មន្ដ្រីម្នាក់នៃក្រសួងបង្រួបបង្រួមកូរ៉េខាងត្បូង ថ្លែងកាលពីថ្ងៃទី៦ មេសា ថា នាវិកកូរ៉េខាងជើង៣នាក់ ដែលជួយសង្គ្រោះ និងសាកសពនាវិក២នាក់ ដែលស្លា.ប់ពេលនាវាកាហ្គោពួកគេលិចក្នុងដែនទឹកក្រុង YEOSU ត្រូវធ្វើមាតុភូមិនិវត្ដន៍ទៅកាន់កូរ៉េខាងជើងវិញ នារសៀលថ្ងៃទី៦ មេសា នោះកាត់តាមភូមិប៉ានមុនហ្សូម ។
មន្ដ្រីម្នាក់នៃក្រសួងបង្រួបបង្រួមកូរ៉េខាងត្បូង ថ្លែងកាលពីថ្ងៃទី៦ មេសា ថា នាវិកកូរ៉េខាងជើង៣នាក់ ដែលជួយសង្គ្រោះ និងសាកសពនាវិក២នាក់ ដែលស្លាប់ពេលនាវាកាហ្គោពួកគេលិចក្នុងដែនទឹកក្រុង YEOSU ត្រូវធ្វើមាតុភូមិនិវត្ដន៍ទៅកាន់កូរ៉េខាងជើងវិញ នារសៀលថ្ងៃទី៦ មេសា នោះកាត់តាមភូមិប៉ានមុនហ្សូម ។
កូរ៉េខាងជើងបានស្នើ កាលពីថ្ងៃទី៤ មេសា ដល់ក្រុងសេអ៊ូល ឱ្យធ្វើមាតុភូមិនិវត្ដន៍បណ្ដានាវិកដែលនៅរស់រានមានជីវិត និងសាកសពនាវិក២នាក់ដែលរកឃើញ ។ នាវាកាហ្គោ១គ្រឿងដោតទង់ជាតិម៉ុងហ្គោលី ឈ្មោះ GRAND FORTUNE-1 ចំណុះ៤.៣០០តោន បានលិចកាលពីវេលាម៉ោង១និង១៩នាទីរំលងអធ្រាត្រថ្ងៃទី៤ មេសា នៅកន្លែងមួយចម្ងាយ៧៤គីឡូម៉ែត្រ ភាគអាគ្នេយ៍ឆ្នេរសមុទ្រក្រុង YEOSU ក្រោយពីមានការបញ្ជូនសញ្ញាអាសន្នរកការជួយសង្គ្រោះ ។ ក្នុងចំណោមនាវិកកូរ៉េខាងជើងទាំង១៦នាក់ ស្ថិតក្នុងនាវានោះ ២នាក់ត្រូវបានរកឃើញស្លាប់ ហើយ៣នាក់ត្រូវបានគេជួយសង្គ្រោះ ។ ប៉ូលិសសមុទ្រក្រុង YEOSU បច្ចុប្បន្នកំពុងតាមរកនាវិក១១នាក់ទៀតដែលបាត់ខ្លួន ដោយប្រើនាវាដល់ទៅ១១គ្រឿង និងយន្ដហោះ៤គ្រឿង ។ ក្រុងព្យុងយ៉ាង កាលពីថ្ងៃទី៥ មេសា ស្នើឱ្យជួយសង្គ្រោះបណ្ដានាវិកដែលបាត់ខ្លួន ។
ទីភ្នាក់ងារព័ត៌មានកូរ៉េខាងជើង KCNA អះអាងកាលពីថ្ងៃទី៥ មេសាថា គ្រោះថ្នាក់នៃនាវាកាហ្គោជាមួយនាវិកកូរ៉េខាងជើង១៦នាក់ជិះក្នុងនោះដោយនិយាយថា កូរ៉េខាងជើងចង់ឱ្យបណ្ដាភាគីដែលទាក់ទិនធ្វើប្រតិបត្ដិការជួយសង្គ្រោះ ហើយជួយដល់បណ្ដាអ្នកដែលអាចនៅរស់រានមានជីវិតរួចបញ្ជូនពួកគេឱ្យវិលមកជួបជុំសាច់ញាតិគ្រួសារវិញ ៕
ចែករំលែកព័តមាននេះ