រាជធានីភ្នំពេញ៖ កំលោះក្រមុំ២នាក់បានស្រលាញ់គ្នាយ៉ាងស្មោះស្ម័គ្រ ទោះបីមានការបំបែកបំបាក់ពីឪពុកម្តាយខាងស្រីយ៉ាងណាក៏ពួកគេនៅតែជំនះប្រពៃណីនំមិនធំជានាឡិ ហើយនាំគ្នាទៅសាលាឃុំវិហារសួគ៌ចុះសំបុត្រអាពាហ៍ពិពាហ៍និងនាំគ្នាមករៀបចំពិធីមង្គលការនៅរាជធានីភ្នំពេញ តែត្រូវបានឪពុកម្តាយខាងស្រីមកនាំយកកូនស្រីត្រឡប់ទៅផ្ទះវិញ។
ហេតុការណ៍នេះបានធ្វើឱ្យមានការភ្ញាក់ផ្អើលកាលពីវេលាម៉ោង៧យប់ថ្ងៃទី៦ មេសា ឆ្នាំ២០១៤ នៅក្នុងភោជនីយដ្ឋានម្លប់ស្បូវត្រជាក់ចិត្តដែលស្ថិត នៅតាមផ្លូវជាតិលេខ៦ ក្នុងភូមិកៀនឃ្លាំង សង្កាត់ជ្រោយចង្វា ខណ្ឌឫស្សីកែវ។ យ៉ាងណាក៏ដោយការមកតាមហៅកូនឱ្យត្រឡប់ទៅវិញមិនបានសម្រេចដូចបំណងឡើយ ព្រោះពួកគេបានស្រលាញ់និងស្ម័គ្រនាំគ្នាមករៀបការដោយស្របច្បាប់។
តួអង្គស្នេហានេះត្រូវគេដឹងថា ខាងប្រុសឈ្មោះចាន់ សេងពិសី អាយុ២៦ឆ្នាំ មានលំនៅភូមិតាកែវ២ ឃុំវិហារសួគ៌ ស្រុកខ្សាច់កណ្តាល ខេត្តកណ្តាល និងខាងស្រីជាកូនក្រមុំឈ្មោះ ស្រ៊ុន ផល្លី អាយុ២៤ឆ្នាំ មានលំនៅភូមិវិហារសួគ៌ត្បូង ឃុំវិហារសួគ៌ ស្រុកខ្សាច់កណ្តាល ខេត្តកណ្តាល។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ