ខេត្តឧត្តរមានជ័យ ៖ រថយន្តបាឡែនស៊េរីទំនើបមួយគ្រឿង ពណ៌ទឹកប្រាក់ គ្មានស្លាកលេខ ដឹកឈើគ្រញូងពេញត្រូវប៉ូលិសសេដ្ឋកិច្ចក្រសួងសហការជាមួយមន្ត្រីជំនាញខណ្ឌរដ្ឋបាលព្រៃឈើខេត្ត និងប៉េអឹមស្រុកអន្លង់វែងដេញចាប់បានកាលពីវេលាម៉ោង៧ និង៣០នាទីព្រឹក ថ្ងៃទី៧ មេសា ២០១៤ នៅតាមដងផ្លូវជាតិលេខP.R១៧៤ ស្ថិតនៅទល់មុខសាលាស្រុកអន្លង់វែង ។
ខេត្តឧត្តរមានជ័យ ៖ រថយន្តបាឡែនស៊េរីទំនើបមួយគ្រឿង ពណ៌ទឹកប្រាក់ គ្មានស្លាកលេខ ដឹកឈើគ្រញូងពេញត្រូវប៉ូលិសសេដ្ឋកិច្ចក្រសួងសហការជាមួយមន្ត្រីជំនាញខណ្ឌរដ្ឋបាលព្រៃឈើខេត្ត និងប៉េអឹមស្រុកអន្លង់វែងដេញចាប់បានកាលពីវេលាម៉ោង៧ និង៣០នាទីព្រឹក ថ្ងៃទី៧ មេសា ២០១៤ នៅតាមដងផ្លូវជាតិលេខP.R១៧៤ ស្ថិតនៅទល់មុខសាលាស្រុកអន្លង់វែង ។
លោកអនុសេនីយ៍ឯក គង់ ផល្លី ប៉ូលិសសេដ្ឋកិច្ចក្រសួងប្រឆាំងបទល្មើសបានបញ្ជាក់ថា រថយន្តដឹកឈើនេះបានដឹកចេញពីចំណុចភូមិអូរស្វាយ ឃុំអូរស្វាយ ស្រុកត្រពាំងប្រាសាទ ត្រូវកម្លាំងសមត្ថកិច្ចបើករថយន្តប្រដេញចាប់ពាសពេញទីប្រជុំជនស្រុកអន្លង់វែងបង្កឱ្យមានការភ្ញាក់ផ្អើល ហើយរថយន្តនោះបានបើកបំបុករថយន្តសមត្ថកិច្ចខូចខាតអស់មួយគ្រឿង ទើបចាប់បាន រួចប្រគល់ទៅឱ្យមន្ត្រីជំនាញខណ្ឌរដ្ឋបាលព្រៃឈើខេត្តឧត្តរមានជ័យរក្សាទុកជាសម្បត្តិរដ្ឋ។
សូមបញ្ជាក់ថា មកដល់ពេលនេះគេពុំទាន់បានដឹងថា ចំនួនឈើគ្រញូងដែលនៅក្នុងរថយន្តនោះមានប៉ុន្មានម៉ែត្រគូបនៅឡើយទេ៕
ចែករំលែកព័តមាននេះ