ប្រភពយោធារាយការណ៍កាលពីថ្ងៃទី៤ មេសាថា ប្រទេសកូរ៉េខាងត្បូងកាលពីខែមុនបានបា.ញ់សាកល្បងប្រកបដោយជោគជ័យនូវមីស៊ីលបាលីស្ទិកថ្មី២គ្រាប់ ដែលមីស៊ីលធុននោះអាចបា.ញ់ដល់គ្រប់កន្លែងនៃដែនដីកូរ៉េខាងជើង រួចគ្រោងដាក់ពង្រាយចាប់ពីឆ្នាំខាងមុខនេះទៅ។
ប្រភពយោធារាយការណ៍កាលពីថ្ងៃទី៤ មេសាថា ប្រទេសកូរ៉េខាងត្បូងកាលពីខែមុនបានបាញ់សាកល្បងប្រកបដោយជោគជ័យនូវមីស៊ីលបាលីស្ទិកថ្មី២គ្រាប់ ដែលមីស៊ីលធុននោះអាចបាញ់ដល់គ្រប់កន្លែងនៃដែនដីកូរ៉េខាងជើង រួចគ្រោងដាក់ពង្រាយចាប់ពីឆ្នាំខាងមុខនេះទៅ។
មន្ត្រីយោធាមួយរូបដែលមិនបញ្ចេញឈ្មោះនិយាយថា ទីភ្នាក់ងារទទួលបន្ទុកខាងការអភិវឌ្ឍផ្នែកការពារ ADD បានបាញ់សាកល្បងកាលពីថ្ងៃទី២៣ មីនាកន្លងមកនេះនៅ TAEAN ខេត្ត CHUNGCHEONG ខាងត្បូងនូវមីស៊ីលបាលីស្ទិក២គ្រាប់ដែលអាចបាញ់បានចម្ងាយ៥០០គីឡូម៉ែត រួចអាចផ្ទុកក្បាលគ្រាប់មានទម្ងន់ដល់ទៅ១តោន ។ មីស៊ីលទាំងនេះពេលបាញ់សាកបានធ្លាក់ចំគោលដៅកំណត់តែម្តង ។
ប្រទេសកូរ៉េខាងត្បូងមានមីស៊ីលបាលីស្ទិកធុន HYUNMOO ដែលអាចបាញ់បានចម្ងាយ៣០០គីឡូម៉ែត្រ ហើយបានផលិតបណ្តាមីស៊ីលដែលអាចបាញ់បានឆ្ងាយជាងនេះដោយសារកិច្ចព្រមព្រៀងថ្មីមួយជាមួយសហរដ្ឋអាមេរិកចុះហត្ថលេខាកាលពីខែតុលា ឆ្នាំ២០១២ ដែលកិច្ចព្រមព្រៀងនោះអនុញ្ញាតឱ្យក្រុងសេអ៊ូលបង្កើនចម្ងាយបាញ់កាន់តែឆ្ងាយនៃបណ្តាមីស៊ីលបាលីស្ទិករបស់ខ្លួនពី៣០០គីឡូម៉ែត្រដល់៨០០គីឡូម៉ែត្រ ។ បុ៉ន្តែកិច្ចព្រមព្រៀងនោះកំណត់ទម្ងន់ក្បាលគ្រាប់ដែលត្រូវបំពាក់យ៉ាងច្រើនបំផុតត្រឹម៥០០គីឡូក្រាមសម្រាប់បណ្តាមីស៊ីលដែលអាចបាញ់បានចម្ងាយ៨០០គីឡូម៉ែត្រ រួចអនុញ្ញាតឱ្យបំពាក់ក្បាលគ្រាប់ធ្ងន់ជាងនេះសម្រាប់បណ្តាមីស៊ីលបាញ់បានចម្ងាយក្រោមពី៨០០គីឡូម៉ែត្រ ។
ការបាញ់សាកល្បងមីស៊ីលបាលីស្ទិកទាំងនេះរបស់កូរ៉េខាងត្បូងធ្វើឡើងពេលដែលភាពតានតឹងនៅឧបទ្វីបកូរ៉េមានការកើនឡើងយ៉ាងខ្លាំង ក្រោយការបាញ់គ្រាប់រុ៉ក្កែត និងមីស៊ីលរយៈខ្លី និងរយៈមធ្យមទាំងឡាយរបស់កូរ៉េខាងជើងរយៈពេលបុ៉ន្មានសប្តាហ៍ចុងក្រោយនេះជាការឆ្លើយតបចំពោះសមយុទ្ធយោធារួមកូរ៉េខាងត្បូង-សហរដ្ឋអាមេរិកដែលកំពុងធ្វើ ៕
ចែករំលែកព័តមាននេះ