ស្ថានភាពនយោបាយការទូតបានធូរស្រាលវិញបន្តិចរវាងប្រទេសរុស្សុី និងអ៊ុយក្រែន បន្ទាប់ពីប្រធានាធិបតីរុស្សុី លោកវ៉្លាឌីមៀរ ពូទីន បានបង្ហើបប្រាប់អធិការបតីអាល្លឺម៉ង់ លោកស្រី Angela Merkel កាលពីថ្ងៃចន្ទ ទី៣១ មីនា ថា លោកនឹងដកកងទ័ពចេញពីព្រំដែនប្រទេសអ៊ុយក្រែន ។
ស្ថានភាពនយោបាយការទូតបានធូរស្រាលវិញបន្តិចរវាងប្រទេសរុស្សុី និងអ៊ុយក្រែន បន្ទាប់ពីប្រធានាធិបតីរុស្សុី លោកវ៉្លាឌីមៀរ ពូទីន បានបង្ហើបប្រាប់អធិការបតីអាល្លឺម៉ង់ លោកស្រី Angela Merkel កាលពីថ្ងៃចន្ទ ទី៣១ មីនា ថា លោកនឹងដកកងទ័ពចេញពីព្រំដែនប្រទេសអ៊ុយក្រែន ។
លោកប្រធានាធិបតី វ៉្លាឌីមៀរ ពូទីន បានថ្លែងតាមទូរស័ព្ទទៅកាន់លោកស្រីអធិការបតីអាល្លឺម៉ង់ ពីស្ថានភាពនយោបាយក្នុងប្រទេសអ៊ុយក្រែន ។ ក្រុងមូស្គូ មិនបានបង្ហាញការសម្រេចចុងក្រោយថា តើរុស្សុីត្រូវចុះចាញ់ក្នុងសមរភូមិនេះទេ តែទោះជាយ៉ាងណាក៏ដោយ មេដឹកនាំទាំងពីរត្រូវជួបពិភាក្សាគ្នាអំពីស្ថានភាពវឹកវររបស់អ៊ុយក្រែន ដោយរួមបញ្ចូលទាំងវត្តមានរបស់អន្តរជាតិ ដើម្បីស្តារស្ថានភាពក្នុងប្រទេសអ៊ុយក្រែន ឱ្យមានស្ថិរភាពឡើងវិញ ។
ការថ្លែងថ្មីៗនេះ របស់លោកពូទីន ធ្វើឱ្យមានមតិមួយចំនួនគិតថា នេះមិនមែនជាការសម្រេចចិត្តភ្លាមៗរបស់លោកទេ ផ្ទុយទៅវិញ វាជាការស្ទាបស្ទង់ពីស្ថានភាពដែលអាចមានការប្រែប្រួល បន្ទាប់ពីតំបន់គ្រីមេ ដែលជាឧបទ្វីបរបស់អ៊ុយក្រែនក្លាយជាកម្មសិទ្ធិស្របច្បាប់របស់ប្រទេសរុស្សុីកាលពីខែមុន ។ ទោះជាយ៉ាងណាក៏ដោយ ទីភ្នាក់ងារព័ត៌មានរបស់រុស្សុី បានឱ្យដឹងថា ទ័ពថ្មើរជើងដែលបានដាក់ពង្រាយតាមបណ្តោយព្រំដែនប្រទេសអ៊ុយក្រែន បានដកចេញជាបណ្តើរៗហើយ ខណៈពេលដែលមានភាគីពាក់ព័ន្ធទី៣ គឺសហរដ្ឋអាមេរិក បានលូកដៃចូលក្នុងជម្លោះនេះ ។
រីឯអ្នកនាំពាក្យក្រសួងការពារជាតិសហរដ្ឋអាមេរិក លោកស្រី Jen Psaki ថ្លែងថា ការដកកងទ័ពរុស្សុីចេញពីព្រំដែនប្រទេសអ៊ុយក្រែន ជាសញ្ញាវិជ្ជមានមួយដែលអាចឈានទៅរកការចរចាសន្តិភាពទ្វេភាគីមួយ ។ លោកស្រី Jen Psaki ថ្លែងទៀតថា សហរដ្ឋអាមេរិកនឹងជំរុញឱ្យប្រទេសរុស្សុីទទួលយកចំណុចសន្តិភាព មិនត្រឹមតែប៉ុណ្ណោះ រុស្សុីនឹងជួបពិភាក្សាជាមួយរដ្ឋាភិបាលទីក្រុងគៀវ ដើម្បីរឹតបន្តឹងនូវស្ថានភាពមួយនេះ ខណៈពេលដែលមានការទទួលស្គាល់ពីអធិបតេយ្យភាព និងបូរាណភាពទឹកដីរបស់ប្រទេសអ៊ុយក្រែន ។
ការដាក់ពង្រាយកងទ័ពត្រូវបានធ្វើឡើង បន្ទាប់ពីលោកនាយករដ្ឋមន្ត្រីរុស្សុី ឌីមីទ្រី ម៉េវេដដេវ ធ្វើដំណើរទៅកាន់តំបន់គ្រីមេ ក្រោយពីតំបន់មួយនេះក្លាយជាកម្មសិទ្ធិស្របច្បាប់របស់រុស្សុី និងធ្វើការតាមដានពីស្ថានភាពក្នុងតំបន់នេះ ដើម្បីបញ្ចូលជាតំបន់សេដ្ឋកិច្ចនាពេលអនាគតផងដែរ ៕
ចែករំលែកព័តមាននេះ