តាមទីភ្នាក់ងារព័ត៌មានរ៉យទ័របានផ្សាយថា ឧទ្យានជាតិ Yellow Stone ក្នុងសហរដ្ឋអាមេរិក ដែលស្ថិតនៅពីលើ «រូងភ្នំភ្លើង» ដ៏ធំមួយនៅលើពិភពលោក បានប្រឈមមុខនឹងការរញ្ជួយដីមានកម្លាំង៤,៨រិកស្ទ័រ កាលពីថ្ងៃទី៣០ មីនា កន្លងទៅ ។ នេះចាត់ទុកថា ជាការរញ្ជួយដីខ្លាំងបំផុតក្នុងរយៈពេល៣៤ឆ្នាំចុងក្រោយនេះ ប៉ុន្តែមិនទាន់មានរបាយការណ៍ស្តីពីការខូចខាត និងរងរបួសនៅឡើយទេ។
តាមទីភ្នាក់ងារព័ត៌មានរ៉យទ័របានផ្សាយថា ឧទ្យានជាតិ Yellow Stone ក្នុងសហរដ្ឋអាមេរិក ដែលស្ថិតនៅពីលើ «រូងភ្នំភ្លើង» ដ៏ធំមួយនៅលើពិភពលោក បានប្រឈមមុខនឹងការរញ្ជួយដីមានកម្លាំង៤,៨រិកស្ទ័រ កាលពីថ្ងៃទី៣០ មីនា កន្លងទៅ ។ នេះចាត់ទុកថា ជាការរញ្ជួយដីខ្លាំងបំផុតក្នុងរយៈពេល៣៤ឆ្នាំចុងក្រោយនេះ ប៉ុន្តែមិនទាន់មានរបាយការណ៍ស្តីពីការខូចខាត និងរងរបួសនៅឡើយទេ។
ស្ថានីយវាស់ស្ទង់ការរញ្ជួយដីនៃមហាវិទ្យាល័យយូថា និយាយថា មានកម្លាំងរំញោចស្ថិតនៅកណ្តាលបរិវេណភាគពាយ័ព្យឧទ្យានជាតិ ខណៈពេលមុននេះក៏កើតមានរញ្ជួយដីទំហំតូចមួយ នៅឧទ្យានជាតិខាងលើដែរ កាលពីថ្ងៃទី២៧ មីនា កន្លងមក ។ ការរញ្ជួយដីលើកចុងក្រោយនេះ បានកើតឡើងកាលពីវេលាម៉ោង៦ និង៣៤នាទី ម៉ោងនៅក្នុងស្រុក ស្ថិតនៅក្បែរអាងទឹកក្តៅ Norris Geyser Basin និងមានរំញោចដល់ក្រុងហ្គាឌីន័រ និងវ៉េស្តយេលឡូស្តូន ជាទីក្រុងតូចចំនួន២ នៅរដ្ឋម៉ុងតាណា ស្ថិតនៅចម្ងាយប្រហែល៣៧គីឡូម៉ែត្រ ពីឧទ្យានខាងលើ ។
ឧទ្យានជាតិ Yellow Stone ស្ថិតនៅលើទីតាំងចំនួន៣រដ្ឋ រួមមាន វ៉ាយអូមីង ម៉ុងតាណា និងអាយដាហូ ជាប្រភពជម្រកសត្វព្រៃដ៏កម្រ ដូចជាសត្វខ្ទីង និងមានអាងទឹកក្តៅសម្រាប់ទាក់ទាញភ្ញៀវទេសចរ រហូតដល់៣លាននាក់ ក្នុងមួយឆ្នាំៗ ។ ក្រុមអ្នកស្រាវជ្រាវផ្នែកធរណីវិទ្យារបស់សហរដ្ឋអាមេរិក បានធ្វើដំណើរទៅកាន់តំបន់អាងទឹកក្តៅ Norris កាលពីថ្ងៃទី៣០ មីនា កន្លងមក ដើម្បីពិនិត្យមើលថា តើការរញ្ជួយដីខាងលើនេះបានបង្កើតបម្រែបម្រួលដល់ទីតាំងនៃប្រភពកម្តៅនៅក្នុងដី ឬក៏អត់ ?
ចែករំលែកព័តមាននេះ