហើយដេកឱ្យទាប ។
-ដោយសារបំណែកគ្រាប់បែកដែលផ្ទុះនឹងហោះឡើងលើ ដូច្នេះតំបន់ដែលមានសុវត្ថិភាពបំផុតគឺកន្លែងដែលមានកម្រិតដីទាបបំផុត ។
-ដេកផ្កាប់មុខទៅដី ហើយយកដៃទាំងពីរខ្ទប់ក្បាលរបស់អ្នក ។
៣. វិធានការការពារផ្សេងៗទៀត
-គ្របដណ្តប់ស្បែកដែលនៅចំហជាមួយវត្ថុដែលមិនងាយឆេះក្នុងអំឡុងពេលទម្លាក់គ្រាប់បែក ប្រសិនបើអាច ។
-ប្រសិនបើគ្មានសម្ភារៈទាំងនោះទេ សូម្បីតែអាវធំ អាវជេកឃីត ឬកាសែត ក៏អាចជួយការពារស្បែករបស់អ្នកពីការរលាកធ្ងន់ធ្ងរបានដែរ ។
-បិទភ្នែករបស់អ្នក ដើម្បីការពារកុំឱ្យកម្ទេចកំទីចូលភ្នែក ។
-ហើបមាត់បន្តិច ដើម្បីការពារសួតពីការរងរបួសដោយសារកម្លាំងផ្ទុះ ។
៤. អ្វីដែលគួរធ្វើ (DOS)
-កំណត់រកបន្ទប់ដែលមានសុវត្ថិភាពបំផុតនៅក្នុងផ្ទះរបស់អ្នក ឧទាហរណ៍៖ ប្រសិនបើគ្មានបន្ទប់ក្រោមដីទេ បន្ទប់ទឹកច្រើនតែជាកន្លែងដែលរឹងមាំ និងមានបង្អួចតិច ។
-ត្រៀមបន្ទះផ្លាស្ទិក និងស្កុតឱ្យរួចរាល់ ដើម្បីបិទលើបង្អួចរបស់អ្នក ។ វានឹងជួយការពារកញ្ចក់កុំឱ្យខ្ទាតនៅពេលមានកម្លាំងផ្ទុះ ។
-បង្កើតជម្រកបណ្តោះអាសន្នចេញពីតុ ពូក និងសៀវភៅ ។
-ដេកនៅលើដីដោយយកដៃខ្ទប់ក្បាល និងហើបមាត់បន្តិច ។
-ធានាឱ្យមានការផ្គត់ផ្គង់ទឹកផឹក (ឧទាហរណ៍៖ ច្រកទឹកដាក់ក្នុងអាងងូតទឹក) និងអាហារ ហើយត្រូវបិទប្រព័ន្ធអគ្គិសនី និងហ្គាស ។
៥. អ្វីដែលមិនគួរធ្វើ (DO NOTS)
-កុំមើលការវាយប្រហារតាមអាកាស
-កុំចេញទៅក្រៅដើម្បីថតរូបការវាយប្រហារតាមអាកាស ។
-កុំជ្រកនៅក្បែរបង្អួច ។
-កុំផ្អែកខ្នងនឹងជញ្ជាំង ។
-កុំប្រមូលផ្តុំគ្នាជាក្រុមធំ ជាពិសេសនៅទីវាល ។
ប្រភព : ឯកសារណែនាំរបស់អង្គការសុខភាពពិភពលោក (WHO)
ចែករំលែកព័តមាននេះ