ខេត្ដបាត់ដំបង ៖ សមត្ថកិច្ចបានឃាត់ខ្លួន បុរសម្នាក់ ក្រោយពីសង្ស័យថា បានចាប់ក្មេងស្រីអាយុ១២ឆ្នាំម្នាក់រំលោភរហូតបានសម្រេច កាលពីវេលាម៉ោង៣រសៀលថ្ងៃទី៤ មេសា នៅក្នុងផ្ទះរបស់នាង ក្នុងឃុំស្ដៅ ស្រុករតនមណ្ឌល គ្រាដែលនាងនៅផ្ទះម្នាក់ឯងមើលប្អូនប្រុសអាយុ ១ឆ្នាំ ប៉ុន្ដែជននេះបានបដិសេធការចោទប្រកាន់នេះ ។
ខេត្ដបាត់ដំបង ៖ សមត្ថកិច្ចបានឃាត់ខ្លួន បុរសម្នាក់ ក្រោយពីសង្ស័យថា បានចាប់ក្មេងស្រីអាយុ១២ឆ្នាំម្នាក់រំលោភរហូតបានសម្រេច កាលពីវេលាម៉ោង៣រសៀលថ្ងៃទី៤ មេសា នៅក្នុងផ្ទះរបស់នាង ក្នុងឃុំស្ដៅ ស្រុករតនមណ្ឌល គ្រាដែលនាងនៅផ្ទះម្នាក់ឯងមើលប្អូនប្រុសអាយុ ១ឆ្នាំ ប៉ុន្ដែជននេះបានបដិសេធការចោទប្រកាន់នេះ ។
លោក រស់ លឹមសឺន អធិការរងនគរបាលស្រុករតនមណ្ឌលបានប្រាប់ថា ជនសង្ស័យឈ្មោះ សេង វណ្ណី អាយុ៤៨ឆ្នាំ រស់នៅផ្ទះក្បែរគ្នា ។ កម្លាំងរបស់លោកបានចុះទៅឃាត់ខ្លួនជនសង្ស័យរូបនេះក្រោយពីទទួលបានពាក្យបណ្ដឹងពីអាណាព្យាបាលក្មេងស្រី និងក្រោយពីកើតហេតុបន្ដិច ប៉ុន្ដែជនសង្ស័យបានបដិសេធការចោទប្រកាន់ បើទោះជាក្មេងស្រីរងគ្រោះបានចង្អុលបង្ហាញពីសម្លៀកបំពាក់ និងស្គាល់ច្បាស់យ៉ាងណាក្ដី ។
នៅក្នុងកំណត់ហេតុ ក្មេងស្រីរងគ្រោះបាននិយាយថា ឈ្មោះ សេង វណ្ណី បានចូលទៅចាប់នាងរំលោភ គ្រាដែលនាងនៅមើលប្អូនប្រុស អាយុ ១ខួប ម្នាក់ឯងនៅក្នុងផ្ទះ និងកំពុងអានសៀវភៅ ខណៈឪពុកម្ដាយនាងចេញទៅចម្ការអស់ ។ ដំបូងជននេះបានបបួលនាងទៅដើររើសសណ្ដែកដោយប្រាប់ថា ឱ្យលុយនាង១ម៉ឺុនរៀល ទិញខ្សែកនិងក្រវិលឱ្យ តែនាងមិនព្រមទៅក៏ចូលមកចាប់អូសនាងយកទៅរំលោភរហូតបានសម្រេច ។ នាងបញ្ជាក់ថា ក្រោយពីរំលោភរួច បុរសនោះបានគំរាមអារ.កសម្លាប់នាង បើនាងស្រែកឬប្រាប់ឪពុកម្ដាយឱ្យដឹង ប៉ុន្ដែនាងបានរត់ទៅប្រាប់ឪពុកម្ដាយនាងភ្លាមៗដែរទាំងការឈឺចាប់និងហូរឈាមផង បន្ទាប់ពីបុរសនោះចេញផុតពីផ្ទះនាងបន្ដិច ។
ទោះជាយ៉ាងណា ជនឈ្មោះ សេង វណ្ណី មិនបានសារភាពពីទង្វើរបស់ខ្លួនដែលបានប្រព្រឹត្ដទៅលើក្មេងស្រីទេ ពេលសមត្ថកិច្ចសួរចម្លើយនៅមូលដ្ឋាន ។ ប៉ុន្ដែជននេះបានសារភាពពេលបញ្ជូនមកដល់ស្នងការដ្ឋាននគរបាលខេត្ដថា ខ្លួនមិនបានរំលោភទេ តែបានប្រើម្រាមដៃបៀតបៀនប្រដាប់ភេទនាងដែលខ្លួនគិតថាគ្មានកំហុស។ លោក សេង លុច នាយរងការិយាល័យនគរបាលព្រហ្មទណ្ឌកម្រិតធ្ងន់ឱ្យដឹងថា ពិតមែនតែជនសង្ស័យបានបដិសេធពីសកម្មភាពរំលោភក្មេងស្រី តែក៏អាចជាប់ពិរុទ្ធដែរ ដោយសារតែយកម្រាមដៃលេងប្រដាប់ភេទនាង ។
លោកឱ្យដឹងទៀតថា បើទោះជាជននេះបដិសេធយ៉ាងណាក្ដី តែសំខាន់បើការធ្វើកោសល្យវិច័យឱ្យក្មេងស្រីរកឃើញថា នាងមានស្នាមរបួសលើផ្លូវភេទ បុរសនោះនឹងត្រូវជាប់ពិរុទ្ធធ្ងន់ជាមិនខាន ៕
ចែករំលែកព័តមាននេះ