រដ្ឋមន្ត្រីការពារប្រទេសអាមេរិកលោក CHUCK HAGEL ប្រកាសកាលពីថ្ងៃទី៦ មេសា ថា សហរដ្ឋអាមេរិកគ្រោងបញ្ជូនមកកាន់ប្រទេសជប៉ុននូវនាវា២គ្រឿងបំពាក់ដោយប្រព័ន្ធប្រឆាំងមីសីុល AEGIS បន្ថែមលើបណ្តានាវាបំពាក់ប្រព័ន្ធធុននោះទាំងឡាយដែលមានវត្តមានស្រាប់ ដើម្បីឆ្លើយតបចំពោះការគំរាមកំហែងរបស់កូរ៉េខាងជើង ។
រដ្ឋមន្ត្រីការពារប្រទេសអាមេរិកលោក CHUCK HAGEL ប្រកាសកាលពីថ្ងៃទី៦ មេសា ថា សហរដ្ឋអាមេរិកគ្រោងបញ្ជូនមកកាន់ប្រទេសជប៉ុននូវនាវា២គ្រឿងបំពាក់ដោយប្រព័ន្ធប្រឆាំងមីសីុល AEGIS បន្ថែមលើបណ្តានាវាបំពាក់ប្រព័ន្ធធុននោះទាំងឡាយដែលមានវត្តមានស្រាប់ ដើម្បីឆ្លើយតបចំពោះការគំរាមកំហែងរបស់កូរ៉េខាងជើង ។
ក្រោយជួបជាមួយសមភាគីជប៉ុន លោក អីុត ស៊ូណូរី អូណូដឺរា៉ នៅក្រុងតូក្យូ លោក HAGEL និយាយថា ជាការឆ្លើយតបចំពោះការបង្កហេតុ និងសកម្មភាពបង្កអស្ថេរភាពរបស់ក្រុងព្យុងយ៉ាង ក្នុងនោះរួមមានការបាញ់មីសីុលទាំងឡាយនាពេលថ្មីៗនេះដែលរំលោភបំពានដំណោះស្រាយទាំងឡាយរបស់ អ.ស.ប ខ្ញុំអាចប្រកាសនាពេលនេះថា សហរដ្ឋអាមេរិកគ្រោងដាក់ពង្រាយនាវា២គ្រឿងបំពាក់ដោយប្រព័ន្ធប្រឆាំងមីសីុល AEGIS បន្ថែមទៀតនៅជប៉ុនក្នុងឆ្នាំ២០១៧ ។ នាវាទាំងនោះនឹងមករួមដៃជាមួយនាវា៥គ្រឿងបំពាក់ប្រព័ន្ធការពារប្រឆាំងមីសីុលដែលស្ថិតក្នុងប្រទេសជប៉ុនស្រាប់ហើយ។ សហរដ្ឋអាមេរិកមានមូលដ្ឋានយោធាសំខាន់ៗ និងទាហានជិត៥០.០០០នាក់នៅជប៉ុន ៕
ចែករំលែកព័តមាននេះ