ខេត្តបន្ទាយមានជ័យ ៖ យុវជនម្នាក់បានស្លា.ប់ដោយគ្រោះថ្នាក់ចរាចរណ៍ លើដងផ្លូវជាតិលេខ៥ ក្នុងភូមិនិមិត្តថ្មី សង្កាត់និមិត្ត (ខាងកើតស្ថានីយ៍ពិនិត្យទម្ងន់កូនដំរី)ក្រុងប៉ោយប៉ែតដោយជិះម៉ូតូបុកគូថរថយន្តដឹកស៊ីម៉ង់ត៍កាលពីវេលាម៉ោងជាង១០យប់ថ្ងៃទី៤ ខែមេសា ឆ្នាំ២០១៤។
ខេត្តបន្ទាយមានជ័យ ៖ យុវជនម្នាក់បានស្លាប់ដោយគ្រោះថ្នាក់ចរាចរណ៍ លើដងផ្លូវជាតិលេខ៥ ក្នុងភូមិនិមិត្តថ្មី សង្កាត់និមិត្ត (ខាងកើតស្ថានីយ៍ពិនិត្យទម្ងន់កូនដំរី)ក្រុងប៉ោយប៉ែតដោយជិះម៉ូតូបុកគូថរថយន្តដឹកស៊ីម៉ង់ត៍កាលពីវេលាម៉ោងជាង១០យប់ថ្ងៃទី៤ ខែមេសា ឆ្នាំ២០១៤។
ជនរងគ្រោះមិនទាន់ត្រូវបានគេស្គាល់អត្តសញ្ញាណនៅឡើយទេ ភេទប្រុស អាយុជាង២០ឆ្នាំ ជិះម៉ូតូម៉ាកហុងដាឌ្រីម ពណ៌ខ្មៅសេរីឆ្នាំ២០០៥ ពាក់ស្លាកលេខកំពង់ឆ្នាំង1A.០៤៨៣ បុកគូថរថយន្តដឹកស៊ីម៉ង់ត៍ម៉ាក ហាន់ដាយចង្កូតឆ្វេង ក្បាលពណ៌សពាក់ស្លាកលេខភ្នំពេញ.៣ C.៣៤៧៨ដោយអ្នកបើកបរគេចខ្លួនបាត់ក្រោយកើតហេតុ។
សពពេលនេះត្រូវគេយកទៅទុកនៅទីតាំងឈាបនដ្ឋានក្នុងវត្តនិមិត្តសុធីរាមក្នុងភូមិកើតហេតុ។ ម៉ូតូរងគ្រោះនិងរថយន្តពាក់ព័ន្ធសមត្ថកិច្ចនាំយកទៅរក្សាទុក នៅប៉ុស្តិ៍រដ្ឋបាលនគរបាលសង្កាត់និមិត្ត រងចាំការដោះស្រាយ។
គ្រោះថ្នាក់ចរាចរណ៏មួយនេះ គេមិនដឹងមូលហេតុច្បាស់លាស់នោះទេដោយសមត្ថកិច្ចប្រាប់ថាម៉ូតូអាចបើកបរមកពីទិសខាងលិចបុករថយន្តចេញពី ស្ថានីយ៍ពិនិត្យទម្ងន់កំពង់បត់ ឯមន្ត្រីបំរើការងារនៅស្ថានីយ៍ពិនិត្យទម្ងន់ ថាម៉ូតូបុកគូថរថយន្តក្នុងដំណើស្របទិសគ្នា មកពីទិសខាងលិច។ ទោះជាយ៉ាងណារថយន្តខាងលើគេឃើញមានស្នាមបុកកង់ក្រោយផ្នែកខាងឆ្វេងរួចឆាកទៅបុកកាងស្តុខាងឆ្វេងកោងចេញទៅក្រៅបើបងប្អូនណាបាត់សាច់ញាតិសូមទាកទងទៅប៉ុស្តិ៍រដ្ឋបាលនគរបាលសង្កាត់និមិត្ត។
ចែករំលែកព័តមាននេះ