ខេត្តបាត់ដំបង៖ ជនសង្ស័យម្នាក់ក្នុងចំណោមជនសង្ស័យ៣នាក់ ដែលធ្វើសកម្មភាពដេញបា.ញ់គ្នាកាលពីយប់ថ្ងៃទី០១ មេសា ២០១៤ នៅស្រុកកំរៀងនោះ បានត្រូវសមត្ថកិច្ចខេត្តឃាត់ខ្លួននៅម៉ោង១០និង៣០នាទីព្រឹកថ្ងៃទី០៤ មេសា ២០១៤ នៅចំណុចភូមិដូង ឃុំបឹងរំាង ស្រុកកំរៀង ។
ខេត្តបាត់ដំបង៖ ជនសង្ស័យម្នាក់ក្នុងចំណោមជនសង្ស័យ៣នាក់ ដែលធ្វើសកម្មភាពដេញបាញ់គ្នាកាលពីយប់ថ្ងៃទី០១ មេសា ២០១៤ នៅស្រុកកំរៀងនោះ បានត្រូវសមត្ថកិច្ចខេត្តឃាត់ខ្លួននៅម៉ោង១០និង៣០នាទីព្រឹកថ្ងៃទី០៤ មេសា ២០១៤ នៅចំណុចភូមិដូង ឃុំបឹងរំាង ស្រុកកំរៀង ។
បើតាមអ្នកឆ្លើយឆ្លងព័ត៌មានកោះសន្តិភាពដែលស្រង់សម្តីសមត្ថកិច្ចបានឲ្យដឹងជំហានដំបូងថា ជនសង្ស័យឈ្មោះ ជាតិ ភេទប្រុស អាយុ៣១ឆ្នាំ ស្នាក់នៅភូមិអូរអន្លក់ ឃុំតាសែន ស្រុកកំរៀង ហើយថាជននេះជាសមាសភាពមិនល្អមកពីរាជធានីភ្នំពេញ ។ សេចក្តីរាយការណ៏បានបន្តថា នៅពេលនេះដែរ សមត្ថកិច្ចកំពុងធ្វើការឆែកឆេរលំនៅដ្ឋានរបស់ជនសង្ស័យ ។
គួររំលឹកថា ចាប់តំាងពីម៉ោង៩យប់រហូតដល់ពាក់កណ្តាលអធ្រាត្រថ្ងៃទី០១ មេសា ២០១៤ មានជនប្រដាប់អាវុធពីរក្រុមបានធ្វើសកម្មភាពដេញបាញ់គ្នាដូចក្នុងខ្សែភាពយន្តរបស់ហុងកុង ដោយមិនដឹងពីមូលហេតុ បង្កការភ្ញាក់ផ្អើលទំាងយប់នៅក្នុងស្រុកកំរៀង ។ ការដេញបាញ់គ្នាពីភូមិដំណាក់សាលា រហូតមកដល់ភូមិតាគ្រៃ ឃុំតាគ្រៃនោះ បណ្តាលឲ្យយុវជនម្នាក់ឈ្មោះ យួម យី អាយុ១៩ឆ្នាំ រងរបួសជើងបែកឆ្អឹង ( ត្រូវគ្រាប់កំាភ្លើង K54 ) កំពុងព្យាបាលនៅក្នុងមន្ទីរពេទ្យយោធាកងពលលេខ៥៣ ។
ព័តំមានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ