ខេត្តបន្ទាយមានជ័យ ៖ យោធានៅអង្គភាពវរសេនាតូចលេខ៥១៣ ប្រចាំការនៅបន្ទាត់ព្រំដែន ក្នុងឃុំអូរបីជាន់ ស្រុកអូរជ្រៅ ម្នាក់ បាន រងរបួសធ្ងន់ ដោយសារផ្ទុះមីនមួយគ្រាប់ ពេលយកដៃឆ្កិះ ។ហេតុការផ្ទុះដ៍កក្រើកនេះបានកើតឡើងកាលពីវេលាម៉ោងជាង១២រសៀល ថ្ងៃទី០៦ ខែមេសា ឆ្នាំ២០១៤ នៅភូមិសិលាខ្មែ ឃុំអូរបីជាន់។
ខេត្តបន្ទាយមានជ័យ ៖ យោធានៅអង្គភាពវរសេនាតូចលេខ៥១៣ ប្រចាំការនៅបន្ទាត់ព្រំដែន ក្នុងឃុំអូរបីជាន់ ស្រុកអូរជ្រៅ ម្នាក់ បាន រងរបួសធ្ងន់ ដោយសារផ្ទុះមីនមួយគ្រាប់ ពេលយកដៃឆ្កិះ ។ហេតុការផ្ទុះដ៍កក្រើកនេះបានកើតឡើងកាលពីវេលាម៉ោងជាង១២រសៀល ថ្ងៃទី០៦ ខែមេសា ឆ្នាំ២០១៤ នៅភូមិសិលាខ្មែ ឃុំអូរបីជាន់។
យោធារងគ្រោះឈ្មោះធាន ហុង ភេទប្រុស អាយុ៣៦ឆ្នាំ ជាយោធាវរៈសេនាតូចលេខ៥១៣ ចំណុះកងពលតូចថ្មើជើងលេខ៥១ប្រចាំការនៅបន្ទាត់ព្រំដែន ក្នុងឃុំកើតហេតុនិងមានទីលំនៅ ភូមិថ្មសិន សង្កាត់និម្មិត ក្រុងប៉ោយប៉ែត។ ជរងគ្រោះរបួសធ្ងន់ផ្ទៃមុខភ្នែកទាំងសងខាងដៃនិងដើមទ្រូងដោយសាអំបែងគ្រាប់។
តាមលោកអនុសេនីយ៍ឯក លឹម វណ្ណារឹទ្ធ មេបញ្ជាការរងយោធាវរៈសេនាតូច៥១៣ ចំណុះកងពលតូចថ្មើជើងលេខ៥១បានប្រាប់តាមទូរស័ព្ទថា មុនកើតហេតុជនរងគ្រោះបានដើរទៅមើលស្រែ ដែលស្រែនោះជាកន្លែងធ្លាប់ធ្វើរាល់ឆ្នាំប៉ុន្តែមានដំបូកមួយក្នុងស្រែនោះ ត្រូវភ្លៀងដីហូរអស់ក៍ប្រទះឃើញមីន។
លោកបន្តថា ដោយជនរងគ្រោះយកដៃទៅឆ្កិះ ស្រាប់តែផ្ទុះកក្រើកបង្ករបួសតែម្ដង។ ជនរងគ្រោះក្រោយកើតហេតុត្រូវបានគេនាំចូលមណ្ឌលសុខភាពនៅក្នុងភូមិកើតហេតុបន្ទាប់មកក៍បានបញ្ជូនបន្តទៅមន្ទីរពេទ្យមិត្តភាពកម្ពុជាជប៉ុនមង្គលបូរីដើម្បីធ្វើការសង្រ្គោះ។
ចែករំលែកព័តមាននេះ