ប្រភពព័ត៌មានយោធាចិនរាយការណ៍ថា យន្តហោះយោធាចិនមួយគ្រឿងទទួលបន្ទុកជួយតាមរុករកយន្តហោះម៉ាឡេស៊ីបាត់ដានចាប់តាំងពីថ្ងៃទី៨ មីនា មកប្រទះឃើញរបស់ពណ៌សនានាកាលពីថ្ងៃទី៥ មេសា នៅភាគខាងត្បូងមហាសមុទ្រឥណ្ឌាតំបន់ភាគខាងលិចទីក្រុង PERTH របស់អូស្ត្រាលី ។
ការប្រទះឃើញរបស់ទាំងនោះត្រូវបានរាយការណ៍ដល់មជ្ឈមណ្ឌលនៃទីភ្នាក់ងារសម្របសម្រួលរួម JACC របស់អូស្ត្រាលី ។
ប្រភពព័ត៌មានយោធាចិនរាយការណ៍ថា យន្តហោះយោធាចិនមួយគ្រឿងទទួលបន្ទុកជួយតាមរុករកយន្តហោះម៉ាឡេស៊ីបាត់ដានចាប់តាំងពីថ្ងៃទី៨ មីនា មកប្រទះឃើញរបស់ពណ៌សនានាកាលពីថ្ងៃទី៥ មេសា នៅភាគខាងត្បូងមហាសមុទ្រឥណ្ឌាតំបន់ភាគខាងលិចទីក្រុង PERTH របស់អូស្ត្រាលី ។
ការប្រទះឃើញរបស់ទាំងនោះត្រូវបានរាយការណ៍ដល់មជ្ឈមណ្ឌលនៃទីភ្នាក់ងារសម្របសម្រួលរួម JACC របស់អូស្ត្រាលី ។
យន្តហោះយោធា១០គ្រឿង យន្តហោះស៊ីវិល៣គ្រឿង និងនាវា១១គ្រឿង កាលពីថ្ងៃទី៥ មេសា ចូលរួមក្នុងប្រតិបត្តិការតាមរុករកនៅតំបន់សមុទ្រស្ថិតនៅចម្ងាយ១.៧០០គីឡូម៉ែត្រភាគពាយ័ព្យទីក្រុង PERTH ដែលតំបន់រុករកនេះមានទំហំ២១៧.០០០គីឡូម៉ែត្រក្រឡា ។
ចំណែកនាវាល្បាតចិនឈ្មោះ HAIXUN OI ទទួលបន្ទុកតាមរុករកយន្តហោះបាត់ដាននោះរាយការណ៍កាលពីថ្ងៃទី៥ មេសាថា ចាប់បានសញ្ញាមួយពីក្នុងទឹកនាភាគខាងត្បូងមហាសមុទ្រឥណ្ឌា ។ ឧបករណ៍តាមរកប្រអប់ខ្មៅនៃយន្តហោះភ្ជាប់ជាមួយនាវា HAIXUN OI ចាប់បានសញ្ញានៅកន្លែងមួយមានរយៈទទឹងខាងត្បូង២៥អង្សា និងរយៈបណ្តោយខាងកើត១០១អង្សា ប៉ុន្តែសញ្ញាដែលចាប់បាននោះនៅពុំទាន់អាចបញ្ជាក់ថា ទាក់ទិននឹងយន្តហោះបាត់ដានជើងហោះហើរ MH 370 ដែរឬយ៉ាងណានៅឡើយ ។
រីឯរដ្ឋមន្ត្រីការពារប្រទេស និងរដ្ឋមន្ត្រីដឹកជញ្ជូនស្តីទីម៉ាឡេស៊ីប្រកាសកាលពីថ្ងៃទី៥ មេសាថា រដ្ឋាភិបាលម៉ាឡេស៊ីបានបង្កើតគណៈកម្មាធិការ៣ ដើម្បីពង្រឹងការងារទាក់ទិននឹងយន្តហោះបាត់ដាន ។ គណៈកម្មាធិការមួយដឹកនាំដោយអនុរដ្ឋមន្ត្រីការបរទេសលោក ហាមហ្សាហ៍ ហ្សាអុីនូដឌីន នឹងទទួលបន្ទុកពិនិត្យរាល់ទិដ្ឋភាពដែលទាក់ទិននឹងគ្រួសារបណ្តាអ្នកដែលជិះក្នុងយន្តហោះបាត់ដាន ហើយផ្តល់ព័ត៌មានទាំងឡាយទាក់ទិននឹងប្រតិបត្តិការតាមរុករក ។ គណៈកម្មាធិការទី២ ដឹកនាំដោយអនុរដ្ឋមន្ត្រីដឹកជញ្ជូន លោកអាប់ឌុល អាហ្ស៊ីស កាបរ៉ាវី នឹងទទួលបន្ទុកត្រួតពិនិត្យបច្ចេកទេស ពិសេសព័ត៌មានរបស់ក្រុមអ្នកសើុបអង្កេត ។ គណៈកម្មាធិការទី៣ ដឹកនាំដោយអនុរដ្ឋមន្ត្រីការពារជាតិ នឹងទទួលបន្ទុកបណ្តាបញ្ហាដែលទាក់ទិននឹងការដាក់ពង្រាយឧបករណ៍ទាំងឡាយសម្រាប់ប្រតិបត្តិការតាមរុករក ។
រដ្ឋមន្ត្រីដឹកជញ្ជូនស្តីទី លោកហុីសាមមូឌីន ហ៊ូសេន ថ្លែងថា រដ្ឋាភិបាលម៉ាឡេស៊ីនឹងបន្តការសើុបអង្កេតលើរឿងយន្តហោះបាត់ដាននោះ យោងតាមការទាមទាររបស់អង្គការអាកាសចរណ៍ស៊ីវិលអន្តរជាតិ OIAC ៕
ចែករំលែកព័តមាននេះ