រាជធានីភ្នំពេញ ៖ មនុស្ស០២នាក់រងរបួសស្រាលក្នុងហេតុការណ៏គ្រោះថ្នាក់ចរាចរណ៏មួយរវាងរថយន្តនីសាន់បុកជាមួយម៉ូតូ។ហេតុការណ៏នេះកើតឡើងនៅវេលាម៉ោង ១១យប់ថ្ងៃទី២ មាសា២០១៤ តាមលើផ្លូវលំមួយ ស្ថិតនៅភូមិតាង៉ូវកណ្តាល សង្កាត់និរោធ ខណ្ឌមានជ័យ ។
រាជធានីភ្នំពេញ ៖ មនុស្ស០២នាក់រងរបួសស្រាលក្នុងហេតុការណ៏គ្រោះថ្នាក់ចរាចរណ៏មួយរវាងរថយន្តនីសាន់បុកជាមួយម៉ូតូ។ហេតុការណ៏នេះកើតឡើងនៅវេលាម៉ោង ១១យប់ថ្ងៃទី២ មេសា២០១៤ តាមផ្លូវលំមួយ ស្ថិតនៅភូមិតាង៉ូវកណ្តាល សង្កាត់និរោធ ខណ្ឌមានជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា គេបានឃើញ រថយន្តនីសាន់ ពណ៌ស ពាក់ស្លាកលេខស៊េរីចាស់ ច.៦៧៦៧ភព រួចធ្វើដំណើរយ៉ាងលឿន ក្នុងទិសដៅ ពីត្បូងទៅ ជើង ស្រាប់តែមកដល់ ចំណុចកើតហេតុរថយន្តក៏បើកទៅបុក ម៉ូតួម៉ាកហុងដាវ៉េវ ពណ៌ខ្មៅ ឈាមជ្រូក ពាក់ស្លាកលេខភ្នំពេញ 1AI-9069 ដែលជិះដោយបុរសម្នាក់ដែលជិះក្នុងបទិសដៅស្របគ្នាបធ្វើឱ្យម៉ូតូដួលខ្ទាតប្រហែល២០ម៉ែត្រ បណ្តាលឱ្យអ្នកជិះម៉ូតូ របួសស្រាល០១នាក់ហើយក្នុងនោះដែរអ្នកថ្មើជើងម្នាក់ក៏របួសស្រាលដែរ ដោយសារម៉ូតូខ្ទាតទៅប៉ះ ។
ក្រោយពេលកើតហេតុ អ្នកបើកបររថយន្តបានបើកទ្វាររថយន្តរត់គេច ហើយរថយន្តនិងម៉ូតូសមត្ថកិច្ច យកទៅទុកនៅអធិការដ្ឋាន ខណ្ឌមានជ័យ ដើម្បីដោះស្រាយគ្នាតាមផ្លូវច្បាប់ ។
សូមបញ្ជាក់ផងដែរថា ប្រជាពលរដ្ឋដែលនៅកន្លែងកើតហេតុបាននាំគ្នា វាយរថយន្តបង្ក និងដេញតាមវាយម្ចាស់រថយន្តដោយសារតែពួកគេខឹងសម្បា និង អ្នកបើកបររថយន្តបុកគេហើយមិនព្រមឈប់ដោះស្រាយ ហើយរត់គេចខ្លួនទៀត ។
ចែករំលែកព័តមាននេះ