ពីក្រុងកាប៊ុលរហូតដល់ក្រុងកាន់ដាហារ ពលរដ្ឋអាហ្វហ្គានីស្ថាន កាលពីថ្ងៃទី៥ មេសា បានលើកគ្នាទៅបោះឆ្នោតប្រធានាធិបតីក្នុងចំនួនច្រើន និងដោយគ្មានឧប្បត្តិហេតុចម្បង ទោះបីមានការគំរាមកំហែងវាយប្រហាររបស់ពួកតាលីបង់ក៏ដោយ ។
នេះជាការបោះឆ្នោតជ្រើសរើសអ្នកបន្តវេនពីលោកប្រធានាធិបតីហាមីដកាហ្សៃ ខណៈសល់ពេលប៉ុន្មានខែទៀតប៉ុណ្ណោះដល់ពេលដកកងទាហានអូតង់
ពីក្រុងកាប៊ុលរហូតដល់ក្រុងកាន់ដាហារ ពលរដ្ឋអាហ្វហ្គានីស្ថាន កាលពីថ្ងៃទី៥ មេសា បានលើកគ្នាទៅបោះឆ្នោតប្រធានាធិបតីក្នុងចំនួនច្រើន និងដោយគ្មានឧប្បត្តិហេតុចម្បង ទោះបីមានការគំរាមកំហែងវាយប្រហាររបស់ពួកតាលីបង់ក៏ដោយ ។
នេះជាការបោះឆ្នោតជ្រើសរើសអ្នកបន្តវេនពីលោកប្រធានាធិបតីហាមីដកាហ្សៃ ខណៈសល់ពេលប៉ុន្មានខែទៀតប៉ុណ្ណោះដល់ពេលដកកងទាហានអូតង់ចេញពីប្រទេសនោះ ។
អាជ្ញាធរបានសម្តែងការអបអរសាទរចំពោះជោគជ័យនេះ ដែលមានអ្នកចូលរួមបោះឆ្នោតដល់ទៅជាង៥០% រួចបើមានការបញ្ជាក់ច្បាស់នោះនឹងជាតួលេខខ្ពស់បំផុតមួយបើប្រៀបធៀបទៅនឹងតួលេខអ្នកចូលរួមបោះឆ្នោតប្រធានាធិបតី កាលពីឆ្នាំ២០០៩ដែលមានអ្នកចូលរួមត្រឹមតែ៣០%ប៉ុណ្ណោះ ។
ការបោះឆ្នោត នេះជាការផ្ទេរអំណាចលើកដំបូងរបស់ប្រធានាធិបតីអាហ្វហ្គានីស្ថាន១រូបដែលជ្រើសរើសតាមបែបប្រជាធិបតេយ្យចាត់ទុកជាការសាកល្បងចម្បងមួយសម្រាប់ប្រទេសនោះ ដើម្បីធ្វើឱ្យមានស្ថិរភាព ពិសេសនាចុងឆ្នាំពេលដែលកងទ័ពពួកលោកខាងលិចភាគច្រើនត្រូវចាកចេញទៅវិញក្រោយពីជួយទ្រទ្រង់រដ្ឋាភិបាលអាហ្វហ្គានីស្ថាន ចាប់តាំងពីជាង១០ឆ្នាំមកហើយ ។ បេក្ខជនមានសង្ឃឹមឈ្នះគឺអតីតរដ្ឋមន្ត្រីរបស់លោកហាមីដកាហ្សៃ៣រូបគឺលោក ហ្សាល់មា៉អីុ រា៉សស៊ូល លោកអាស្ត្រាវ ហ្គានី អ្នកសេដ្ឋកិច្ចមានឈ្មោះល្បីម្នាក់ និងលោក អាប់ឌុលឡាហ៍ អាប់ឌុលឡាហ៍ ជាមេដឹកនាំប្រឆាំងជាប់ចំណាត់ថ្នាក់ទី២ ក្នុងពេលបោះឆ្នោតប្រធានាធិបតី កាលពីឆ្នាំ២០០៩ ។
ប្រធានគណៈកម្មាធិការបោះឆ្នោតអាហ្វហ្គានីស្ថាន កាលពីថ្ងៃទី៥ មេសា បានសម្តែងការអរគុណចំពោះប្រជាជនដែលលើកគ្នាមកបោះឆ្នោតច្រើន បំពេញសិទ្ធិរបស់ខ្លួន ។ ក្នុងសន្និសីទសារព័ត៌មានមួយប្រធានគណៈកម្មាធិការបោះឆ្នោតឯករាជ្យ លោក អាម៉េដ យូស៊ូហ្វ នូរីស្តានី និយាយទៅកាន់ក្រុមអ្នកកាសែតថា ខ្ញុំសូមថ្លែងអំណរគុណដោយស្មោះចំពោះប្រជាជនអាហ្វហ្គានីស្ថាន ដែលមកចូលរួមបោះឆ្នោតយ៉ាងច្រើនក្នុងការបោះឆ្នោតជាប្រវត្តិសាស្ត្រនេះ ។
លោក នូរី ស្តានី ធ្វើការកត់សម្គាល់ថា អ្នកបោះឆ្នោតជិត៧លាននាក់បានមកបោះឆ្នោតក្នុងចំណោមពលរដ្ឋអាហ្វហ្គានីស្ថាន មានសិទ្ធិបោះឆ្នោតទាំង១២លាននាក់ ។ ការរាប់សន្លឹកឆ្នោតចាប់ផ្តើមក្រោយបញ្ចប់ការបោះឆ្នោត រួចនឹងចប់សព្វគ្រប់នាថ្ងៃទី២០ មេសា ៕
ចែករំលែកព័តមាននេះ