ខេត្តកំពង់ចាម៖ ដោយអនុវត្តន៏តាមការណែនាំរបស់លោក ឧត្តមសេនីយ៏ត្រី បែន រ័ត្ន ស្នងការនគរបាលខេត្តបានចាត់ឲ្យកម្លាំងក្រោមឪវាទ ធ្វើការត្រួតពិនិត្យអាវុធជាតិផ្ទុះ ពង្រឹងសន្តិសុខនិងសណ្តាប់មុខឪកាសបុណ្យចូលឆ្នាំប្រពៃណីជាតិខ្មែរ ។ ដោយធ្វើឡើងកាលពីវេលាម៉ោងជាង ៨យប់ ថ្ងៃទី ៣ មេសា ២០១៤ ត្រង់ចំណុច ភូមិចុងថ្នល់ទី២ សង្កាត់បឹងកុក ក្រុងកំពង់
ខេត្តកំពង់ចាម៖ ដោយអនុវត្តន៏តាមការណែនាំរបស់លោក ឧត្តមសេនីយ៏ត្រី បែន រ័ត្ន ស្នងការនគរបាលខេត្តបានចាត់ឲ្យកម្លាំងក្រោមឪវាទ ធ្វើការត្រួតពិនិត្យអាវុធជាតិផ្ទុះ ពង្រឹងសន្តិសុខនិងសណ្តាប់មុខឪកាសបុណ្យចូលឆ្នាំប្រពៃណីជាតិខ្មែរ ។ ដោយធ្វើឡើងកាលពីវេលាម៉ោងជាង ៨យប់ ថ្ងៃទី ៣ មេសា ២០១៤ ត្រង់ចំណុច ភូមិចុងថ្នល់ទី២ សង្កាត់បឹងកុក ក្រុងកំពង់ចាម ដោយចាប់មុខសញ្ញាម្នាក់ឈ្មោះ យៀប ភ័ក្រ ភេទបុ្រស អាយុ ២៧ ឆ្នាំ នៅភូមិ១០ មករា ឃុំបុសខ្នុរ ស្រុកចំការលើ ដោយហូតបានម៉ូតូ១គ្រឿង ម៉ាកC 125 ពណ៌ខ្មៅស៊េរី ២០១៣ ដែលបានកាច់សោរកយកពីស្រុកស្ទឹងត្រង់ ។
លោកវរៈសេនីយ៏ទោ សាន សុភា នាយការិយាល័យព្រហ្មទណ្ឌកំរិតធ្ងន់ខេត្ត ប្រាប់ឲ្យដឹងថា ផ្អែកតាមការណែនាំរបស់លោកស្នងការនគរបាលខេត្ត បានចាត់ឲ្យរូបលោក ជាប្រធានក្រុមចុះពង្រឹងសន្តិសុខនៅប៉ុស្ត៏រដ្ឋបាលសង្កាត់បឹងកុក ដើម្បីទប់ស្តាត់និងបង្ការបង្រ្កាបបទល្មើសនានា ក្នុងគោលបំណងរក្សានូវគោលការណ៏ភូមិ-ឃុំ មានសុវត្ថិភាពទាំង៩ច ណុច។
លោកវរៈសេនីយ៏ទោ សាន សុភា នាយការិយាល័យព្រហ្មទណ្ឌកំរិតធ្ងន់ខេត្ត បានប្រាប់បន្តថាក្រោយពីបានចាប់ផ្តើម ត្រួតពិនិត្យអាវុធជាតិផ្ទុះបានជាង១ម៉ោង រហូតដល់ម៉ោងជាង ៨ យប់ថ្ងៃទី ៣មេសាបានឃើញជនសង្ស័យឈ្មោះ យៀប ភ័ក្រ ជិះម៉ូតូចេញពីទិសខាងជើងមកត្បូង ។ ស្របពេលមកដល់ត្រង់ចំណុចត្រួតពិនិត្យ ជននេះបំរុងនិងជិះរត់គេច តែត្រូវបានកម្លាំងសមត្ថកិច្ច មានគ្នាជាច្រើននាក់បានស្ទាក់ចាប់ក្រៀកជាប់ ពេលដែលឆែកឆេរមើលមិនឃើញមានលិខិតស្នាម ណាមួយទាល់តែសោះ ។ពេលទាក់ទងទៅលោកវរសេនីយ៏ត្រី ជា ធារិទ្ធ អធិការនគរបាលស្រុកស្ទឹងត្រង់ ទើបដឹងថាម៉ូតូនេះគឺបានធ្វើសកម្មភាពលួចកាច់សោរកម៉ូតូ លួចចេញពីភូមិព្រែកព្រះអង្គ ឃុំព្រែកបាក់ ស្រុកស្ទឹងត្រង់។រហូតដល់ព្រឹកថ្ងៃទី ៥ មេសា នេះដោយមានការឯកភាពពី លោកព្រះរាជអាជ្ញាអមសាលាដំបូងខេត្តត្រូវបានប្រគល់ជូនទៅម្ចាស់ម៉ូតូឈ្មោះ រ៉េន អុល ភេទប្រុស អាយុ ៤៦ ឆ្នាំ ។
ជុំវិញករណីនេះត្រូវបានម្ចាស់ម៉ូតូឈ្មោះអុល និយាយប្រាប់ឲ្យដឹងថា នៅយប់ថ្ងៃទី៣ មេសា នោះរូបលោកបានទុកម៉ូតូនៅមុខផ្ទះ ដោយពិភាក្សាដែលសមត្ថកិច្ចស្ទាក់ចាប់បាន ជាមួយក្រុមគ្រួសារ ដើម្បីរៀបចំបុណ្យសពប្អូន ក៏ស្រាប់ចោរមកចូលលួចកាច់សោរកយកទៅបាត់ ។ ពេលនៅក្រុងកំពង់ចាមរូបលោកមានសេចក្តីត្រេកអរណាស់ សូមថ្លែងអំណរគុណចំពោះ លោកវរៈសេនីយ៏ទោ សាន សុភានាយការិយាល័យព្រហ្មទណ្ឌកំរិតធ្ងន់ខេត្ត ដោយរកអ្វីមកប្រៀបផ្ទឹមមិនបានឡើយ ៕
ចែករំលែកព័តមាននេះ