រាជធានីភ្នំពេញ ៖ សពនិស្សិតសាលាពេទ្យម្នាក់ ត្រូវគេប្រទះឃើញអណ្តែតលើផ្ទៃទឹកទន្លេបង្កឱ្យមានការភ្ញាក់ផ្អើលកាលពីវេលាម៉ោង៨និង៣០នាទីព្រឹក ថ្ងៃទី៦ មេសា នៅចំណុចច្រាំងទន្លេទល់មុខសណ្ឋាគារខ្មែររ៉ូយ៉ាល់ សង្កាត់ជ័យជំនះ ខណ្ឌដូនពេញ ក្រោយពេលចេញបាត់ពីផ្ទះអស់រយៈពេល២ថ្ងៃ ។
រាជធានីភ្នំពេញ ៖ សពនិស្សិតសាលាពេទ្យម្នាក់ ត្រូវគេប្រទះឃើញអណ្តែតលើផ្ទៃទឹកទន្លេបង្កឱ្យមានការភ្ញាក់ផ្អើលកាលពីវេលាម៉ោង៨និង៣០នាទីព្រឹក ថ្ងៃទី៦ មេសា នៅចំណុចច្រាំងទន្លេទល់មុខសណ្ឋាគារខ្មែររ៉ូយ៉ាល់ សង្កាត់ជ័យជំនះ ខណ្ឌដូនពេញ ក្រោយពេលចេញបាត់ពីផ្ទះអស់រយៈពេល២ថ្ងៃ ។
សពត្រូវបានគេស្គាល់ថាឈ្មោះ ស្រឿន ឈុនហេង ភេទប្រុស អាយុ២១ឆ្នាំ ជានិស្សិតពេទ្យឆ្នាំទី១ (ផ្នែកវេជ្ជសាស្ត្រ) មានស្រុកកំណើតនៅភូមិសមាគម ឃុំក្រែក ស្រុកពញាក្រែក ខេត្តកំពង់ចាម ស្នាក់នៅផ្ទះជួលលេខ៤៨៥ ផ្លូវលំ សង្កាត់បឹងទំពុន ខណ្ឌមានជ័យ ។ យោងតាមការអះអាងរបស់បងស្រីសព បានឱ្យសមត្ថកិច្ចឱ្យដឹងថា នៅថ្ងៃទី៤ មេសា វេលាម៉ោង៦និង៣០នាទីល្ងាច ឈ្មោះ ស្រឿន ឈុនហេង(ជនរងគ្រោះ) និងបងស្រីព្រមទាំងបងប្អូនជីដូនមួយបីនាក់ នៅក្នុងផ្ទះជួល បានជួបជុំគ្នា ហើយបងស្រីបង្កើតឈ្មោះ ស្រឿន ម៉ាលីន បានចេញទៅផ្សារ ដើម្បីទិញពងទាកូនយកមកហូបជុំគ្នា ។ ពេលបងស្រីត្រទ្បប់មកវិញក៏ឱ្យឈ្មោះ ស្រឿន សំអាត ហៅប្អូនឈ្មោះ ស្រឿន ឈុនហេង(ជនរងគ្រឿង) មកហូបពងទាកូនតែត្រូវបានស្រឿន សំអាត ប្រាប់ថា ស្រឿន ឈុនហេង ចេញទៅផ្សារបាត់ហើយ ។ ដោយសារចាំយូរពេកមិនឃើញ ស្រឿន ឈុនហេង ត្រទ្បប់មកផ្ទះវិញ គឺនៅម៉ោងជាង៨យប់ ក្រុមគ្រួសារក៏នាំគ្នាដើេររកតែរកមិនឃើញ ។
សមត្ថកិច្ចមូលដ្ឋានបានឱ្យដឹងថា លុះដល់ថ្ងៃទី៦ មេសា វេលាម៉ោង៨និង១០នាទីព្រឹក មានបុរសម្នាក់ឈ្មោះ ពៅ សំអឿន ដើរទៅអង្គុយនៅមាត់ទន្លេចំណុចខាងលើ ស្រាប់តែប្រទះឃើញសពអណ្តែតទឹកនៅជាប់ច្រាំងទន្លេក៏មានការភ្ញាក់ផ្អើលឆោទ្បោទ្បើង និងនាំគ្នាចោមរោមមើល ។ មួយសន្ទុះក្រោយមក ក៏ឃើញស្ត្រីម្នាក់ចូលមកអះអាងថា ជាសពប្អូនប្រុសរបស់ខ្លួនឈ្មោះ ស្រឿន ឈុនហេង ដែលបានបាត់ពីផ្ទះអស់២ថ្ងៃមកហើយ ។ ឈ្មោះនេះ មានជំងឺផ្លូវចិត្តរយៈពេល១ខែមកហើយ និងកំពុងត្រូវបានគ្រូពេទ្យព្យាបាល ដោយឱ្យលេបថ្នាំជាប្រចាំផងដែរ ។
ក្រោយពីសមត្ថកិច្ចជំនាញពិនិត្យសពរួច ក៏បានប្រគល់ឱ្យក្រុមគ្រួសារយកទៅរៀបចំធ្វើបុណ្យតាមប្រពៃណីនៅវត្តសន្សំកុសល ៕
ចែករំលែកព័តមាននេះ