យោងតាមទីភ្នាក់ងារព័ត៌មានកូរ៉េខាងត្បូង YONHAP ថា រដ្ឋមន្ត្រីការពារប្រទេសកូរ៉េខាងត្បូង លោកគីម ក្វានជីន បានចេញបញ្ជាឱ្យបង្កើនការប្រុងប្រយ័ត្នប្រឈមមុខនឹងការគំរាមកំហែងរបស់យន្តហោះគ្មានមនុស្សបើកតូចៗ សង្ស័យហោះមកពីកូរ៉េខាងជើង ញ៉ាំងឱ្យមានការព្រួយបារម្ភលើប្រព័ន្ធការពារអាកាសរបស់ប្រទេស ។
យោងតាមទីភ្នាក់ងារព័ត៌មានកូរ៉េខាងត្បូង YONHAP ថា រដ្ឋមន្ត្រីការពារប្រទេសកូរ៉េខាងត្បូង លោកគីម ក្វានជីន បានចេញបញ្ជាឱ្យបង្កើនការប្រុងប្រយ័ត្នប្រឈមមុខនឹងការគំរាមកំហែងរបស់យន្តហោះគ្មានមនុស្សបើកតូចៗ សង្ស័យហោះមកពីកូរ៉េខាងជើង ញ៉ាំងឱ្យមានការព្រួយបារម្ភលើប្រព័ន្ធការពារអាកាសរបស់ប្រទេស ។
បទបញ្ជានោះត្រូវបានចេញក្នុងឱកាសនៃកិច្ចប្រជុំមួយចូលរួមដោយបណ្តានាយទាហានជាន់ខ្ពស់ ដើម្បីតាក់តែងវិធានការនានាប្រឆាំងយន្តហោះគ្មានមនុស្សបើក បន្ទាប់ពីយន្តហោះបញ្ជាពីចម្ងាយតូចៗ៣គ្រឿងត្រូវបានរកឃើញរយៈពេលបុ៉ន្មានសប្តាហ៍ចុងក្រោយនេះនៅខាងព្រំដែនកូរ៉េខាងត្បូងជិតព្រំដែនរវាងកូរ៉េទាំងពីរមក។
ក្នុងកិច្ចប្រជុំឯទីស្នាក់ការគណៈកម្មាធិការ បណ្តាប្រមុខនាយសេនាធិការកងទ័ពចម្រុះនៅក្រុងសេអ៊ូល លោកគីម ក្វានជីន ថ្លែងថា ប្រសិនបើកូរ៉េខាងជើងផលិតបណ្តាយន្តហោះគ្មានមនុស្សបើកតូចៗសម្រាប់បំពេញបេសកកម្មសើុបការណ៍ដើម្បីពង្រឹងសមត្ថភាពសើុបការណ៍ដែលខ្សោយរបស់ខ្លួន គេអាចគិតថា ក្រុងព្យុងយ៉ាងនឹងផលិតបណ្តាយន្តហោះគ្មានមនុស្សបើកដើម្បីអាចជ្រៀតចូលជាសម្ងាត់ ហើយប្រព្រឹត្តអំពើភេរវកម្មនានាក្នុងពេលអនាគត ។ យើងត្រូវពង្រឹងការរៀបចំខាងយោធារបស់យើងដើម្បីធ្វើការត្រួតពិនិត្យតាមចាប់ដាន កំណត់អត្តសញ្ញាណ ហើយវាយប្រហារ (យន្តហោះគ្មានមនុស្សបើក) ជាមួយនឹងបណ្តាមធ្យោបាយយោធាបច្ចុប្បន្នដែលមាននៅតាមបណ្តោយព្រំដែន ។
បណ្តាយន្តហោះគ្មានមនុស្សបើកកូរ៉េខាងជើងមានចាប់តាំងពីយូរមកហើយ ក៏បុ៉ន្តែបណ្តាគំរូដែលរកឃើញនាពេលថ្មីៗនេះអាចបញ្ជាក់ថា បច្ចុប្បន្នយន្តហោះគ្មានមនុស្សបើករបស់ប្រទេសនេះកាន់តែទំនើប ហើយអាចបំពាក់អាវុធវាយប្រហារបណ្តាទីតាំងយោធា ឬទីតាំងឯទៀតៗ ។
ចាប់តាំងពីច្រើនឆ្នាំមកហើយ ក្រុងសេអ៊ូលបុ៉នប៉ងបង្កើតវិធានការនានាប្រឆាំងយន្តហោះគ្មានមនុស្សបើក ។ បុ៉ន្តែរហូតមកទល់ពេលនេះ វិធានការទាំងនោះនៅមានកម្រិតត្រឹមអាចរំខានរលកសំឡេង ចាប់សញ្ញា ហើយបញ្ចេញប្រតិកម្មដូចជាមួយយន្តហោះធម្មតាបុ៉ណ្ណោះ ។
ប្រឈមមុខនឹងការលុកលុយទាំងនេះ ក្រសួងការពារប្រទេសកូរ៉េខាងត្បូងគ្រោងទិញបណ្តារ៉ាដាត្រួតពិនិត្យដែលទំនើប ដើម្បីតាមដានបណ្តាយន្តហោះដែលហោះក្នុងកម្ពស់ទាប ព្រមទាំងទិញអាវុធការពារអាកាសដើម្បីអាចការពារការជ្រៀតចូលរបស់បណ្តាយន្តហោះគ្មានមនុស្សបើកតូចៗ ។
ក្នុងពេលប្រជុំ រដ្ឋមន្ត្រីការពារប្រទេសកូរ៉េខាងត្បូង ក៏សន្យាផងដែររួមសហការជាមួយបណ្តាទីភ្នាក់ងាររដ្ឋាភិបាលដែលទាក់ទិននិងប្រជាជន ដើម្បីតាមរកយន្តហោះឯទៀតៗដែលអាចធ្លាក់លើដែនដីកូរ៉េខាងត្បូង ។ យន្តហោះគ្មានមនុស្សបើកទាំងនោះពិបាកចាប់បានដោយរ៉ាដាធម្មតាណាស់ ។ យោងតាមការវិភាគដោយស៊ីជម្រៅ យន្តហោះគ្មានមនុស្សបើក៣គ្រឿងលាបពណ៌ខៀវ ផ្ទៃមេឃ បំពាក់ដោយម៉ាស៊ីនថត អាចធ្លាក់ដោយសារការខូចម៉ាស៊ីន ឬដោយអស់ប្រេងដែលបង្ហាញថា បច្ចេកវិទ្យាដែលប្រើដោយកូរ៉េខាងជើងនៅពុំទាន់មានកម្រិតខ្ពស់នៅឡើយ ។ យន្តហោះនេះអាចហោះហើរក្នុងរង្វង់៨០០គីឡូម៉ែត្រ គឺទៅដល់គ្រប់គោលដៅយោធារបស់កូរ៉េខាងត្បូង ៕
ចែករំលែកព័តមាននេះ