រាជធានីភ្នំពេញ ៖ ករណីគ្រោះថ្នាក់ចរាចរណ៏មួយ ដែលបង្កឡើងដោយរថយន្តCRV បុកគ្នាជាមួយ រថយន្តកូរ៉េម៉ាកហ៊ីយ៉ាន់ដាយ បណ្តាលឱ្យរថយន្តCRV ធ្លាក់កាងផ្នែកខាងស្តាំ ហើយពុំមានអ្នករងរបួសទេ ។ហេតុការណ៏នេះកើតឡើងនៅវេលាម៉ោង ៦និង២០នាទី ល្ងាចថ្ងៃទី ០៤មេសា ២០១៤ នៅចំណុចមុខ
រាជធានីភ្នំពេញ ៖ ករណីគ្រោះថ្នាក់ចរាចរណ៏មួយ ដែលបង្កឡើងដោយរថយន្តCRV បុកគ្នាជាមួយ រថយន្តកូរ៉េម៉ាកហ៊ីយ៉ាន់ដាយ បណ្តាលឱ្យរថយន្តCRV ធ្លាក់កាងផ្នែកខាងស្តាំ ហើយពុំមានអ្នករងរបួសទេ ។ហេតុការណ៏នេះកើតឡើងនៅវេលាម៉ោង ៦និង២០នាទី ល្ងាចថ្ងៃទី ០៤មេសា ២០១៤ នៅចំណុចមុខ ខារ៉ាអូរខេសែនមនោរម្យ តាមបណ្តោយផ្លូវជាតិលេខ៤ ស្ថិតនៅភូមិកន្ទោកជើង សង្កាត់កន្ទោក ខណ្ឌពោធិ៍សែនជ័យ ។
ប្រភពព័ត៌មានបានឱ្យដឹងថា នៅមុនពេលកើតហេតុគេឃើញ រថយន្តកូរ៉េ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ញ.2173ភព២ ដឹកកម្មកររោងចក្របុរីសែនមនោរម្យបត់ស្តាំតាមផ្លូវជាតិលេខ៤ ក្នុងទិសដៅ លិចទៅកើត ស្របពេលនោះក៏មានរថយន្តCRV ពណ៌ស្លែ ពាក់ស្លាកលេខភ្នំពេញ2C-6345 បើកតាមផ្លូវជាតិលេខ៤ ក្នុងទិសដៅ ពីកើតមកលិច ហើយមកដល់ចំណុចកើតហេតុ ក៏បត់ឆ្វេងឆ្លងផ្លូវ ដើម្បីចូលបុរីសែនមនោរម្យ ពេលនោះក៏បានបុកគ្នាជាមួយរថយន្តកូរ៉េម៉ាកហ៊ីយ៉ាន់ដាយ បណ្តាលឱ្យរថយន្តរCRV ធ្លាក់កាងផ្នែកខាងស្តាំ តែពុំមានអ្នករងគ្រោះទេ ។
ក្រោយពេលកើតហេតុ ម្ចាស់រថយន្ត CRV បានឱ្យម្ចាស់រថយន្តកូរ៉េ យករថយន្តរបស់គាត់ទៅជួសជុលតែម្ចាស់រថយន្ត កូរ៉េមិនព្រម ដោយគាត់ថា រថយន្តគាត់មិនខុស ។ដោយសារចរចារគ្នាមិនត្រូវ ម្ចាស់រថយន្តCRV ក៏បានហៅក្រុមហ៊ុនធានារ៉ាប់រង មកដោះស្រាយ ប៉ុន្តែដោយចាំយូពេក មិនឃើញក្រុមហ៊ុនធានារ៉ាប់រងមកដល់ ភាគីខាងរថយន្តកូរ៉េ ក៏បានចេញសំណងឱ្យរថយន្តCRV ២០ដុល្លាដើម្បីបញ្ចប់រឿង ។
ចែករំលែកព័តមាននេះ