៥ឆ្នាំក្រោយការបា.ញ់ប្រហារយ៉ាងបង្ហូរឈាមមួយមក មូលដ្ឋានយោធាអាមេរិក FORT HOOD នៅរដ្ឋតិចសាស់ជួបប្រទះនឹងការបា.ញ់ប្រហារបង្ហូរឈាមថ្មីមួយទៀត កាលពីថ្ងៃទី២ មេសា ដែលតាមអាជ្ញាធរថា បណ្ដាលឱ្យមនុស្សស្លា.ប់៤នាក់ ហើយមនុស្ស១៤នាក់ទៀតត្រូវរបួស ។
៥ឆ្នាំក្រោយការបាញ់ប្រហារយ៉ាងបង្ហូរឈាមមួយមក មូលដ្ឋានយោធាអាមេរិក FORT HOOD នៅរដ្ឋតិចសាស់ជួបប្រទះនឹងការបាញ់ប្រហារបង្ហូរឈាមថ្មីមួយទៀត កាលពីថ្ងៃទី២ មេសា ដែលតាមអាជ្ញាធរថា បណ្ដាលឱ្យមនុស្សស្លាប់៤នាក់ ហើយមនុស្ស១៤នាក់ទៀតត្រូវរបួស ។
មូលដ្ឋានយោធា FORT HOOD នេះជាមូលហេតុយោធាធំជាងគេបំផុតរបស់សហរដ្ឋអាមេរិក កាលពីឆ្នាំ២០០៩ ធ្លាប់កើតមានការបាញ់ប្រហារមួយបណ្ដាលឱ្យមនុស្សស្លាប់ដល់ទៅ១៣នាក់ និងរបួសជាង៣០នាក់ ដោយសារស្នាដៃរបស់ទាហានម្នាក់ឈ្មោះ NIDAL HASAN ។ ទាហានរូបនេះបាញ់ប្រហារនៅឯការិយាល័យពេទ្យមួយរបស់មូលដ្ឋានយោធា ។
ក្នុងសេចក្ដីប្រកាសមួយ មូលដ្ឋានយោធា FORT HOOD បញ្ជាក់ថា មូលដ្ឋានយោធានោះនៅត្រូវឡោមព័ទ្ធរហូតដល់ពេលល្ងាច ហើយស្នើដល់បុគ្គលិកទាំងអស់ស្ថិតក្នុងជម្រកការពារ ។ បណ្ដាបុគ្គលិកដែលត្រូវរបួសបានបញ្ជូនទៅកាន់មជ្ឈមណ្ឌលវេជ្ជសាស្រ្ដ CARL R.DARNALD MEDICAL CENTER និងទៅកាន់មន្ទីរពេទ្យដទៃៗទៀត ។ ប្រធានាធិបតីអាមេរិកលោកបារ៉ាក់ អូបាម៉ា ថ្លែងនៅក្រុងស៊ីកាហ្គោថា យើងតាមដានសភាពការណ៍យ៉ាងប្រកិត ។ ខ្ញុំចង់ដឹងថា តើមានអ្វីកើតមានដោយពិតប្រាកដ ។ យើងមានការសោកស្ដាយខ្លាំងណាស់ដែលរឿងបែបនេះកើតមានជាថ្មីទៀត ។
សាក្សីម្នាក់និយាយប្រាប់ទូរទស្សន៍ KCEN TV ថា ខ្មាន់កាំភ្លើងជាបុរសស្បែកសម្នាក់ជិះក្នុងរថយន្ដតូយ៉ូតា ពណ៌ប្រផេះ ១គ្រឿង ។ ចំណែកទូរទស្សន៍ CBS អះអាងថា ខ្មាន់កាំភ្លើងជាទាហាន អាយុ៣៤ឆ្នាំ និងថាការបាញ់ប្រហារបណ្ដាលមកពីការឈ្លោះគ្នាមួយរវាងពួកទាហាន៕
ចែករំលែកព័តមាននេះ